Esek. 22:12 - Ebaibul

¹² Eyakasi tooma kon ŋikilyok ŋulu ecamununuyete ŋakaluŋuluŋui aŋuna ka aarya ŋuluce; ijaanarete ikes ŋisiliŋa, ido kiyatakis ŋice neni a ŋulu idenikinitoe sek ituŋanan kec pei Esiraelit, ido abarakis ikes namodyanakin ŋikidunyet kec. Nyeriŋa ikes akamisito ayoŋ.

Esek. 22:12 Iomraidhean Croise

Neem. 5:1

Apotu ŋikilyok kaapei ka ŋaberu kec kikalout nooi itoroniarito Ŋiburaniyae ŋulu arae ŋiyeneta kec.

Neem. 5:7

Kadau ayoŋ atamatam ŋakiro ŋun, abu ayoŋ esitak ŋikapolok ka ŋikepukak a ŋituŋa olimok ikes otema, “Iyatanakinete iyes ŋisiliŋa ŋice losiliŋa ŋulu idenionokinete ŋituŋa kus pei.” Abu nai ayoŋ onyarau atukot ŋina alalan toanyu epite ŋolo esubakinere ŋakiro kec,

Ŋikiru. 106:21

Abu ikes kimuryak Akuj akaiunan kec, ŋina abu kitiya ŋakiro ŋuna apolok alo Ijipit,

Ŋikiru. 15:5

Ikes ŋulu nyiasete ŋisiliŋa kec ŋulu ideniyorit ituŋanan ŋinice, ikes ŋulu nyijaete ŋakaluŋuluŋui akisitakinia ŋini emam ŋuna aronok itiyat. Ŋituŋa ŋulu itiyaete ŋakiro ŋun, erubakinete iboiyete emam ŋace.

Ŋakit. 1:19

Erae ŋol epite ŋolo esaluniata daadaŋ ŋulu eyakatar ekibure ŋolo ka akidem ŋuluce ŋiboro kec; elemari ekibure ŋol akiyar a ŋulu eryamunete ekibure ŋolo ikoni nen.

Isa. 1:23

Aruworosi ŋikapolok kon ŋikaŋerok, ido aruwor ŋirukitos a ŋikokolak. Emina ŋinituŋanan akaluŋuluŋut ka iwarito aryamun ŋainakineta. Nyeikinito ikes ŋikokyok ka nyetamunito ikes akitub ŋakiro a ŋapuseru aloikiikoe.

Isa. 17:10

Itiyakin ŋun, anerae ikimuryak iyes Akuj ŋina ikilakuni iyes ka nyitamunito iyes Akuj ŋina erae ataaba ŋina ka aiuno, aŋun, tari kitaete iyes ŋinyomen ŋulu ajokak, todupete ŋaten a ŋikito a ŋulu eyaununitae aiwace,

Isa. 56:11

Ikwaan ikes ka ŋiŋokwo ŋulu edakaka, nyimwokeneneete ikes. Erae ikes ŋikeyokok ŋulu emamukatar ayenut, iwuapito ikes ŋuna kec a ŋilopeyek; iwarit ŋinituŋanan aryamun ŋini keŋ a ilope.

Yer. 2:32

Epedori mono apese akisimuryakin ŋinapen keŋ ŋulu esiritor iŋes akuwan keŋ a? Kori epedori mono ateran akisimuryakin ŋilowi keŋ a? Nai emuryakin ayoŋ aneni a ŋituŋa kaŋ ŋirwa ŋulu nyimarun.

Yer. 3:21

“Epupio etoil ŋolo ebunit alokidiama ŋikamukumukui ŋulu aororut, epupio akigworo ka adyekitoi a ŋituŋa a Isirael, anerae enyasut ikes epite ŋolo eboiyoto, emuryak ikes Ekapolon Akuj kec.

Yer. 6:13

Ameun aneni a ŋulu itopolooritae ka ŋulucaryo, ecamit ŋinituŋanan akitiya ŋuna nyiyookino, ido ameun aneni a ŋikadwarak ka ŋisacaradotin itiyae ŋinituŋanan ŋuna ka alyokonu.

Yer. 9:1

Okoe kerae ca torae akou kaŋ eitanit a ŋakipi ka torae ŋakonyen kaŋ elelya a ŋakiyo, kapedorit ayoŋ akigworo naparan ka nakwaare aŋuna a ŋituŋa kaŋ a ŋulu aari, a ŋulu a ŋican.

Esek. 18:13

kidenionokini iŋes ŋuluce ŋisiliŋa aŋuna ka aryamunia ŋice, kori pa kiyatanakini ŋulu alalak; epedori ituŋanan ŋini ikoni ŋin arubakin eyari a? Nyeyari jik! Nyeyari iŋes, anerae etiya ŋakiro ŋuna ka asiilyo ŋun daadaŋ, emaikina iŋes kire jik totwan, emaikina atwanare keŋ toruwor nakou keŋ a ilope.

Esek. 18:8

ani pa kidenionokini iŋes ŋuluce ŋisiliŋa aŋuna ka aryamunia ŋice, kori pa kiyatanakini ŋulu alalak ka keŋerit iŋes akitiya aronis, totubi aloikiiko a ŋolo iburatotor ŋituŋa ŋakiro ŋuna nyeikinitor epei a ŋul,

Esek. 23:35

Ŋuna tokona irworo Ekapolon Akuj ikes nu, aŋuna ikimuryakinia iyoŋ ayoŋ ka aŋuna nyeriŋa iyoŋ ikimitakinit ayoŋ, emaikina iyoŋ ikitir ŋakiro kon ŋuna ka aleeco ka amalao.”

Esek. 36:12

Ekenyakuni ayoŋ iyes ŋikaatuŋa Ŋisirael, iboŋunete iyes kiboikinos nabo nakwap kus. Eruwor iŋes akwap kus a ŋilopeyek, nyitanyami nabo akwap ŋin ŋidwe kus akoro.

Ŋilep. 19:13

“‘Nyitunae ŋikidunyetkon, kori nyikoko. Nyidid akitac ŋikelejilejak kiwala akwap nyetaca.

Ŋilep. 25:37

Nyidenikis iŋes ŋisiliŋa erae ŋulu ibasi iyes kiyatak iŋes ŋice inyakuni, kori nyisabakis iŋes etyae igyelakinete akimuj kus.

Amos 8:4

Kiirasi ŋakiro nu iyes ŋulu iimakinito ŋulu eyakatar akiitanit, ido icamito akitasalun ŋikulyak anakwap,

Amos 8:6

ikigyelununui iwon ŋikulyak a esilipa ka ŋituŋa ŋulu a ŋican a egyelit a ŋolo a ŋamuk a ŋaarei, egyelanaryo iwon tari ŋikabinin a ŋaganoi.

Mat. 23:13

“Nai ekaŋ iyes ŋiketatamak a Ŋikisila ka Ŋiparisayon! Ŋikaŋisoswae! Igolokis iyes ekek ŋolo ka Apukan a ŋina anakuj alokiŋaren ŋituŋa, anerae nyilomarete iyes ŋilopeyek ka iretakis ŋulu acamito alomar tooma. [

Mat. 23:25

“Ekaŋ iyes, ŋiketatamak a Ŋikisila ka Ŋiparisayon! Ŋikaŋisoswae! Itesegete iyes ekopo ka asaani kiŋa bon, nai tooma kec ileleba akimuj ŋina demuna alotooma narorokanut.

Luk. 18:11

“Towo Eparisayot kilip nenipei keŋ bon tema, ‘Akuj, alakara ayoŋ neni kon, anerae nyikikwaan ayoŋ ka ŋituŋa ŋuluce, ŋikademanarak, ŋikokolak, ŋikalomak, kori daŋ ikwa ekeriran ocur ŋol.

Luk. 19:8

Tonyou nai Sakayo tolimok Yesu tema, “Topupok Ekapolon! Alosi ayoŋ ainakin atyaket ŋina ke ekaabari lokulyak, nabo ani keyai ituŋanan ŋini sek amodiyarit ikeebore, atacakini ŋatacakinet ŋaomwon.”

Luk. 3:13

Toboŋok iŋes ikes tema, “Nyiriraut ŋisiliŋa ŋulu edeparito ŋulu ikilimokinitae iyes.”

1 Ŋikor. 5:11

Nai ŋuna abu ayoŋ olimu ikes nu: nyirukito ka ituŋanan ŋini ebala arae iŋes lokaato alotooma Kristo, nai tomalaana kori tororokana kori kilipi neni a ŋakujo a ŋace kori tosyomar ŋuluce kori tomerana kori tokokolana. Nyimora tari ka ituŋanan ŋin akimuj.

1 Ŋikor. 6:10

kori ŋikokolak, ŋirorokanotin, ŋikamerak, ŋulu esyomatar ŋuluce kori ŋikademanarak--emam ipei daŋ alokidiŋ ŋul ŋini eruwor Apukan ka Akuj ŋina keŋ.

Ŋikis. 16:19

Tocoito ilocete ŋakiro ŋuna iyookino, totubete ŋakiro anakiyookino emam ariit ka ice, nyicamut ŋakaluŋuluŋui, anerae iteesikini akaluŋuluŋut ŋikaosok akitiya ŋuna iyookino ka iloci ŋakiro a ŋulu iyookino.

Ŋikis. 23:19

Nyemaikina iyes Ŋisirael kiŋita aneni a Esiraelit a ŋoloce kiyatakinae ibore ice neni a ibore a ŋini ideniyoritae, kerae losiliŋa, kerae nakimuj, kori neni a ibore ca daadaŋ a ŋini ideniyoritae.

Ŋikis. 27:25

“‘Ilamam ituŋanan daadaŋ ŋini ijaari akaluŋuluŋut aarya ituŋanan ŋini emam ibore esecit.’ “Eboŋokinete nai ŋituŋa daadaŋ temasi, ‘Kiyookin ŋun.’

Ŋikis. 32:18

Ipotu iyes nyimitakis Akuj ŋina erae papa kus, abu ikimuryak iyes Akuj ŋina ikisubuni iyes.

1 Tim. 3:3

Itemokino nyerae ŋolo emerana, ŋolo eryenyaana, nai torae ŋolo iyapara, meere ŋolo iburana ka ŋolo emina ŋisiliŋa.

Yud. 1:11

Ekaŋ neni kec! Anerae ewuapakis ikes epite a Kain. Aŋuna a ŋisiliŋa, amaryaarosi ikes nadyakaret ŋina koloŋ a Balaam. Ikwapei Kora, awout ikes eboŋito ka inyasunio ikes.