Esek. 20:32 - Ebaibul

³² “Nyitiyakinosi jik ŋakiro ŋuna itamete iyes ebe, ‘Ecamitae isua kikwaanikinetei ka ŋakwapin ŋunace, ecamitae kikwaanikinetei ka ŋikabilae a ŋakwapin a ŋunace, ŋulu ilipete neni a ŋakito ka ŋamoru. ’”

Esek. 20:32 Iomraidhean Croise

Ŋikiru. 139:2

Iyeni iyoŋ ŋuna etiyae ayoŋ daadaŋ iyeni iyoŋ ŋatameta kaŋ tari daŋ kilwana iyoŋ.

Ŋikiru. 33:10

Ituruwonori Ekapolon ŋakiro ŋuna aronok, ŋuna etukete ŋakwapin ŋacaryo; nyisiyoonokini Ekapolon ŋakiro ŋuna aronok ŋuna etukete ŋituŋa.

Ŋakit. 19:21

Epedori ituŋanan ayere anatameta keŋ akitiya ŋakiro ŋuna alalak, nai erae ŋuna ecamit Ekapolon ikes bon itiyakin.

Isa. 37:19

ka emasanakis ŋakujo a ŋituŋa nakim tari ŋina pa araakatar ŋakujo ŋun ŋuna a kire, nai ŋitorubei ŋulu etiyaunete ŋituŋa a ŋakan kec anakito ka anamoru, aŋun, aponi kinyasunae ŋakujo ŋun.

Yer. 2:25

Ŋisirael, tojoŋoto akerit, nyinyamut ŋamuk kus ka nyitoon ŋitoilon kus aŋuna ikinyamitor akure. Nai ipotu iyes temasi, ‘Erae ŋun ŋakoŋinae, adaun isua aminakin ŋigelaanotin, ido ikiwuapi ikes jik.’

Yer. 44:17

Nai ikitiyae isua ŋuna adaun akikoŋ atemar ikitiyae, ikiinakini isua ŋainakineta kosi neni a arwosit a ŋina anakuj ka einakinio iŋes ŋainakineta ŋuna a ŋimaten lopite ŋolo sek etiyaere isua ka ŋolo sek etiyaata atapapaa kosi, ŋirwosi kosi ka ŋikapolok kosi alotaunio a Yudaya ka alorotin a Yerusalem. Ayakare isua akimuj ŋina alalan, ayakare abaru ka amam ŋican.

Yer. 44:29

Ebala Ekapolon, ‘Erae akitoodikinet atemar abuni ayoŋ akisican iyes anakibois a na, ikotere iyenuniata iyes atemar iyookin kire jik ŋakiro kaŋ ŋuna alimu ayoŋ aŋuna kus:

Aum. 3:37

Ŋae elimuni ŋakiro kitiyakinae erae pa ketubunit Ekapolon ŋun?

Esek. 11:5

Abu nai etau a Ekapolon bu, min neni kaŋ, okolimok Ekapolon ayoŋ alimokin ŋituŋa ŋakiro nu ebe, “Ebala Ekapolon, ŋituŋa a Isirael, ayeni ayoŋ ŋuna irworosi iyes ka ŋuna iyeete iyes akitiyakin.

Esek. 38:10

“Alimu Ekapolon Akuj atemar, akoloŋit ŋina ilosyoto iyes, epote ŋatameta nakyes kus, ido igeunete iyes akituk akitiya ŋuna aronok.

Dan. 5:4

Apotu ikes tomata epiini kipuro ŋakujo ŋuna etiyaunitae a egolid, a esilipa, a eburonis, a asuwat, a akitoe ka amoru.

Osea 4:12

Eloseneneete ŋituŋa kaŋ akiŋita ŋakiro aneni ka akuj a ŋina erae akitoe, elimonokini ikes ebela ŋolo ke etal ŋakiro ŋuna emaikina kitiyata, anerae etooliyo ikes etau ŋolo ka amalao, etiyata ikes ŋuna ka amalao emyekis akikinyomit Akuj kec.

Ŋirom. 12:2

Nyirubakis itiyaete ŋuna itiyaete ŋituŋa ŋulu anakwap a na, nai tocamakisi Akuj kibelek ŋitai kus, ikiinak iyes ŋatameta ŋuna kitet. Ikotere nai iyes iyenunete acamit ŋina ka Akuj--ayenut ibore ŋini ejok ka ŋini italakarit iŋes ka ŋini iyookino.

Ŋikis. 28:36

Ikiyai Ekapolon iyes kaapei ka erwosit ŋolo iseunete iyes akipuka iyes nakwap ŋina nyiyenete iyes, kori ŋina pa ayenete atapapaa kus, neni itiyanakineta iyes ŋakujo ŋuna itiyaunitae a ŋakito ka ŋamoru.

Ŋikis. 28:64

Ikielari Ekapolon iyes nakwapin, idolete iyes nakisaleta ŋuna ka akwap, itiyanakinete iyes a nen ŋakujo ŋuna itiyaunitae a ŋakito ka ŋamoru, ŋakujo ŋuna nyeyenuna iyes ŋinapei, kori atapapaa kus.

Ŋikis. 29:17

Iŋolikis iyes ŋiboro kec lu ŋulu eŋeritoe: Ŋitorubei a ŋakujo ŋulu etiyaunitae a ŋamoru ka ŋakito, a esilipa ka egolid, ŋitorubei ŋulu aya nakwap kec.

Ŋikis. 4:28

Aina ipote iyes akitiyanakin ŋakujo ŋace ŋuna erae ŋituŋa itiyaunito, ŋiboorei ŋulu ecieunitae anakito ka anamoru, ŋulu nyiteete, nyepupete, nyimujete ka nyiŋuunete.

Akis. 9:20

Ŋituŋa ŋulu pa apotu ŋakisicaneta ŋun toara, apotu nyekiwa akilip neni a ŋipyan ka neni a ŋakujo a ŋuna etiyaunito ikes ŋilopeyek. Etiyaunitae ŋakujo ŋun a egolid, a esilipa, a eburonis, a ŋamoru ka a ŋakito; ŋakujo ŋuna nyepedorete aanyuwar, akiirar, kori alosit.

1 Sam. 8:5

temasi neni keŋ, “Imojoŋ iyoŋ, ido nyiwuapito ŋidwe kon ŋulusapa ŋipitesyo kon; tosekinae nai tokona iyoŋ isua erwosit ŋolo ikipukae isua, ikwapei eyakatar ŋirwosi nakwapin ŋunace.”