Esek. 22:27 - Ebaibul

²⁷ Ekwaanikin ŋikarikok a akwap kec ka ŋipeei ŋulu enyamete etyaŋ; earete ŋituŋa ka amunyasi ŋituŋa aŋuna ka aryamun ibore ŋinidemuna ŋinice.

Esek. 22:27 Iomraidhean Croise

2 Ŋakiro a ŋirwa 36:14

Apotu ŋisacaradotin daadaŋ ŋulu apolokinito ŋuluce kaapei ka ŋituŋa ŋuluce daadaŋ toruwor nooi ŋulu pa ekinyoma. Apotu kiwuapa ŋakiro ŋuna asiilyanak daadaŋ ŋuna etiyaete ŋituŋa a ŋakwapin a ŋunace, aŋun, apotu kitorona Akai ke Ekapolon alo Yerusalem ŋina sek aris Ekapolon kitaleu.

Ŋakit. 17:23

Ecamununui ituŋanan ŋini aronon akaluŋuluŋut anakimunono, ikotere edaun epite ŋolo itiyaere ŋakiro iyookino.

Isa. 1:23

Aruworosi ŋikapolok kon ŋikaŋerok, ido aruwor ŋirukitos a ŋikokolak. Emina ŋinituŋanan akaluŋuluŋut ka iwarito aryamun ŋainakineta. Nyeikinito ikes ŋikokyok ka nyetamunito ikes akitub ŋakiro a ŋapuseru aloikiikoe.

Yer. 34:19

ŋikapolok a Yudaya, ŋikapolok a Yerusalem, ŋikapolok ŋulu ka akai ka apukan, ŋisacaradotin ka ŋituŋa a akwap a daadaŋ ŋulu apotu kitoro kidiŋ ŋatutubeta a itaok,

Yer. 41:7

Ani edolete ŋikilyok ŋul kidiŋ etaun, apotu Isimael lokoku a Nesania ka ŋikilyok ŋulu arukitotor iŋes toara ŋikilyok ŋul a ekileŋ, kimasakis ŋawat kec tooma akare.

Yer. 5:6

Aŋun, eari eŋatuny ŋolo ebunit anamoni ikes, emunyari epeot ŋolo ebunit analoŋisat ikes. ite eris ŋitaunio kec eremokino; ituŋanan daadaŋ ŋini elomuni kiŋa alotaunio kec, enyilinyiliyaryo, anerae elalak ŋasecisya kec ka epol nooi epite ŋolo aŋeryoto ikes akiwuap ŋuna ebookoi.

Aum. 4:13

Nai apotu ŋimoe topedosi, anerae apotu ŋikadwarak keŋ ka ŋisacaradotin keŋ toseca aŋuna aaryata alotooma etaun ŋituŋa ŋulu pa asecito.

Esek. 13:19

Idaut iyes akiyany ayoŋ alotuŋa kaŋ aŋuna ca ka aryamunia ŋikinyom ŋulu ikote erau ŋidi ka ŋanyile a ŋamugati ŋadi. Idaut iyes anamodyanakin ŋituŋa kaŋ ŋulu eminasi akipup ŋakiro ŋuna erae amodiyo, akiar ŋituŋa ŋulu pa amaikina toarae ka akimyekin ŋulu pa amaikina kimyekinae eyarete.’

Esek. 22:13

“‘Kiirasi, ebapibapakini ayoŋ ŋakan kaŋ aŋuna iryamununiata iyes ŋiboro alopite a ŋolo nyiyookino ka aŋuna iaryata iyes ŋituŋa ŋuluce alokidiŋ kus.

Esek. 22:25

Ekwaanikin ŋikarikok a akwap kec ka ŋiŋatunyo ŋulu irurumaete apaki ŋina enyamyata etyaŋ; adaut ŋikarikok kec amunyar ŋituŋa, alemasi ebari ka ŋiboro ŋulu epol egyelit, etalalata anakwap kec ŋapuseru.

Esek. 22:3

Tolimok ikes atemar alimu Ekapolon Akuj ŋakiro nu, ‘Okoe ŋituŋa a Yerusalem, iyes ŋulu iyaut amunyaro kus neni kus aŋuna iaryata ŋituŋa kus pei ka aŋuna imunaarotor make anakitiya ŋakujo, aapuu tokona apaki kus.

Esek. 22:6

“‘Adaut ŋikarikok a Isirael daadaŋ ŋulu iboiyete alo Yerusalem akikinyom agogoŋu kec a ŋikulepek aarya ŋituŋa ŋuluce.

Esek. 33:31

Eponeneete neni kon ŋituŋa kaŋ lopite ŋolopei sek eponianiata, iboiyonokin ikes kiŋaren kon topupokis ŋakiro ŋuna irworo iyoŋ, nai nyitiyaete ikes iwuapito ŋakiro ŋun. Irworosi ikes esibit einakina nooi akiwuap ŋakiro ŋun, nai ileleba arorokanut lotai kec ŋina ka aryamun ibore alopite a ŋolo nyiyookino.

Esek. 34:3

Inyamete iyes ŋasepwa a ŋamesekin, inapete iyes ŋilowi ŋulu itiyaunitae a ŋajul a ŋamesekin ka iseete iyes ŋamesekin ŋuna atumak toara, nai nyitanete iyes ŋamesekin.

Esek. 36:12

Ekenyakuni ayoŋ iyes ŋikaatuŋa Ŋisirael, iboŋunete iyes kiboikinos nabo nakwap kus. Eruwor iŋes akwap kus a ŋilopeyek, nyitanyami nabo akwap ŋin ŋidwe kus akoro.

Esek. 45:8

Eruwor akibois ŋin alo Isirael ŋina a ekepukan, ikotere emam alokepukak ŋini edemi ŋituŋa kaŋ ŋakiboisyo, nai torae ŋulu imyekinito akwap a Isirael erae ŋina a ŋikabilae a Isirael.

Esek. 45:9

“Alimu Ekapolon Akuj atemar, okoe ŋikepukak a Isirael, itiyata iyes akisec ŋinapei paaran, toesikisi aryenyeo ka akisicanit ŋuluce, kitiyata ŋuna ajokak ka ŋuna iyookino, tojoŋoto akirisit ŋituŋa kaŋ anakwap kec, ayoŋ Ekapolon Akuj akalimokinit iyes.”

Esek. 46:18

Nyemaikina ekepukan todemana ŋituŋa ibore ŋini erae ŋini kec, emaikina iŋes inak ŋidwe keŋ ŋulusapa ibore ŋini eruwor ŋini kec aloboro keŋ a elope, ikotere nai nyedemar idio alotuŋa kaŋ ibore ŋini erae ŋini kec.”

Mika 7:8

Okoe iyes ŋimoe kaŋ, nyilelyana aŋuna ka akiloun ayoŋ; ani apapanuni ayoŋ, aryamuni nabo agogoŋu, ani amini ayoŋ nakiryonut, Ekapolon eruwor akica kaŋ.

Abak. 2:9

Ekaŋ iyes ŋulu ipotu kitabara ŋikalya kus aloboro a ŋulu idemete ŋituŋa. Idaut iyes akiduk ŋirerya kus kidiama ŋimoru, itamete atemar mam ibore ikitapi.

Sepan. 3:3

“Irurumaete ŋikapolok ŋulu eya tooma keŋ ikwa ŋiŋatunyo; ikwaan ŋikatubok keŋ ka ŋipeei ŋulu ka ataboŋ ŋulu emam ibore imyekinete mati kiwala akwap.

Mat. 21:13

tolimok ikes tema, “Igiritae Nakigireta atemar, ebala Akuj, ‘Enyarao Akai kaŋ Akai ŋinakilipet.’ Nai tokona ituruwosi iyes iŋes Akai ŋina eŋopitotor ŋikokolak.”

Mat. 7:15

“Tocoito ŋikadwarak ŋulu alyokonok; epote ikes neni kus epataka ikwa ŋamesekin, nai alotai kec ikote ŋipeei.

Ŋitic. 20:29

Ayeni ayoŋ atemar ani karotok ayoŋ, epote ŋipeei ŋulu adedeŋak nooi neni kus ka nyeesikinete akinyasun esipan.

Ŋitic. 24:9

Tolomasi Ŋiyudayan nakiro ŋuna esitakinitere Paulo, temasi iyookino ŋun daadaŋ.