Esek. 21:21 - Ebaibul

²¹ Apaki ŋina ebunio erwosit a Babilon, ewoi aneni iwuakinitae akitoodikinet ŋina itoodiunit etaun, anakikicaret a ŋirotin, ikotere eanyuni erot ŋolo emaikina kiwuapak. Iikikokini iŋes ŋikaleŋeleŋe a nen, iŋisi iŋes ŋakujo ŋakiro a nen ka isyeme iŋes ŋamoliteny a ajulot keŋ a nen.

Esek. 21:21 Iomraidhean Croise

Akisy. 31:19

Apaki ŋin, alosit Laban akitub ŋajul a ŋamesekin keŋ. Aŋun, abu Rakel kisitiya apaki ŋin akokoiyarya ŋakujo ŋuna a ekal a papa keŋ.

Akisy. 31:30

Tari ŋina amaikina iyoŋ tolosyo aŋuna ikiburitor nooi ekal a papa kon, nyo ikokoiyarya iyoŋ ŋakujo kaŋ.”

2 Ŋirw. 23:24

Abu Yosia tolema ŋimurok, ŋikapilak, ŋakujo ŋuna a ŋikalya ŋuna ayeunitae ta asiilio daadaŋ ŋina ayai nakwap a Yudaya ka Yerusalem. Abu Yosia kitiya ŋun, ikotere isiyookini ŋuna a ŋikisila a ŋulu egiritae lokitaabo ŋolo abu Ilikia esacaradoti torukau alotooma Akai ke Ekapolon.

Ŋakit. 16:10

Irworo erwosit ŋakiro ŋuna elimokinit Ekapolon iŋes kirwor, ido nyemaikina ŋakiro ŋuna irworo iŋes kitoroniyasi akiyookino.

Ŋakit. 16:33

Ilamilamakini ituŋanan ŋamuk alodiyete ŋamuroi keŋ, nai ŋuna itamunete ŋamuk, erae Ekapolon isiyookini.

Ŋakit. 21:1

Erae Ekapolon itenit ŋatameta a erwosit, itenit iŋes ŋatameta a erwosit lopite ŋolo itenikinia ayonae ŋakipi toleleiya neni ecamit iŋes.

Osea 3:4

Erae ŋun anerae epote Ŋisirael akiboi ŋirwa ŋulu alalak emam erwosit, kori ŋini emaikina kilunyokin lokicoloŋ a erwsoit, emam ŋamuronisya, kori ŋipirin ŋulu italeoritae, kori ŋitorubei a ŋakujo, kori ŋiboro ŋulu isitiyao ayenunia ŋakiro ŋuna ecamit Akuj.

Osea 4:12

Eloseneneete ŋituŋa kaŋ akiŋita ŋakiro aneni ka akuj a ŋina erae akitoe, elimonokini ikes ebela ŋolo ke etal ŋakiro ŋuna emaikina kitiyata, anerae etooliyo ikes etau ŋolo ka amalao, etiyata ikes ŋuna ka amalao emyekis akikinyomit Akuj kec.

Sakar 10:2

Eminasi ŋituŋa alosenen akiŋita akiru nakujo, kori lomurok. Isilereununeete ŋice apolou a ŋakiro a ŋuna kirujatae, nai nyiyookino ŋakiro kec ka erae ŋakoŋinae. Aŋun, itwaŋaete ŋituŋa esibit ŋamesekin ŋuna eolito, eyakasi ikes locan, anerae emam ekarikon.

Ekim. 22:7

Torotokis nai ŋikasikou a Moab ka ŋikasikou a Midian etiŋito ŋisiliŋa ŋulu etacere emuron Balaam, todolo ikes neni a Balaam, ido tolimokis iŋes ŋakiro a Balak.

Ekim. 23:23

Kire, mam ŋakikukujaeta ŋuna itoroniayarito ŋuna Yakob, mam ŋadwareta ŋuna aronok ŋuna itoroniarito Isirael. Tokona elimunio aŋuna a Yakob ka Isirael ebe, ‘Kiŋolikisi ŋuna etiya Akuj!’

Ekim. 23:28

Abu nai Balak ya Balaam kidiama emoru Peor, ŋolo erounit aloŋisat.

Mat. 22:9

Toloto tokona lorotin tonyaraut nasuban ŋituŋa daadaŋ ŋulu iryamunete iyes.’

Ŋitic. 16:16

Apeikoloŋit elosyo isua neni elipeneneere, kiryamunetei ka apese ŋina arae apito, ŋina ayakar ekipye ŋolo ainakinit iŋes akidwar ŋakiro ŋuna eponito alokiŋaren. Aryamianakini iŋes ŋikapolok keŋ ŋisiliŋa ŋulu alalak anakidwar keŋ.

Ŋikis. 18:10

Nyeryamun alokidiŋ kus ituŋanan ŋini eari lokoku keŋ, kori nakoku keŋ erae amuronot ŋina epeyo, kori nyeyakaun kidiŋ kus ŋimurok, ŋikadwarak ŋakiro, kori ŋikelamak, kori ŋikekukujak,

Ŋikat. 17:5

Ayakar ekile ŋolo anyaritae Mika ŋol akibois ŋinakilipet, tosodi kitiyau arapet ka ŋitorubei a ŋakujo, ido kituruwo lokoku keŋ epei esacaradoti keŋ.

Ŋikat. 18:14

Apotu nai ŋikilyok ŋulukan, ŋulusek alosito akireb akwap (iŋes Lais) tolimokis ŋirukitos kec temasi, “Iyenete iyes atemar eyakasi nakais nu arapet ka ŋitorubei a ŋakujo ka etorube a akuj ŋolo itiyaunitae anasuwat a? Aŋun, totamatamata tokona ŋuna ilosete akitiya.”

Ŋikat. 18:17

tolomasi ŋikilyok ŋulukan ŋulusek alosito akireb akwap, lore a Mika, tolemut etorube a akuj ŋolo etiyaunitae anasuwat, arapet ka ŋitorubei a ŋakujo, towoi esacaradoti alopuke a ere kaapei ka ŋikilyok ŋulu arae ŋamiae ŋakanikapei ŋulu ayakatar ŋiboro ŋulu ke ejie.

Ŋikat. 18:18

Ani elomarete ŋikilyok ŋulukan tooma akai a Mika ka elemunete etorube a akuj ŋolo etiyaunitae anasuwat ka ŋitorubei a ŋakujo ŋuluce ta arapet, kiŋit esacaradoti ikes tema, “Nyo itiyaete iyes?”

Ŋikat. 18:20

Tocamu nai esacaradoti alosit ka ikes. Totiŋ iŋes arapet, ŋitorubei a ŋakujo ka etorube a akuj ŋolo etiyaunitae anasuwat, torukosi kaapei ka ŋikilyok ŋul.

Ŋikat. 18:24

Toboŋok Mika ikes tema, “Iyaasi iyes ŋakujo kaŋ ŋuna etiyauni ayoŋ ka esacaradoti kaŋ ilosyoto, anibore nai ikidoŋio ayoŋ? Nyo nai ikiŋisitotor iyes ayoŋ ebe, ‘Anukiro eya?’ ”

1 Sam. 15:23

anerae ikwaan akiŋer Ekapolon ka asecit ŋina ka akikukuja. Ikwaan akituro ka aronis ŋina ilipere neni a ŋakujo. Aŋuna iŋerio iyoŋ akirot a Ekapolon, ikiŋer daŋ iŋes iyoŋ anaraakau erwosit.”