Esek. 20:7 - Ebaibul

⁷ Abu ayoŋ otema neni kec, ‘Tocaka ŋinituŋanan akuj keŋ ŋina aminaki ka nyimunaasi ŋawat kus anakiwuapit ŋakujo a Ijipit; ayoŋ arae Ekapolon Akuj kus.’

Esek. 20:7 Iomraidhean Croise

2 Ŋakiro a ŋirwa 15:8

Ani iirari Asa ŋakiro ŋun, ŋuna adwari Asaria lokoku ka Oded, abu atitinyu min neni keŋ. Tolema ŋitorubei a ŋakujo anakwap a Yudaya ka Benjamin daadaŋ ta alotaunio a ŋulu abu iŋes kikama anakwap a ŋina a ŋikamukumukui, a ŋina ke Epuraim. Abu iŋes todukok nabo Namuroet ŋina ke Ekapolon kiŋaren ebarasan ŋolo ayai kiŋaren Akai a Ekapolon.

Awos. 16:12

“Adau ayoŋ akiirar akiŋuruŋura a Ŋisirael, tolimok ikes ebe, ‘Ani eboŋ, inyamete iyes akiriŋ, ido ani taparacu, inyamete iyes akimuj ŋina iitanito; nen nai iyenuniata iyes atemar arae ayoŋ Ekapolon Akuj kus.’ ”

Awos. 20:2

“Ayoŋ Ekapolon Akuj kus, ŋina abu okoyau iyes anakwap a Ijipit, anakibois a ŋina iraakatar iyes ŋipi.

Awos. 20:4

“Nyitiyaut aŋuna kus etorube a idiobore erae akuj kus, kerae etorube a ibore a ŋini eyai kidiama nakuj, kori a ŋini eyai kwap tooma ŋalup, kori a ŋini eyai nakipi ŋuna alokwap ŋalup.

Awos. 20:5

Nyiryediko kilipa neni kec; anerae ayoŋ Ekapolon Akuj kus, Akuj ŋina alilyan, esicani ayoŋ ŋidwe aŋuna ka asecit atapapa kec akitodol nanyamet ŋina a ŋauni ka ŋina a ŋaomwon a ŋulu akaŋerito ayoŋ,

Awos. 22:20

“Ituŋanan daadaŋ ŋini einakini amuronot keŋ neni ka akuj ka ace akilo Ekapolon bon, emaikina toarae.

Isa. 31:7

Kitiyata ŋun, anerae akoloŋit ŋina ebunio Ekapolon, imasarete iyes daadaŋ ŋitorubei a ŋakujo kus ŋuna itiyaunitae a esilipa ka ŋuna itiyaunitae a egolid, ŋitorubei ŋulu ipotu iyes kitiyaut a ŋakan kus irae ŋikasecak.

Esek. 14:6

“Aŋun, tolimok Ŋisirael atemar ŋakiro ŋuna irworo Ekapolon Akuj ikes nu, ‘Tokiwa asecit kus, ido toboŋutu aneni aŋakujo kus ka kikoŋosi akitiya ŋuna ka asiilyo daadaŋ ŋuna itiyaete iyes.

Esek. 18:15

toŋer iŋes ŋamuja ŋuna enyamyo anamuroeta a ŋuna edukitoe lomoru, kori nyemitak ŋakiro a ŋakujo a Ŋisirael, kori nyitiya ŋadi ŋuna aronok naberu a ekidunyet keŋ,

Esek. 18:31

Togatasi aneni kus aronis daadaŋ ŋina idaut iyes akitiya, toryamutu akiyar ŋina kitete ka ŋatameta ŋunakiet. Okoe Ŋisirael, kaanukiro icamitotor iyes atwakare?

Esek. 18:6

ani pa kenyami iŋes ŋamuja anamuroeta a ŋuna edukitoe lomoru, kori pa kemitakinit ŋakujo ŋuna a Ŋisirael, ani pa kitiyae iŋes ŋace ŋuna aronok naberu a ekidunyet keŋ, kori kiryamanakin ka aberu apaki ŋina eyakar lolap,

Esek. 20:19

Ayoŋ Ekapolon arae Akuj kus; kiwuapa ŋikisila kaŋ ka kiwuapa icoikinito nooi ŋakiro ŋuna akalimok ayoŋ iyes atemar kiwuapa.

Esek. 20:8

Nai apotu ikes toŋero ŋakiro kaŋ, nyiirasi ŋuna erworo ayoŋ; mam ipei daŋ alokidiŋ kec ŋini abu tocaka akuj keŋ ŋina aminakinit, kori apotu nyecamut akiŋer akiwuapit ŋakujo a Ijipit. “Abu nai ayoŋ otamak atemar emaikina anyunyura kaŋ min neni kec, emaikina ayoŋ oŋoik ikes eman anakwap a Ijipit.

Esek. 23:3

Apotu ikes toruwor ŋamalaae alo Ijipit, kitiyata ŋakiro ŋuna ka amalao akisyakin anasoroko kec. Apotu tonuwae ŋikisin kec alo Ijipit ka aponi totapatapae ŋamuroi kec alo Ijipit ŋuna sek pa atapatapatae.

Esek. 23:7

Abu Oala anamalao keŋ inakin neni a ŋapolon ka Asiriya a daadaŋ, ido abu tomunaar bon anakujo a daadaŋ a ŋuna a ituŋanan a ŋini abunio iŋes tomalaania.

Esek. 23:8

Pa abu iŋes toesik amalao keŋ ŋina sek abu iŋes kisyak alo Ijipit, ŋina sek ani eriŋa iŋes esorokana, abu iŋes kisyak akiryamanakin ka ŋikilyok, aponi totapatapae ŋamuroi keŋ ŋuna sek pa atapatapatae ka apotu ŋikilyok ŋul tominakis iŋes nooi.

Esek. 34:24

Ayoŋ Ekapolon aruwor Akuj kec, eketiyan kaŋ Daudi iŋes eruwor ekepukan kec. Ayoŋ Ekapolon adau alimun ŋun.

Esek. 6:9

Ikes ŋulu ebucarosi akatamunete ayoŋ anakwapin a ŋuna erikoryo erae ŋirikon. Etamunete ikes epite ŋolo abunio ayoŋ oŋoya aŋuna aponiata ikes tomalaaketa alotai kec toŋero anupit ayoŋ ka ŋuna aponiata ikes okoŋero ayoŋ toloto neni a ŋakujo kec. Nyepedorete nabo ikes acamun akitiya ŋuna aronok ŋuna etiyata ka ŋuna ka asiilyo daadaŋ ŋuna adaut ikes akitiya.

Ŋilep. 11:44

Arae ayoŋ Ekapolon Akuj kus; aŋun, kitaleutu ŋawat kus, toruworos ŋulu isegak, anerae aseg ayoŋ. Nyimunaarosi anakinyam, kori anakitap ŋisubuna ŋulu elosete alokwap.

Ŋilep. 17:7

Nyemaikina Ŋisirael yaasi ŋainakineta kec inakis neni a ŋipyan a ŋulu esibito ŋamee a ŋulu ituruwosi ikes ŋimalaanotin. Emaikina ŋakiro ŋun toruwor etal ŋoloruba aŋuna kec ka aŋuna a ŋanyameta a ŋuna eponito.’

Ŋilep. 18:2

“Tolimok Ŋisirael ebe, ‘Arae ayoŋ Ekapolon Akuj kus.

Ŋilep. 18:3

Nyitiyata ŋakiro ŋuna itiyaete ŋituŋa ŋulu a Ijipit, ŋituŋa akwap a ŋina iboitotor iyes, ido nyitiyata ŋakiro ŋuna itiyaete ŋituŋa ŋulu a Kanaan, ŋituŋa akwap a ŋina akayai ayoŋ iyes. Nyiwuapa ŋakiro ŋuna etubunito ikes.

Ŋilep. 20:7

Aŋun, kitaleunos, toruworos ŋulu isegak, anerae arae ayoŋ Ekapolon Akuj kus.

Yos. 24:14

“Tokona nai, itemokino iyes tokerito Ekapolon ka kitiyanakis iŋes anakikinyoma kus a daadaŋ. Toŋero akitiyanakin ŋakujo ŋuna ewuapito atapapaa kus alokekwaye aŋolol Eupurate ka anakwap a Ijipit, nai kitiyanakisi Ekapolon.