Esek. 20:47 - Ebaibul

⁴⁷ tolimok amoni ŋina alo Negeb atemar kiira ŋakiro a Ekapolon, alimu Ekapolon, Akuj ebe, ‘Eapi ayoŋ akitenepun akim aneni kon, enyamuwari akim ŋin ŋikito ŋulu alibak daadaŋ ŋulu eya tooma kon ka ŋikito daadaŋ ŋulu eya tooma kon ŋulu aonok. Mam ibore epedori akituduŋere arira ŋina etitae nooi ŋin. Enomi amwanis a arira a ŋin ibore daadaŋ ŋini eyai lowae ŋolo alo Kwap tomyaa lowae ŋolo alo Kuju.

Esek. 20:47 Iomraidhean Croise

Isa. 13:8

ka ekadakini ikes. Eyakaun ikes napipilu ka naryeba, eryebakinosi ikes nooi ikwa aberu ŋina eapi akidoun. Itekinosi ikes make eumokinito, eyakaun ŋileec loreetin kec.

Isa. 30:33

Itemokinitoe sek ka aŋorot akibois, itemokinitoe akibois ŋin aŋuna a erwosit ka Asiriya. Ecukul ka elapat neni inokakinitae akim ŋin ka elal akim a nen ka elalak ŋakito. Ekieŋanu a Ekapolon itule akim ŋin torirau ikwa apetoron.

Isa. 66:24

Tosodi elomarete ikes kiŋa kiŋolikis ŋawat a ŋituŋa a ŋulu etwakito a ŋulu apotu okoŋero ayoŋ, anerae nyetwakete ŋikur ŋulu enyamete ikes ka nyituduŋeo akim kec, eruworosi nai ikes ŋulu eŋerer alotuŋa a daadaŋ.”

Yer. 17:27

Nai pa kipupokis iyes ŋakiro kaŋ, pa kitopoloosi akoloŋit ŋina a Sabato erae akoloŋit ŋina asegan ka pa kiwoko ibore idio akoloŋit ŋina a Sabato tolomuniata lopukei a Yerusalem, ecunyakini ayoŋ akim alopukei a Yerusalem, enomiyari akim ŋin ŋakais ŋuna ka apukan ŋuna eya Yerusalem ka nyituduŋeo akim ŋin.”

Yer. 21:12

Okoe ŋituŋa a ekal a Daudi; alimu Ekapolon ebe, ‘Kitiyata ŋuna iyookino a ŋinataparacu, toiutu ŋulu edemaritae ŋiboro kec, toiutu ikes anapedor a ŋulu isicanete ikes; ani pa kitiyata iyes ŋun, erirauni anyunyura kaŋ ikwa akim, ido ikinomiya, emam ituŋanan ŋini ituduŋe aŋoit kaŋ aŋuna a ŋiticisyo kus a ŋulu aronok.’ ”

Yer. 21:14

Ekesicani ayoŋ iyes erono lopite ŋolo eroketa ŋiticisyo kus, enokakini ayoŋ akim namon kus ka enomiari ibore daadaŋ ŋini eyai diyete kus.”

Esek. 16:35

“‘Aŋun nai, okoe amalaat, kiira ŋakiro nu ŋuna irworo Ekapolon,

Esek. 17:24

Eyenunete ŋikito ŋulu ka ariet daadaŋ atemar arae ayoŋ Ekapolon. Etuuruwuanuni ayoŋ ŋikito ŋulu aoyak, etooyauni ayoŋ ŋikito ŋulu euruwuaka; etooniyori ayoŋ ŋikito ŋulu alibak, ido etilibu ŋikito ŋulu eokito. Ayoŋ Ekapolon alimu ŋun; ido etiyakini ayoŋ ŋun.”

Esek. 19:14

Amyaa akim ŋinapei anatorom keŋ, anomiya ŋaten keŋ ka ŋaraito keŋ. Emam nabo atorom keŋ ŋina agogoŋon ŋin neni idoŋit, neni emaikina tolemunae ebela a erwosit. “Erae lo eete ŋolo ka aumonokin ka emaikina kisitiyae erae eete ŋolo ka aumonokin.”

Esek. 21:10

epenar ekileŋ aŋuna ka aarya, apwasi, ipareo ikwa akimilyaunet! Alipite ikiryamunia iwon alelyanu? Idaut iyes ŋituŋa kaŋ ajamuwar ekepukan ka daadaŋ ŋuna ikilimokinitae iyes akiwuap.

Esek. 21:32

Ikinokakinio iyes ikwa ŋakito ŋuna ka akim, ijuwarete ŋalup ŋaokot kus; mam nabo ituŋanan etamuni atemar iyakasi sek iyes nakwap.’ ” Ekapolon iŋes alimu ŋun

Esek. 24:5

Toseutu anamesekin ibarasit ŋini ajokan nooi, kirepakisi ŋakito kwap amot, kidorokisi akiriŋ a ibarasit a ŋin a nen etubutubutoe, kidorokisi ŋakoyo a ibarasit a ŋin a amot a ŋin.

Luk. 23:31

Ani kitiyakis ikes ŋun eriŋa akitoe epalal, anu nai itiyakinete ŋina eonio iŋes?”

Ŋikis. 32:22

Enokuni aŋoit kaŋ esibit akim, todol aŋoit kaŋ tari nakibois a ŋikatwak, emwana esibit akim emunyari aŋoit kaŋ akwap ka ibore daadaŋ ŋini eyai nakwap edoli aŋoit kaŋ tari nakisyakinet a ŋimoru.