Esek. 21:22 - Ebaibul

²² Ikamuni iŋes aloteten keŋ ekaleŋeleŋet ŋolo igiritae ekiro a Yerusalem. Apolou keŋ atemar elimokinitae iŋes alosit akiwuakin Yerusalem ŋiboorei ŋulu ebwaŋere arwatata ka alimokin ŋituŋa keŋ akiar ŋituŋa a Yerusalem, acelun aŋuna ka akisimukekin ŋikajiok, akiwuakin lopukei a Yerusalem ŋiboorei ŋulu ebwaŋere ŋipukei, adukokin akititis narwatata a Yerusalem ka arekin Yerusalem ŋaduketa ŋuna aoyak ŋuna irikaunitere iŋes.

Esek. 21:22 Iomraidhean Croise

2 Ŋirw. 25:1

Alokaru a ŋolo a ŋikanikaomwon elap ŋolo a ŋitomon ŋirwa ke elap ŋitomon ipukat Sedekia, abu erwosit a Babilon ŋolo anyaritae Nebukadinesar toloto ka ŋasigarya keŋ daadaŋ akirikaun Yerusalem. Apotu ikes torekinos kiŋa etaun, toduko ŋadoketa kisiryama kiŋa etaun.

Yob 39:25

Apaki ŋina eruunio arupepe, eruuni aŋole esibit ebala, ‘Kiteryamunae.’ Iŋuuni iŋes ejie eriŋa elwana, iirari iŋes ŋikarikok a ŋajorei iworoete ka ŋituŋa ecelasi.

Yer. 32:24

Kiŋolik, ŋakititisyo ŋuna edukunitoe kidiama, ŋuna irikaunitere etaun ecamitae akikamar. Kiŋolik etaun neni ikoni, aapiki ŋituŋa a etaun ejie, akoro ka edeke, aapuu etaun akipotokin napedor a Ŋibabiloniyae a ŋulu itijiete iŋes. Eyookin ŋakiro ŋuna ibu iyoŋ tolimu lopite ŋolo iteo iyoŋ alope.

Yer. 33:4

Alimu ayoŋ Ekapolon, Akuj a Ŋisirael aŋuna a ŋakais a etaun a lo ka aŋuna a ŋakais a ŋirwosi a Yudaya a ŋuna aponi toritaarae aŋuna ka adukio arwatata ŋinakiretakinet ŋimoe ŋulu erikaunito etaun ka aŋuna ka ajio.

Yer. 4:16

Tolimokisi ŋituŋa a ŋakwapin ebe, “Eyakasi ŋikiyakitono ŋul ne!” Kiserata ŋakiro nu neni a ŋituŋa a Yerusalem ebe, “Eponito anakwap a ŋina alwanan; ŋituŋa ŋulu ikirikaunete iyes, ecelasi ikes imanito ŋitaunio a Yudaya.

Yer. 51:14

Ekoŋ Ekapolon ŋolo a ŋajoresyo aŋuna keŋ atemar, kire jik, ekeyakikini ayoŋ iyes ŋasigarya ŋuna alalak, ŋuna etya emaase iworounete ikes ecelasi aŋuna ikilouniata iyoŋ.

Yer. 52:4

Tosodi alokaru a ŋolo a ŋikanikaomwon, elap ŋolo a ŋitomon, ŋirwa ke elap ŋitomon ipukat Sedekia, abu erwosit a Babilon ŋolo anyaritae Nebukadinesar toloto ka ŋasigarya keŋ daadaŋ akirem Yerusalem kirikaut iŋes. Apotu ikes torekinos kiŋa etaun, toduko ŋadoketa kisiryama kiŋa etaun.

Esek. 26:8

ŋituŋa ŋulu iboiyete alotaunio a ŋulu eyakasi tooma Tiro daŋ, emunyaryo a ekileŋ. Ikirikauni iyoŋ Tiro erwosit ŋol ikimanit, etuki akititis narwatata kon ecamit alomunia tooma kon aŋuna ikimanitor, igakinete ŋasigarya keŋ a ŋaupala kec, ikitijikis iyoŋ aŋuna ikimanitotor.

Esek. 26:9

Ijukakini iŋes narwatatain kon ŋiboorei ŋulu bwaŋabwaŋaet arwatata, eyepanakini kwap a ŋaepe ŋaduketa kon ŋuna aoyak.

Esek. 4:2

Kisitiya ŋitorubei lu akitoodiunia akirikauno a Yerusalem: Kiwuak ibore ŋini irikaunit amatapal ŋin, kiwuak akititis ŋina edokarit narwatata ke etaun, totukono ŋiboorei ŋulu esibit ŋituŋa ŋulu eurumikinito etaun ŋol ka kiwuanak nawaetin a etaun a ŋol daadaŋ ŋiboorei ŋulubwaŋabwaŋaet arwatata keŋ.

Esek. 5:12

Atutubet kus apei alotooma ŋauni, emunyari edeke, kori emunyari eron alokidiŋ kus; atutubet ŋina a ŋaarei alotooma ŋauni, earakinio kiŋa ŋarwatatain a etaun kus ka atutubet ŋina a ŋauni alotooma ŋauni, eelari ayoŋ nariet, ido etutupak ikes ekileŋ kaŋ.

Esek. 5:13

“Apaki nai ŋin edaunor aŋoikinit kaŋ ikes ka iŋes editeunia anyunyura kaŋ aneni kec, iŋes ayenunia ayoŋ atemar etiyakin ŋuna acamit ayoŋ akitiyakin. Ekaku ketoodik ayoŋ ikes alilit kaŋ, eyenunete ikes atemar ayoŋ Ekapolon abu erworor ŋakiro ŋun alelakinit.

Amos 1:14

Aŋun, emyekini ayoŋ akim tonom ŋarwatatain ŋuna ke etaun Raba, enomiyari akim ŋaduketa keŋ ŋunajiet; ido eyakaun ecelet akoloŋit ŋina ke ejie ka emwanuni ejie ka epuruuni apuwa esibit ŋina a ekuwuam a ŋolo ekusi nooi,

Yos. 6:10

Nai ecikit Yosua ŋituŋa ebe, “Nyicelut, kori nyirworik idiotuŋanan akitodol akoloŋit ŋina atemarya ayoŋ iyes, ‘Tocelutu!’ Tosodo nai tocelutu.”

Yos. 6:20

Tokutakis nai ŋisacaradotin ŋamomwar a ŋimeesekin. Ŋinapei eiraryata ŋituŋa eruye a ŋamomwar a ŋimeesekin, tocelut kiworout nooi, tosodi arwatata toritakin kwap. Toemaros ŋituŋa tooma etaun aneni daadaŋ aya ikes, kikamasi etaun daadaŋ.

1 Sam. 17:20

Tonyou Daudi taparacu sek, kimyek ŋamesekin ka ekeyokon, tolemu ŋiboro ŋulu abala papa keŋ ya, ido torotok ikwapei ecikitor papa keŋ iŋes. Todolu iŋes neni eboiyo ajore a Ŋisirael, apaki ŋina anyounio ajore ŋin lojie, ido acelasi ŋituŋa, eosi ŋieosyo ŋulu ke ejie aŋuna alosyoto lojie.