Esek. 22:13 - Ebaibul

¹³ “‘Kiirasi, ebapibapakini ayoŋ ŋakan kaŋ aŋuna iryamununiata iyes ŋiboro alopite a ŋolo nyiyookino ka aŋuna iaryata iyes ŋituŋa ŋuluce alokidiŋ kus.

Esek. 22:13 Iomraidhean Croise

Ŋakit. 28:8

Ituŋanan ŋini iasi egyelit a ŋiboro keŋ aryamunia epoida ŋolo alalan, eryamununui ituŋanan ŋin epoida ŋol aŋuna a ituŋanan a ŋini erimaana aneni a ŋikulyak.

Isa. 33:15

Ŋulu itiyaete ŋuna iyookino kirworos ŋakiro ŋuna a kire ŋulu nyejoikinit aryamun ibore anademun ŋuluce ŋiboro kec, ŋulu eŋerito akijaunun ŋakaluŋuluŋui, ŋulu nyecamito akiirar ŋakiro ŋuna earere ŋuluce ka ŋulu nyecamito akitere ŋuna aronok.

Esek. 21:14

Aŋun lokoku a ituŋanan, todwar, kibapibap ŋakan kon. kimyek ekileŋ toar ŋituŋa ŋaaret ŋaarei, kori ŋauni; erae ŋol ekileŋ ŋolo earere ikes, erae ŋol ekileŋ ŋolo earere ŋulu alalak, erae ŋol ekileŋ ŋolo irikaunere ikes alowaetin a daadaŋ.

Esek. 21:17

Ayoŋ daŋ aramakini ŋakan kaŋ, todaun nai aŋoit aneni kaŋ. Ayoŋ Ekapolon alimu ŋun.”

Esek. 21:19

“Lokoku a ituŋanan, kigir ŋirotin ŋiarei ŋulu epedorya erwosit a Babilon abunore eyakar ekileŋ keŋ. Emaikina ŋirotin ŋul kisyakis anakwap a apei. Kiwuak neni iitorya erot epei lotaun akitoodikinet ŋina itoodiunit etaun.

Esek. 22:27

Ekwaanikin ŋikarikok a akwap kec ka ŋipeei ŋulu enyamete etyaŋ; earete ŋituŋa ka amunyasi ŋituŋa aŋuna ka aryamun ibore ŋinidemuna ŋinice.

Esek. 33:31

Eponeneete neni kon ŋituŋa kaŋ lopite ŋolopei sek eponianiata, iboiyonokin ikes kiŋaren kon topupokis ŋakiro ŋuna irworo iyoŋ, nai nyitiyaete ikes iwuapito ŋakiro ŋun. Irworosi ikes esibit einakina nooi akiwuap ŋakiro ŋun, nai ileleba arorokanut lotai kec ŋina ka aryamun ibore alopite a ŋolo nyiyookino.

Amos 3:10

Alimu Ekapolon Akuj ŋakiro nu ebe, “Nyeyenete ikes akitiya ŋuna iyookino, eryenyaanikinito ŋulu iboiyete anakais a ŋuna ka apukan ŋituŋa ka eŋatanarete ŋiboro kec.”

Ekim. 24:10

Abu nai Balak toŋoik Balaam nooi, toramak ŋakan keŋ tema Balak neni a Balaam, “Akanyaraunit sek ayoŋ iyoŋ akicen ŋimoe kaŋ, nai iterereŋ iyoŋ ikes ŋarwa ŋunauni nu daadaŋ,

1 Ŋites. 4:6

Anakiro a ŋun nai, nyitemokino idiotuŋanan itiyae ŋuna aronok neni a lokaato keŋ alotooma Ekapolon, kori amodikin iŋes a ediopite. Adaun isua alimokin iyes ŋun ka agogoŋu eriŋa apaki, ikiteyenikin daŋ atemar ebuni Ekapolon akisican ŋulu itiyaete ŋun.