Esek. 21:20 - Ebaibul

²⁰ Kigir lorot epei epite ŋolo eponiata ŋikaarak lotaun ŋolo a Ŋiamoni ŋolo enyaritae Raba ka kigir lorot ŋoloce epite ŋolo eponiata ŋikaarak nakwap a Yudaya ka lotaun Yerusalem ŋolo awuatae ka arwatata.

Esek. 21:20 Iomraidhean Croise

2 Sam. 12:26

Apaki ŋin, ariŋa Yoab itiji Ŋiamoni ŋulu eboiyete alo Raba ka abu kikama etaun kec ŋolo apolon anakwap kec.

2 Sam. 5:9

Kiboikin Daudi naduketait ŋinajiet, tolimok ekiro a aduketait a ŋin, “Etaun a Daudi.” Todukok arwatata a etaun a ŋol kisiryam, toluku tooma, toremokin kai ka apukan.

2 Ŋakiro a ŋirwa 26:9

Abu daŋ Usia toduk ŋaduketa ŋuna aoyak Yerusalem lopuke ŋolo enyaritae epuke ŋolo ke Ekoona, lopuke ŋolo enyaritae epuke ŋolo a Akadipaalat ka neni iryamiryamyata ŋarwatatain, toduk nen ŋaduketa ŋunajiet.

2 Ŋakiro a ŋirwa 32:5

Abu nai Esekia kisitiya ŋituŋa ka agogoŋu. Kitemonokis neni amunaara anarwatata daadaŋ, todukonokis narwatata ŋaduketa ŋuna aoyak ka todukokis arwatata ace kiŋa ŋinaŋorot sek, kititioto nabo akititis ŋina ayai lotaun a Daudi. Abu daŋ Esekia kitiyau ŋakwaaras ka ŋaupala ŋuna alalak nooi.

2 Ŋakiro a ŋirwa 33:14

Kedaun ŋun, abu Manase toduk nabo nakadipaalat arwatata ŋina alokiŋa etaun a Daudi, ayai arwatata ŋin nakadipaalat To elelya Gion, toduk kitodol tari lopuke ŋolo anyaritae Epuke ŋolo a Ŋikolya, kisirimok arwatata emukura ŋolo enyaritae Opel; abu daŋ Manase kitooyaa arwatata nooi alokidiama. Kiwuanak ŋikapolok a ŋasigarya lotaunio a Yudaya daadaŋ ŋulu adukitoe ŋaduketa ŋunajiet.

Isa. 22:10

Ipotu iyes kimara ŋakais ŋuna aya Yerusalem, ido ipotu toritaanasi ŋakais aŋuna ka adukio ŋaduketa ŋunajiet narwatata.

Yer. 49:2

Aŋun, kire jik, ebunit apaki ŋina aramakinia ayoŋ eli aŋuna ke ejie a ŋolo itijiere Raba, etaun ŋolo a Ŋiamoni, aruwor Raba ereŋorot ŋolo etukotor ŋamoru, icunyaryo ŋirerya keŋ. Inyakarete Ŋisirael akwap kec aneni a ŋulu apotu kikamasi aneni kec akwap kec.

Aum. 4:12

Mam erwosit anakwap, kori ituŋanan idio anakwap ŋini anupit atemar epedorete ŋimoe alomar tooma Yerusalem kitoro lopukei.

Esek. 25:5

Eturuwori ayoŋ Raba neni edakasi ŋikaala ka eturuwori Amon neni euryaketa ŋamesekin, ŋun nai iyenuniata iyes atemar arae ayoŋ Ekapolon.

Amos 1:14

Aŋun, emyekini ayoŋ akim tonom ŋarwatatain ŋuna ke etaun Raba, enomiyari akim ŋaduketa keŋ ŋunajiet; ido eyakaun ecelet akoloŋit ŋina ke ejie ka emwanuni ejie ka epuruuni apuwa esibit ŋina a ekuwuam a ŋolo ekusi nooi,

Ŋikis. 3:11

(Erwosit Og bon edoŋit eyari aneni a Ŋirepaim. Ŋuna ileerete ikes nu, tari tokona eyai ekitaada keŋ ŋolo etiyaunitae a ŋasuwa Raba lotaun ŋolo a Ŋiamoni. Erae aoyau ke ekitaada keŋ ŋimitae ŋiomwon ka erae alalau keŋ ŋimitae ŋiarei.)