Esek. 20:6 - Ebaibul

⁶ Akoloŋit ŋin, iŋes abunio ayoŋ ekoŋ neni kec atemar ayauni ikes anakwap a Ijipit ewuak nakwap ŋina adau ayoŋ akiwarun aŋuna kec, nakwap ŋina elelyaata ŋakile ka ao, nakwap ŋina ibus nooi akilo ŋakwapin ŋunace daadaŋ.

Esek. 20:6 Iomraidhean Croise

Neem. 9:12

Ibu daŋ iyoŋ kiŋarenik ikes naparan isibit adis ka nakwaare isibit arira, itoodikinit ikes neni kitoro.

Neem. 9:9

“Ibu iyoŋ kiŋolik ŋican atapapaa kosi alo Ijipit ka ibu kiira akigworo kec ananam a ŋina Areŋan.

Ŋikiru. 106:24

Apotu Ŋisirael toŋero akwap ŋina ajokan; apotu nyenupa akiikinet ŋina ka Akuj.

Ŋikiru. 47:5

Adakar Asaduku ŋina ka Acamunet kidiama emukura Kai ka Akuj, adakar Asaduku ŋin ecelasi ŋituŋa ka ekusete ŋabureryaŋae a ŋimeesekin.

Ŋikiru. 48:2

Ibus nooi aoyau a Sion a emukura a ŋolo, ke Ekapolon, erae iŋes alelyanu a ŋituŋa ka akwap a daadaŋ. Eyai lomukura Sion etaun ŋolo ke Erwosit a ŋolo apolon nooi.

Awos. 13:5

Ani ikitodoli iyes Ekapolon nakwap a Ŋikanaani, a Ŋiitaiti, a Ŋiamori, a Ŋiipi ka a Ŋiyebusi, nakwap ŋina abu iŋes kikoŋ neni atapapaa kus ainakin iyes, nakwap ŋina elelyaata ŋakile ka ao emaikina iyes totamununuyete akitiya ŋasuban nu elap lo.

Awos. 3:17

Adau ayoŋ atubun atemar akayauni ayoŋ iyes eketipeunio anakwap a Ijipit a ŋina iryamunitotor ŋican, okoyau nakwap a Ŋikanaani, a Ŋiitaiti, a Ŋiamori, a Ŋiperisi ka a Ŋiipi ta a Ŋiyebusi, nakwap ŋina elelyaata ŋakile ka ao.’

Awos. 3:8

ka adau ayoŋ abunore kwap ne aiun ikes anakan a Ŋijipitian ka ayaun ikes anakwap a ŋin, toloto nakwap ŋina ajokan ŋina aloloman, nakwap ŋina elelyaata ŋakile ka ao, nakwap ŋina a Ŋikanaani, a Ŋiitaiti, a Ŋiamori, a Ŋiperisi ka a Ŋiipi ta a Ŋiyebusi.

Awos. 33:3

Apesi kitipeiyosi nakwap ŋina elelyaata ŋakile ka ao. Nai nyikilosi ayoŋ ka iyes, acepaki apedori ayoŋ amunyar iyes alorot, anerae irae iyes ŋituŋa ŋulu egogoŋ ŋakyes.”

Awos. 6:8

Akayauni ayoŋ iyes nakwap ŋina abu ayoŋ ekoŋ ainakin Aburaam, Isaka ka Yakob; akainakini ayoŋ iyes akwap ŋin toruwor ŋina kus. Arae ayoŋ Ekapolon.’ ”

Yer. 11:5

ikotere esiyookini ayoŋ akikoŋiet kaŋ ŋina abu ayoŋ ekoŋ neni atapapaa kus, abu ayoŋ ekoŋ ainakin ikes akwap ŋina elelyaata ŋakile ka ao, lopite ŋolo eyakar nakoloŋit na.” Abu nai ayoŋ oboŋok iŋes otema, “Okoe Ekapolon, kitiyakinosi ŋakiro lopite ŋolo ilumunio iyoŋ”

Yer. 3:19

“‘Abu ayoŋ otam epite ŋolo eketuruworya iyes ŋidwe kaŋ, ido okoinak iyes akwap ŋina ajokan, akwap ŋina ajokan, akilo ŋakwapin daadaŋ. Abu ayoŋ otamak atemar ikinyaraete iyes ayoŋ papa kosi ka nyiŋerete iyes akiwuap ŋakiro kaŋ.

Yer. 32:22

ido ibu iyoŋ inak Ŋisirael akwap na ŋina ibu iyoŋ kiik atapapaa kec atemar iinakini ŋiletok kec, akwap ŋina eleleata ŋakile ka ao.

Esek. 20:15

Abu daŋ ayoŋ ekoŋ neni kec analoŋisat olimok atemar nyayauni ayoŋ ikes nakwap ŋina sek aris kakainak iyes, nakwap ŋina elelyaata ŋakile ka ao, nakwap ŋina ibus nooi akilo ŋakwapin ŋunace daadaŋ.

Esek. 20:23

Abu daŋ ayoŋ ekoŋ neni kec analoŋisat, olimok atemar ekeelari ayoŋ iyes lotuŋa a ŋakwapin ka akakorari ayoŋ iyes nakwapin.

Esek. 20:42

Iyenunete iyes atemar arae ayoŋ Ekapolon apaki ŋina akayaunia ayoŋ iyes nakwap a Isirael, nakibois ŋina abu ayoŋ ekoŋ ainakin neni atapapaa kus.

Esek. 20:5

ka tolimok ikes atemar ŋakiro ŋuna irworo Ekapolon ikes nu, ‘Akoloŋit ŋina aseunia ayoŋ Ŋisirael, abu ayoŋ ekoŋ neni a ŋiletok a ekal a Yakob, etoodikin neni kec anakwap a Ijipit. Abu ayoŋ ekoŋ neni kec otema arae ayoŋ Ekapolon Akuj kus.’

Esek. 47:14

Emaikina iyes totyakatyakata akwap eriyan, abu ayoŋ ekoŋ ainakin akwap na neni atapapaa kus, eruwor akwap na ŋina kus.

Dan. 11:16

Nai ituŋanan daadaŋ ŋini ebuni akitijikin erwosit ŋolo alo Kuju, itiyae daadaŋ ŋuna ecamit iŋes ka mam ituŋanan itijikini iŋes. Ikamari iŋes ŋalup ŋuna ajokak anakwap a ŋin ka eruwor akwap ŋin daadaŋ ŋina keŋ.

Dan. 11:41

Ebuni iŋes tari nakwap ŋina ebusan ka toar ŋituŋa ŋalipyo ka ŋalipyo, nai epuun ŋakwapin nu anapedor keŋ: Edom, Moab ka akwap ŋina a Ŋiamoni neni alalan neni idoŋit.

Dan. 8:9

Alotooma apei a ŋamomwar a ŋun, abu amomwara tolomu, ŋina abu togogoŋior nooi kiteorite lowae ŋolo alo Kwap, lowae ŋolo alo Kide ka lowae ŋolo ka akwap a ŋina ebusan.

Ŋilep. 20:24

Nai akalimokini tokona ayoŋ iyes atemar, eruwor akwap kec ŋina kus; akainakini ayoŋ iyes toruwor ŋina irumete iyes, akwap ŋin ŋina eleleata ŋakile ka ao. Arae ayoŋ Ekapolon Akuj kus, ŋina akaseu iyes alotuŋa a ŋakwapin a ŋunace.

Sakar 7:14

Aŋun, abu ayoŋ eela ikes lopite ŋolo ielarya ekuwuam ibore, apotu ikes kielar akiboi nakwapin ŋuna sek pa ayenete. Apotu kimyekis akwap na ŋina ajokan erae ŋina asilon, ŋina emam ituŋanan iboi alotooma keŋ.”

Ekim. 13:27

Tolimokis ikes Moses temasi, “Adoli isua nakwap ŋina ikiyakiyarit iyoŋ isua; eleleete ŋakile ka a ao anakwap a ŋin, ŋaraito keŋ ikes nu.

Ekim. 14:8

Ani kikijokak iwon aneni ke Ekapolon, ikiyai iŋes iwon nakwap ŋin ka ikiinakini iŋes iwon akwap ŋin ŋina eleleata ŋakile ka ao.

Ŋikis. 11:9

ka ikotere iboiyete ekaoyan anakwap a ŋina abu Ekapolon kikoŋ neni atapapaa kus ainakin ikes ka ŋiletok kec, akwap ŋina elelyaata ŋakile ka ao,

Ŋikis. 26:15

Kiŋoliu anakibois kon a ŋina asegan, kiŋoliu anakuj, kiterereŋ ŋituŋa kon Ŋisirael ka ŋalup a akwap a ŋina ikiinak iyoŋ isua, lopite ŋolo ibunio iyoŋ kikoŋio neni atapapaa kosi, kiterereŋ akwap kosi ŋina eleleata ŋakile ka ao.”

Ŋikis. 26:9

ido ikiyau isua nakibois na ka ikiinak isua akwap na ajokan na ŋina eleleata ŋakile ka ao.

Ŋikis. 27:3

Kigirakis kidiama kec ŋakiro daadaŋ ŋuna a ŋikisila a lu, kidaut iyes adokar ekekwaye alomar nakwap ŋina ikiinit Ekapolon Akuj kus iyes, nakwap ŋina eleleata ŋakile ka ao, lopite ŋolo ikiikinia iyes Ekapolon Akuj atapapaa kus.

Ŋikis. 3:25

Kimyekinae ayoŋ otubor ekekwaye eŋolik akwap ŋina ajokan ŋina alokekwaye Yorodan, akwap ŋina ajokan ŋin ŋina a ŋikamukumukui ka Lebanon.”

Ŋikis. 31:20

Ani kadau ayoŋ ayaun ikes nakwap ŋina eleleata ŋakile ka ao, nakwap ŋina abu ayoŋ eik anakikoŋ neni atapapaa kec ka ani kedaut ikes akimuj kimwoko ka totuma, akaŋerete ikes ayoŋ, ido kitiyanakis ŋakujo ŋace, okojamuwasi ayoŋ ka nyiwuapa acamunet kaŋ.

Ŋikis. 32:40

anerae ekyaari ayoŋ ŋakan kaŋ kidiama, ekoŋ otema, ‘Ikwapei ayarya ayoŋ ŋikaru ka ŋikaru,

Ŋikis. 32:8

Apaki ŋina akorya Akuj ŋina alokidiama nooi akwap a Ŋisirael, apaki ŋina atyakatyakaa iŋes Ŋisirael, abu kiwuak ŋikukorin a ŋakwapin a Ŋisirael iwuapit ekimar a ŋidwe a ŋulusapa a ŋulu a Isirael.

Ŋikis. 6:3

Aŋun, kiirasi, okoe Ŋisirael ka kiwuapa ŋakiro ka Akuj ejok, ikotere tomamukaun aneni kus ŋace ka ikotere ipitunete nooi anakwap a ŋina elelyaata ŋakile ka ao, lopite ŋolo ikiikinia iyes Ekapolon Akuj atapapaa kus.

Yos. 5:6

Arae ŋun aŋuna awosyata Ŋisirael analoŋisat ŋikaru ŋatomoniomwon tari ŋina amunyaror anyamet daadaŋ ŋina a ŋikilyok a ŋulu apedorito ejie a ŋulu sek awotunete alo Ijipit. Apotu ŋikilyok ŋul daadaŋ tomunyaros, anerae apotu toŋero akiwuap ŋakiro ŋuna a Ekapolon Akuj. Aŋun abu Ekapolon Akuj kikoŋ atemar nyiŋolikinete ikes akwap ŋina koloŋ ekoŋit iŋes neni atapapaa kec ainakin iwon. Erae akwap ŋin ŋina eleleata ŋakile ka akimyet ŋina ka ao.