Esek. 20:3 - Ebaibul

³ “Lokoku a ituŋanan, kisirwor ŋikasikou a Ŋisirael, tolimok ebe, ‘Iŋita Ekapolon Akuj ŋakiro nu atemar, kaanukiro eponitere iyes? Akiŋita ŋakiro ŋadi aneni kaŋ a? Ikwaŋinapei kire jik ayarya ayoŋ, nyakacamakini ayoŋ iyes ikiŋita ayoŋ ŋakiro ŋadi.’

Esek. 20:3 Iomraidhean Croise

Ŋakit. 15:8

Erae ŋamuronisya a ŋulu aronok asiilyo aneni a Ekapolon, nai elakara Ekapolon aŋuna ka akilip a ituŋanan a ŋini iyookino.

Ŋakit. 21:27

Erae amuronot a ŋulu aronok ibore ŋini erae asiilyo, etya nai asiilyo ŋin ai erae keyaunitae amuronot ŋin aŋuna ka akitiyaa aronis!

Ŋakit. 28:9

Ani keŋer ituŋanan akiwuap ŋuna ebasi ŋikisila, eruwor tari ŋakisilipasinei keŋ asiilyo aneni ka Akuj.

Isa. 1:12

“Ŋae ikilimokini iyes ayaunun ŋibaren ŋul neni kaŋ apaki ŋina iponiata iyes akilip neni kaŋ? Nyipudata nabo tomunaasi ŋalapatui ŋuna a Akai kaŋ.

Isa. 1:15

Ani ikyaarete iyes ŋakan kus ilipete, nyeŋoliuni ayoŋ neni kus, tari daŋ kilipa iyes ŋakilipasinei ŋuna alalak, nyapupokini ayoŋ, anerae itereŋa iyes ŋakan kus anakiar ŋituŋa.

Isa. 58:2

Kikote neni daŋ, ekewarito ikes ayoŋ a ŋinakoloŋit etakanete esibit iwarito akiwuap acamit kaŋ, esibito ŋituŋa ŋulu itiyaete ŋuna iyookino ka ŋulu nyeŋero akiwuap ŋakiro ŋuna etubunit Akuj kec, iŋitasi ikes aneni kaŋ aryamun akitub ŋakiro anakiyookino, emaikina ikes aponare diyete Akuj.”

Esek. 14:1

Apotu ŋikasikou a Isirael ŋice potu neni kaŋ, kiboikinos kiŋaren kaŋ.

Esek. 20:2

Abu nai Ekapolon kirwor neni kaŋ tema,

Esek. 20:31

Irubakis iyes itiyaete ŋakiro nu tari nakoloŋit na: iyayeneneete ŋainakineta nakujo, isitoreneneete ŋidwe kus ŋulusapa nakim, aŋun, idaut iyes amunaar ŋawat kus a ŋakujo kus a daadaŋ. Okoe Ŋisirael, ipedorete nai kire iyes akiŋit ayoŋ ŋakiro ŋadi a? Ikwapei kire ayarya ayoŋ, nyipedorete iyes akiŋit ayoŋ ŋakiro ŋadi.’

Esek. 33:30

“Ani eruwor iyoŋ lokoku a ituŋanan, ikirworotor iyoŋ ŋituŋa kon alotooma ŋakais ka alopukei a ŋakais, ebasi ikes irworosi make, ‘Bua kiira ŋakiro ŋuna apotu aneni ke Ekapolon.’

Amos 8:12

Etubonorosi ŋituŋa ananam tari nanam, alo Kuju tari Kide; ekerete ŋituŋa ka toboŋete iwarito akirot ŋina ke Ekapolon nai nyeryamunete jik ikalimokinan.

Mika 3:7

Irumete ŋikadwarak ŋileec. Nyelakarosi ŋimurok, ituruworyo ikes daadaŋ ŋicaryo, anerae nyeboŋokini Akuj ŋakiro kec.

Mat. 3:7

Ani iŋolikini Yoana Ŋiparisayon ka Ŋisadukayon ŋulu alalak eponito neni keŋ akibatisao, tolimok ikes tema, “Iyes ŋulu iroko ŋulu ikote ŋapomia, ŋae ikilimokini iyes atemar ipedorete abucar ananyunyura a ŋina ebunit a ŋina ka Akuj?

Luk. 3:7

Tolimok Yoana ŋasepico ŋuna aponito neni keŋ akibatisao tema, “Iyes ŋulu iroko ŋulu ikote ŋapomia, ŋae ikilimokini iyes atemar ipedorete abucar ananyunyura a ŋina ebunit aneni ka Akuj?

Yoa. 4:24

Erae Akuj Etau; ŋulu ilipete neni keŋ, itemokino kilipa alotooma Etau ka alorot a ŋolo a kire.”

1 Sam. 28:6

Ani iŋisi Saul Ekapolon ŋuna emaikina iŋes kitiya, abu Ekapolon nyeboŋok iŋes, kerae anakirujaeta, kori anakilamilam ka adio, kori alokadwaran ke edio.