Esek. 20:8 - Ebaibul

⁸ Nai apotu ikes toŋero ŋakiro kaŋ, nyiirasi ŋuna erworo ayoŋ; mam ipei daŋ alokidiŋ kec ŋini abu tocaka akuj keŋ ŋina aminakinit, kori apotu nyecamut akiŋer akiwuapit ŋakujo a Ijipit. “Abu nai ayoŋ otamak atemar emaikina anyunyura kaŋ min neni kec, emaikina ayoŋ oŋoik ikes eman anakwap a Ijipit.

Esek. 20:8 Iomraidhean Croise

Neem. 9:26

“Kikote neni daŋ, apotu ikes nyiwuapa ŋakiro kon ka apotu itoŋero iyoŋ tojamuwasi ŋikisila kon ka toara ŋikadwarak kon ŋulu apotu tolimokis ikes akimyekin ŋuna aronok ŋuna etiyaete ikes ikotere eboŋunete neni kon, apotu daŋ ikes ikiyanya iyoŋ nooi.

Ŋikiru. 106:23

Aŋun, abu Akuj tolimu atemar amunyari ikes. Ani kerae nyedyekit Moses ŋolo arae eseuna ŋolo ka Akuj aŋuna kec Akuj, nyemunya ikes ananyunyura keŋ, kemunyarit Akuj ikes.

Ŋikiru. 69:24

Tonyunyurikin ikes anaŋoit kon; kimyek anyunyura ŋina ka aŋoit kon todolok ikes.

Ŋikiru. 78:17

Nai apotu ikes torubakis eseceneneete neni ka Akuj, toŋero analoŋisat Akuj ŋina alokidiama nooi.

Ŋikiru. 78:8

Nyikwaanikinosi ikes ka atapapaa kec, anyamet ŋina a ŋasyanisya ka ŋikaŋerok, ŋulu pa etopoloorito Akuj alotai kec, ŋulu pa ekinyomito Akuj alotai kec.

Ŋikiru. 81:12

Aŋun, abu ayoŋ emyek ikes kiwuapa ŋuna acamito ŋitai kec ŋulu esyaak, kiwuapa ŋuna acamito ikes ŋikulepek.

Awos. 32:1

Ani eyenunete ŋituŋa atemar adidi Moses aboŋun alokidiama emoru, apotu tocunakinos kirimokis Aron kidiŋ temasi neni keŋ, “Bua, kitiyakinae isua ŋakujo ŋuna ikirikete isua, anerae nyikiyeni isua ŋakiro ŋuna kitiyakin neni a Moses a ŋolo abu ikitipeunio isua anakwap a Ijipit.”

Isa. 63:10

Nai apotu ikes toŋero Ekapolon, ido kitoŋoa etau keŋ ŋolo asegan; aŋun, abu Ekapolon toruwor emoit kec, abu iŋes elope kitiji ikes.

Yer. 11:8

Nai apotu ikes nyiwuapa ŋakiro kaŋ, kori nyepupokis ŋuna erworo ayoŋ, nai abu ŋinituŋanan anakisyaanu kiwuap acamit keŋ ŋina aronon. Aŋun, abu ayoŋ oyau neni kec ŋakiro a acamunet a na, ŋakiro ŋuna abu ayoŋ olimok ikes kiwuapa, nai apotu ikes nyitiyata ŋun.”

Yer. 32:23

Apotu ikes tolomut nakwap na kituruwosi ŋina kec, nai apotu ikes nyiwuapa ŋakiro kon, kori ŋikisila kon, apotu nyitiyata ŋuna ilimokinit iyoŋ ikes akitiya. Aŋun, ibu iyoŋ iyau ŋican lu daadaŋ neni kec.

Yer. 7:24

Nai apotu ikes nyiwuapa ŋakiro kaŋ kori nyikatakis apupokin, nai anakisyaanu a ŋina ka acamit akitiya aronis, apotu ikes kiwuapa ŋuna acamito akitiya, ido tomitakis akitiya ŋuna alunyarosi akilo ŋuna eponito.

Esek. 20:13

Nai apotu Ŋisirael analoŋisat toŋero akiwuap ŋakiro kaŋ; apotu nyiwuapa ŋakiro ŋuna abala ayoŋ ikes kiwuapa, apotu toŋero ŋikisila kaŋ ŋulu iteyarete ituŋanan erae kiwuap. Apotu ikes tojamuwasi nooi akoloŋit ŋina a Sabato “Aŋun, abu ayoŋ otamak atemar emaikina ayoŋ onyunyurikin ikes omunya analoŋisat.

Esek. 20:16

Aŋuna aponiata ikes toŋero akiwuap ŋuna abala ayoŋ ikes kiwuapa ka apotu nyiwuap ŋikisila kaŋ, ido apotu tojamuwasi akoloŋit kaŋ ŋina a Sabato, apotu ikes kikinyoma ŋakujo.

Esek. 20:21

Nai apotu ŋidwe ŋul toŋero akiwuap ayoŋ; apotu nyiwuap ŋikisila kaŋ ka apotu nyiwuap ecoikinito nooi ŋakiro ŋuna alimokinit ayoŋ ikes ŋuna iteyarete ituŋanan erae kiwuap. Apotu ikes tojamuwasi akoloŋit ŋina a Sabato. “Abu nai ayoŋ otamak atemar emaikina anyunyura kaŋ min neni kec, emaikina ayoŋ oŋoik ikes eman analoŋisat.

Esek. 20:7

Abu ayoŋ otema neni kec, ‘Tocaka ŋinituŋanan akuj keŋ ŋina aminaki ka nyimunaasi ŋawat kus anakiwuapit ŋakujo a Ijipit; ayoŋ arae Ekapolon Akuj kus.’

Esek. 22:22

Lopite ŋolopei etalanarere esilipa alokitet, iyes daŋ ikitalaryo alo Yerusalem ka iyenunete iyes atemar ayoŋ Ekapolon abuku anyunyura kaŋ neni kus.”

Esek. 23:3

Apotu ikes toruwor ŋamalaae alo Ijipit, kitiyata ŋakiro ŋuna ka amalao akisyakin anasoroko kec. Apotu tonuwae ŋikisin kec alo Ijipit ka aponi totapatapae ŋamuroi kec alo Ijipit ŋuna sek pa atapatapatae.

Esek. 5:13

“Apaki nai ŋin edaunor aŋoikinit kaŋ ikes ka iŋes editeunia anyunyura kaŋ aneni kec, iŋes ayenunia ayoŋ atemar etiyakin ŋuna acamit ayoŋ akitiyakin. Ekaku ketoodik ayoŋ ikes alilit kaŋ, eyenunete ikes atemar ayoŋ Ekapolon abu erworor ŋakiro ŋun alelakinit.

Esek. 7:8

Aapuu ayoŋ ayaun anyunyura kaŋ neni kus; iŋolikinete tokona iyes aŋoit kaŋ eyakaun neni kus. Akatubokini ayoŋ iyes lopite ŋolo itiyatotor iyes, ekesicani iyes aŋuna ka asiilyo kus a daadaŋ.

Osea 9:10

Apaki ŋina arukaunia ayoŋ Ŋisirael abu ayoŋ orukau ikes lopite ŋolo erukaunere ŋikito a epiini analoŋisat, abu daŋ orukau atapapaa kec lopite ŋolo erukaunere ŋaboboryo ŋuna esyaunak ekokito alokitoe. Nai ani edolete ikes Baal-Peor, tosodi kitaleikinos nibore ŋinicaryoit ŋini a ŋileec, apotu Ŋisirael toroketa a nen atipei, kikwaanikin aronis kec ka ŋina a ŋakujo a ŋuna apotu ikes tominakis.

Ŋilep. 18:3

Nyitiyata ŋakiro ŋuna itiyaete ŋituŋa ŋulu a Ijipit, ŋituŋa akwap a ŋina iboitotor iyes, ido nyitiyata ŋakiro ŋuna itiyaete ŋituŋa ŋulu a Kanaan, ŋituŋa akwap a ŋina akayai ayoŋ iyes. Nyiwuapa ŋakiro ŋuna etubunito ikes.

Ŋikis. 9:24

Iŋereneneete iyes Ekapolon ŋinapei koloŋ akayenunia ayoŋ iyes.

Ŋikis. 9:7

Totamunito ka nyikimuryak iyes epite ŋolo itoŋoitotor iyes Ekapolon Akuj kus analoŋisat, irubakinete iyes iŋereneneete Ekapolon ameun anakoloŋit a ŋina ilomuniata iyes alo Ijipit akitodol akoloŋit ŋina idolunioto iyes nakibois na.