Esek. 22:25 - Ebaibul

²⁵ Ekwaanikin ŋikarikok a akwap kec ka ŋiŋatunyo ŋulu irurumaete apaki ŋina enyamyata etyaŋ; adaut ŋikarikok kec amunyar ŋituŋa, alemasi ebari ka ŋiboro ŋulu epol egyelit, etalalata anakwap kec ŋapuseru.

Esek. 22:25 Iomraidhean Croise

1 Ŋirw. 22:23

Toŋetak Mikaia ŋakiro keŋ ebala, “Erae ŋakiro nu ŋuna atakanut, adau Ekapolon akituruwor ŋikadwarak kon ŋulu irworosi alyokonu neni kon. Nai alimu Ekapolon elope atemar iryamuni iyoŋ ŋican.”

Isa. 56:11

Ikwaan ikes ka ŋiŋokwo ŋulu edakaka, nyimwokeneneete ikes. Erae ikes ŋikeyokok ŋulu emamukatar ayenut, iwuapito ikes ŋuna kec a ŋilopeyek; iwarit ŋinituŋanan aryamun ŋini keŋ a ilope.

Yer. 11:9

Abu Ekapolon okolimok ayoŋ tema, “Eyeenete ŋituŋa a Yudaya ka ŋulu iboiyete alo Yerusalem akituk akitiya ŋuna aronok.

Yer. 15:8

Alalata ŋapuseru anakwap kec akilo asinyon ŋina alokipetot a ŋanamyo. Adau ayoŋ ayaun ekamunyaran ŋisorok kec kidiŋ apaaran, oinak atatoto kec toryamut ŋican, adau ayoŋ ayaun aryeba ka ekabule toyakaun neni kec pa eyenete ikes.

Yer. 18:21

Aŋun, kimyek akoro tomunya ŋidwe kec, kimyek ŋituŋa ŋul tomunyarae a ekileŋ, kimyek ŋaberu kec tomamukaun ŋidwe ka toruworos ŋapuseru. Elipi tomunya edeke ŋikilyok kec, toarae ŋisorok kec a ekileŋ alojie.

Yer. 2:30

Abu ayoŋ esican ŋituŋa kus, nai mam ŋuna ajokak aneni kaŋ apotu kitiyakin; apotu ikes nyecamut ŋuna abala ayoŋ kiwuapa. Ipotu iyes pei toara ŋikadwarak kus a ekileŋ, lopite ŋolo earya eŋatuny ŋolo adedeŋan ŋityaŋ.

Yer. 2:34

Kire, eya lolowi kus ŋaokot ŋuna iaryata iyes ŋikulyak ŋulu emam ŋakiro esecito tari pa kikamunito iyes ikes ebwaŋete ŋakais kus, nai tari kikote ŋakiro nen,

Yer. 23:14

Nai eŋolik ayoŋ alokadwarak a Yerusalem ibore ŋini ikitubuli akilo, ikinyomito ikes ŋakujo ŋace ka iwuapito ŋuna ka alyokonu, itogogoŋito ikes ŋuna itiyaete ŋikaronok, ikotere tomamukaun ituŋanan imyekini akitiya aronis. Ekwaanikin ikes daadaŋ aneni kaŋ ka ŋituŋa a Sodoma ka ikwaan ŋituŋa a Yerusalem ka ŋituŋa a Gomora.”

Yer. 6:13

Ameun aneni a ŋulu itopolooritae ka ŋulucaryo, ecamit ŋinituŋanan akitiya ŋuna nyiyookino, ido ameun aneni a ŋikadwarak ka ŋisacaradotin itiyae ŋinituŋanan ŋuna ka alyokonu.

Aum. 2:14

Apotu ŋikadwarak kus kirujata aŋuna kus alyokonu ka ŋakiro ŋunacaryo, nyisileerekino ikes iyes ŋasecisya kus, ikotere iyes nyikirikor nakwapin. Nai apotu kirujata aŋuna kus alyokonu, ikiinakis iyes akinup ŋakiro ŋuna nyiyookino.

Aum. 4:13

Nai apotu ŋimoe topedosi, anerae apotu ŋikadwarak keŋ ka ŋisacaradotin keŋ toseca aŋuna aaryata alotooma etaun ŋituŋa ŋulu pa asecito.

Esek. 13:19

Idaut iyes akiyany ayoŋ alotuŋa kaŋ aŋuna ca ka aryamunia ŋikinyom ŋulu ikote erau ŋidi ka ŋanyile a ŋamugati ŋadi. Idaut iyes anamodyanakin ŋituŋa kaŋ ŋulu eminasi akipup ŋakiro ŋuna erae amodiyo, akiar ŋituŋa ŋulu pa amaikina toarae ka akimyekin ŋulu pa amaikina kimyekinae eyarete.’

Esek. 13:2

“Lokoku a ituŋanan, todwar itoroniyarit ŋikadwarak a Isirael ŋulu tokona edwarete. Tolimok ŋikadwarak ŋulu edwarete ŋuna etamununeete ikes ŋikulepek ebe, ‘Kiirasi akirot ŋina a Ekapolon,’

Esek. 22:7

Alotooma kon Yerusalem nyeriŋa ŋituŋa ekerito atapapa kec, kori atatoto kec; alotooma kon Yerusalem, iteryamunito iyes ŋigelaanotin ŋican ka isicanito iyes ŋikokyok ta ŋapuseru.

Esek. 34:2

“Lokoku a ituŋanan, todwar itoroniyarit ŋikeyokok a Isirael; todwar, tolimok ikes atemar alimu Ekapolon Akuj ŋakiro nu ebe, ‘Ekaŋ iyes ŋikeyokok a Isirael! Iyes ŋulu itanete ŋawat kus bon!’ Nyemaikina mono kitana ŋikeyokok ŋamesekin a?

Esek. 34:3

Inyamete iyes ŋasepwa a ŋamesekin, inapete iyes ŋilowi ŋulu itiyaunitae a ŋajul a ŋamesekin ka iseete iyes ŋamesekin ŋuna atumak toara, nai nyitanete iyes ŋamesekin.

Osea 6:9

Etukonoro ŋisacaradotin edapito ŋituŋa ikwa ŋikokolak ŋulu edapito ituŋanan idio. Earete ikes ŋituŋa a lorot a ŋolo elosere Sekem, itiyaete ikes ŋuna aronok nooi.

Mat. 23:13

“Nai ekaŋ iyes ŋiketatamak a Ŋikisila ka Ŋiparisayon! Ŋikaŋisoswae! Igolokis iyes ekek ŋolo ka Apukan a ŋina anakuj alokiŋaren ŋituŋa, anerae nyilomarete iyes ŋilopeyek ka iretakis ŋulu acamito alomar tooma. [

Mar. 12:40

Emodiyanarete ŋiboro anakais a ŋapuseru ka itoodiuna ikes anakilipeta kec a ŋuna aoyak. Eryamunete ikes atubokino ŋina apolon nooi.”

Luk. 20:47

Edemete ikes ŋapuseru ŋiboro kec ka daŋ ilipete ekaoyan iwogasi neni erae koŋin! Eryamunete ikes atubokino ŋina aronon nooi!”

Akis. 13:11

Abu oanyuwa etyaŋ ece elomuni alotooma akwap. Ayakar iŋes ŋamomwar ŋaarei ŋuna ekwaan ka ŋuna a imesek ka erworo ikwa epiu.

Akis. 13:15

Aponi tocamakinae etyaŋ ŋolo a ŋiarei akieŋakin akiyar tooma lotorube ŋolo ke etyaŋ a ŋolo ke ekiŋaren, ikotere kisirworik etorube ka kitaar daadaŋ ŋulu awounete akilip neni keŋ.

Akis. 17:6

Abu oanyuwa aberu ŋin emerete ŋaokot ŋuna a ŋituŋa a ŋulu ka Akuj ka ŋuna a ŋulu kearyo aŋuna kenupitotor Yesu. Ani eŋolikini ayoŋ iŋes, abu okobul nooi.

Akis. 18:13

Sinamo--ekitoe ŋolo itukukunyi akimuj, eminae ŋolo ke ekinyate ka akimyet ŋina akukunyon ŋina eminae ka eceminae ŋolo akukunyon nooi ŋolo icunyo; epiini ka akimyet, ŋakirya ka ŋaganoi, ŋaatuk ka ŋamesekin, ŋaŋolei ka ŋagaari; ŋipi ka ŋituŋa daŋ.