Esek. 22:20 - Ebaibul

²⁰ Lopite ŋolopei ecunakiniata ŋituŋa lokitet esilipa, eburonis, ŋasuwa ŋunagogoŋ, ŋasuwa ŋuna apotyok ka ŋasuwa ŋuna enyaritae tin, akacunakini ayoŋ iyes Yerusalem ekenokak aŋuna ka aŋoit ka anyunyura kaŋ.

Esek. 22:20 Iomraidhean Croise

Isa. 1:25

Anapedor kaŋ, akaremokin ayoŋ iyoŋ; alemari ayoŋ neni aronon aneni kon, lopite ŋolo eliere asuwat ka alemari ayoŋ ŋuna nyejokak aneni kus.

Isa. 54:16

Topupok, erae ayoŋ asubuni eketyakan ŋasuwa, ayoŋ ayaunit ekuwuam ŋolo itule akim, ido neni kaŋ ebunitor aosou ŋina itiyaunere ibore ŋinijiet ŋini itemokino akitiyaa ŋuna itiyaunitere adau daŋ ayoŋ asubun ekenyasan, akitiya ŋuna aronok.

Yer. 4:20

Ikirika akinyasuno, enyasunoi, aruwor akwap daadaŋ acaryoit. Enyasun ŋiemae a ŋituŋa kaŋ atipei enyasun alotooma apaki ŋina euruwuana ŋanaŋgae ŋuna inenetoe tooma ŋiemae.

Yer. 8:13

“Apaki ŋina acamitor ayoŋ acunun ikes, apotu ikes kikwaanikin ka ekitoe a epiini ŋolo emam ŋaraito, apotu ikes kikwaanikin ka ebobore ŋolo emam ŋaboboryo, ŋolo einiyarito tari ŋakuii, ido ŋuna abu ayoŋ oinak ikes, adaunosi aneni kec.

Esek. 22:19

Aŋun, alimu Ekapolon Akuj atemar, aŋuna iruworotor iyes daadaŋ ŋicaryo aneni kaŋ, akacunakini ayoŋ iyes daadaŋ Yerusalem.

Esek. 22:21

Akacunakini ayoŋ iyes nen eketulek aŋoit a ŋina ka anyunyura kaŋ, ikotere itonom iyes a nen totalasi ikwa ŋasuwa.

Esek. 22:31

Aŋun, abukokini ayoŋ anyunyura kaŋ neni kec, opyea ikes anaŋoit a ŋina ka anyunyura kaŋ; adau ayoŋ akimyekin ŋakiro ŋuna itiyaete ikes pena nakyes kec pei.’ ”

Esek. 24:13

Ani eketaleuni ayoŋ iyoŋ analeeco kon a ŋina abosan, ibu iyoŋ nyitaleun anabosis kon a ŋin; mam nabo nyikitaleunio iyoŋ jik akitodol ŋina etemokinio ayoŋ ŋuna akaŋoikinitor iyoŋ.

Esek. 36:18

Aŋun, abu ayoŋ onyunyurikin ikes nooi, aŋuna a ŋituŋa a ŋulu apotu ikes toarakis nakwap kec ka aŋuna aŋakujo a ŋuna aponiata ikes tomunaaryata akwap kec.

Osea 8:10

Tari daŋ kelosito ikes akiŋita akiŋarakinet aneni a ŋituŋa a ŋakwapin, acununi ayoŋ ikes iwapei esican, alotooma apaki ŋina euruwuana isicanete ŋirwosi ka ŋikapolok ikes.