Esek. 22:18 - Ebaibul

¹⁸ “Lokoku a ituŋanan, aruwor Ŋisirael ŋicaryo aneni kaŋ. Ekwaanikin ikes ka ŋasuwa nu ŋuna edaun ajokis tari keboŋokin akiwuakin lokitet: Esilipa, eburonis, asuwat ŋina enyaritae tin, asuwat ŋina agogoŋon ka asuwat ŋina apotyon.

Esek. 22:18 Iomraidhean Croise

Ŋikiru. 119:119

Imarakinit iyoŋ ŋulu aronok daadaŋ anakwap erae ŋikoŋinae; aŋun, amina ayoŋ ŋakiro ŋuna itubunit iyoŋ.

Ŋakit. 17:3

Eliyo esilipa ka egolid anibore a ŋini ipoere ikes alokitet tojokyata, nai Ekapolon iŋes elii ŋitai a ŋituŋa tojokyata.

Ŋakit. 25:4

Ani kelemar ibore ŋini aronon daadaŋ alosilipa, itiyauni eketyakan ŋasuwa eborosit ŋolo ajokan alosilipa.

Isa. 1:22

Okoe Yerusalem, aruwor esilipa kon ecaryoit, aruwor epiini kon ŋolo ecorim.

Isa. 1:25

Anapedor kaŋ, akaremokin ayoŋ iyoŋ; alemari ayoŋ neni aronon aneni kon, lopite ŋolo eliere asuwat ka alemari ayoŋ ŋuna nyejokak aneni kus.

Isa. 31:9

Eritakin aduketait kec ŋinajiet aŋuna ke ekabule kec, eemete ŋikapolok kec kimyekis ŋabenderae a nen. Alimu Ekapolon ŋun, Ekapolon ŋolo ilipyo neni keŋ alo Sion ka ŋolo enokia akim keŋ ŋina a ŋamuronisya alo Yerusalem.”

Isa. 48:10

Topupokisi, eketojoku ayoŋ iyes nai meere ikwa esilipa; ekekatak ayoŋ iyes anakimyekin ŋimoe ikisican iyes.

Isa. 48:4

Aŋuna ayenia ayoŋ atemar irubakinito iyes isyaaka ka egogoŋ ŋakyes kus ka ilerito ŋireetin kus ikwa eburonis,

Esek. 22:17

Abu Ekapolon Kirwor neni kaŋ tema,

Esek. 22:19

Aŋun, alimu Ekapolon Akuj atemar, aŋuna iruworotor iyes daadaŋ ŋicaryo aneni kaŋ, akacunakini ayoŋ iyes daadaŋ Yerusalem.

Esek. 22:20

Lopite ŋolopei ecunakiniata ŋituŋa lokitet esilipa, eburonis, ŋasuwa ŋunagogoŋ, ŋasuwa ŋuna apotyok ka ŋasuwa ŋuna enyaritae tin, akacunakini ayoŋ iyes Yerusalem ekenokak aŋuna ka aŋoit ka anyunyura kaŋ.

Dan. 3:6

Ituŋanan daadaŋ ŋini nyeryediki kilip, imasakinio atipei nakim ŋina a ekitet ŋina erirae.”