Esek. 21:15 - Ebaibul

¹⁵ Aŋun, elilimiyorete ŋitai a ŋituŋa kaŋ, ido emini ajamao neni a ŋulu alalak, ewuak ayoŋ ŋikaarak ikes lopukei kec daadaŋ. Ipareosi ŋileŋia kec a nen ikote akimilyaunet, etenito aŋuna ka akiar.

Esek. 21:15 Iomraidhean Croise

2 Sam. 17:10

Tosodi nai tari ekile ŋolo ededeŋ anajore kon, ŋolo eryenyaana alotau ikwa eŋatuny, emini ekabule tomaranik, anerae eyenete Ŋisirael daadaŋ atemar erae papa kon ekajion ka ededeŋ ŋikilyok ŋulu erukitotor iŋes.

Ŋikiru. 22:14

Apapanu ayoŋ ka acaryoon ikwa ŋakipi ŋuna ebukoryo, nyeriŋa ŋakoyo kaŋ daadaŋ erucokina neni sek eruconokina; ali etau kaŋ ekwaanikin ka amanok ŋina elii imadakinio nakim;

Isa. 59:10

Ikitwapitwapi isua esibit ikirae ŋimudukanotin, ikitwapitwapi isua esibit ikirae ŋulu emam ŋakonyen nyileerete ŋuna itiyao isua lopite ŋolo nyileereo ibore ekaikai akwap; ani erukitoe isua ka ŋulu egogoŋ, ikitakani ikisibit ŋikatwak.

Yer. 13:16

Kitopoloosi Ekapolon Akuj kus eriŋa iŋes nyeyauna akiryonut nyikigukinia iyes alomoru apaki ŋina edoiyorya akoloŋ, kiirasi ŋakiro keŋ eriŋa iŋes nyelemara akica ŋina iitanito iyes eriŋa iŋes nyeyauna akiryonut ŋina alalan.

Yer. 17:27

Nai pa kipupokis iyes ŋakiro kaŋ, pa kitopoloosi akoloŋit ŋina a Sabato erae akoloŋit ŋina asegan ka pa kiwoko ibore idio akoloŋit ŋina a Sabato tolomuniata lopukei a Yerusalem, ecunyakini ayoŋ akim alopukei a Yerusalem, enomiyari akim ŋin ŋakais ŋuna ka apukan ŋuna eya Yerusalem ka nyituduŋeo akim ŋin.”

Yer. 18:15

Nai, emuryakin ayoŋ aneni a ŋituŋa kaŋ, icunyanakinete ikes ekinyate nakujo ŋunacaryo, ŋuna ainakis ikes akiwuapit ŋuna pa amaikina kiwuapa, nyeriŋa iwuapito ŋuna a akoloŋ sek; iwuapito ikes ŋirotin ŋulu nyemaikinae amet, nyiwuapito ŋolo etakani.

Esek. 15:7

Etekini ayoŋ ikes etoroniyarit. Tari daŋ keiuna ikes alomoe a ŋulu ke ekiŋaren, emunyarete ŋimoe ikes, ido iyenunete iyes atemar arae ayoŋ Ekapolon apaki ŋina etekinio ayoŋ ikes etoroniyarit.

Esek. 20:47

tolimok amoni ŋina alo Negeb atemar kiira ŋakiro a Ekapolon, alimu Ekapolon, Akuj ebe, ‘Eapi ayoŋ akitenepun akim aneni kon, enyamuwari akim ŋin ŋikito ŋulu alibak daadaŋ ŋulu eya tooma kon ka ŋikito daadaŋ ŋulu eya tooma kon ŋulu aonok. Mam ibore epedori akituduŋere arira ŋina etitae nooi ŋin. Enomi amwanis a arira a ŋin ibore daadaŋ ŋini eyai lowae ŋolo alo Kwap tomyaa lowae ŋolo alo Kuju.

Esek. 21:10

epenar ekileŋ aŋuna ka aarya, apwasi, ipareo ikwa akimilyaunet! Alipite ikiryamunia iwon alelyanu? Idaut iyes ŋituŋa kaŋ ajamuwar ekepukan ka daadaŋ ŋuna ikilimokinitae iyes akiwuap.

Esek. 21:16

Okoe ekileŋ, toar ŋulu aloteten kon ka ŋulu alokedyeny kon, toar daadaŋ ŋini eyai neni ikiramaryo iyoŋ.

Esek. 21:19

“Lokoku a ituŋanan, kigir ŋirotin ŋiarei ŋulu epedorya erwosit a Babilon abunore eyakar ekileŋ keŋ. Emaikina ŋirotin ŋul kisyakis anakwap a apei. Kiwuak neni iitorya erot epei lotaun akitoodikinet ŋina itoodiunit etaun.

Esek. 21:22

Ikamuni iŋes aloteten keŋ ekaleŋeleŋet ŋolo igiritae ekiro a Yerusalem. Apolou keŋ atemar elimokinitae iŋes alosit akiwuakin Yerusalem ŋiboorei ŋulu ebwaŋere arwatata ka alimokin ŋituŋa keŋ akiar ŋituŋa a Yerusalem, acelun aŋuna ka akisimukekin ŋikajiok, akiwuakin lopukei a Yerusalem ŋiboorei ŋulu ebwaŋere ŋipukei, adukokin akititis narwatata a Yerusalem ka arekin Yerusalem ŋaduketa ŋuna aoyak ŋuna irikaunitere iŋes.

Esek. 21:28

“Iyoŋ lokoku a ituŋanan, todwar ebe, ‘Alimu Ekapolon Akuj ŋakiro nu aŋuna a Ŋiamoni ka Ŋiyany kec, Ekileŋ! Ekileŋ! Etemokin ekileŋ aŋuna ka aarya, apwasi aŋuna ka amunyarya ka ipareo ikwa akimilyaunet.

Esek. 21:7

Ani kikiŋita ikes iyoŋ atemar, kaanukiro iumenio iyoŋ? toboŋok ikes atemar, aumeni ayoŋ aŋuna a ŋakiro a ŋuna eponito, apaki ŋina edolunioto ŋakiro ŋun, ekuryaketa ŋituŋa daadaŋ, epalagunete ŋakan daadaŋ, elilimiyorete ŋitai daadaŋ, edaun agogoŋu apei daŋ anakuŋin. Ebunit apaki ŋin! Itiyakin kire jik ŋakiro ŋun.’ ”

Yos. 2:11

Ikipotu isua ŋinapei ikiirari ŋakiro ŋun, omaranikisi, itobul nooi aŋuna kus. Kire jik, Ekapolon Akuj kus, iŋes erae Akuj alokidiama ka anakwap a ne.