Esek. 20:28 - Ebaibul

²⁸ Ani kadau ayoŋ ayaun ikes nakwap ŋina sek eiikinit ayoŋ ainakin ikes, apotu ikes inakis ŋamuronisya neni a ŋakujo anakiboisyo ca a daadaŋ a ŋunamukur aŋuna apotu ikes kiŋolikis, kori alokito ca a daadaŋ a ŋulu alibak a ŋulu apotu ikes kiŋolikis. Apotu ikes eketoŋoa ayoŋ a ŋamuronisya a ŋuna apeyete ikes ka a ŋainakineta a ŋuna ke epiini aŋuna ayeneneete ikes nen.

Esek. 20:28 Iomraidhean Croise

1 Ŋirw. 14:23

Apotu ŋituŋa a Yudaya daŋ toduko aŋuna kec ŋakiboisyo ŋunamukur, kiwuanakis erae ŋakujo kec ŋamoru ka ŋitorubei ka akuj a ŋina enyaritae Asera lomukur ŋulu aoyak daadaŋ ka lokito ŋulu alibak daadaŋ.

2 Ŋirw. 17:10

Toduko aŋuna kec ŋipirin ŋulu etaletoi kidiyama ŋikamukumukui ka kwap ŋikito ca daadaŋ ŋulu alibito.

2 Ŋirw. 17:12

Apotu kilipa ŋakujo ŋuna sek alimokinit Ekapolon ikes atemar toceito ilipete.

2 Ŋirw. 17:9

Etiyato Ŋisirael anakimunonit ŋakiro ŋuna aronok aneni ke Ekapolon Akuj kec. Adukito ikes aŋuna kec neni elipeneneere ŋakujo lotaunio kec daadaŋ ameun alotaunio a ŋulu cicik akitodol ŋulu apolok.

Isa. 65:7

esicani ayoŋ ikes kaapei aŋuna a ŋasecisya kec ka aŋuna a ŋasecisya atapapaa kec, anerae apotu ikes inakis ekinyate alokidiama ŋimoru ka ekeyanya ayoŋ alokidiama ŋikamukumukui. Esicani ayoŋ ikes lotyae ŋolo itemokino aŋuna a ŋiticisyo kec.”

Yer. 19:13

Itoroniyaryo ŋakais a Yerusalem ka ŋakais a ŋirwosi a Yudaya, lopite ŋolo etoroniyarere Topes, itoroniyaryo ŋakais daadaŋ ŋuna aponi inakinae ŋainakineta alokidiama kec neni a ŋiboorei a ŋulu alokidiama ka neni ainanakinere ŋainakineta ŋuna a ŋimaten neni a ŋakujo a ŋace.’ ”

Yer. 2:7

Abu ayoŋ okoyau iyes nakwap ŋina ileleba ibore daadaŋ, ikotere inyamete ŋaraito keŋ ka ŋiboro keŋ ŋulu ajokak. Nai ani ilomarete iyes nakwap ŋin ipotu iyes tomunaasi akwap kaŋ kituruwosi akwap kaŋ ŋina asiilyanan.

Yer. 3:6

Abu Ekapolon kirwor neni kaŋ alorwa a ŋulu epukator erwosit Yosia tema, “Iŋolik iyoŋ ŋuna adaut ŋituŋa a Isirael ŋulu emam anupit ŋul akitiya, epite ŋolo alosyoto ikes akilip lokamukumukui daadaŋ ka lokito daadaŋ ŋulu alibak akitiya ŋuna ka amalao a nen a?

Yer. 32:30

Mam ŋakiro ŋuna ajokak ŋuna etiyata ŋituŋa a Isirael ka ŋulu a Yudaya, nai ŋakiro ŋuna aronok bon etiyata ikes alokiŋaren kaŋ, ameun ŋina pei erae ikes ŋisorok, mam ŋakiro ŋuna ajokak ŋuna etiyata ŋituŋa a Isirael, nai eketoŋoa ayoŋ a ŋiboro a ŋulu itiyaete ikes a ŋakan kec.

Esek. 16:19

Tari ŋamuja nu ŋuna abu ayoŋ okoinak iyoŋ ŋakirya ŋuna ajokak, akimyet ŋina ka olipa ka akimyet ŋina ka ao, iya iyoŋ iwuak kiŋaren kec erae ibore ŋini ebobokinit ŋakujo ŋun eure kec. Idau iyoŋ akitiya ŋakiro ŋun akitojokar aneni a ŋakujo.

Esek. 16:24

ibu iyoŋ toduk nenimukur analapatui a daadaŋ aŋuna a etaun ŋakiboisyo ŋunakilipet ŋakujo ka ŋunakitiyaet ŋakiro ŋuna ka amalao.

Esek. 20:15

Abu daŋ ayoŋ ekoŋ neni kec analoŋisat olimok atemar nyayauni ayoŋ ikes nakwap ŋina sek aris kakainak iyes, nakwap ŋina elelyaata ŋakile ka ao, nakwap ŋina ibus nooi akilo ŋakwapin ŋunace daadaŋ.

Esek. 20:29

(Abu ayoŋ eŋit ikes atemar, ŋae ekiro a akibois a ŋina aoyan a ŋina iloseneneete iyes? Eriŋa akibois ŋin enyaritae Bama tari nakoloŋit na.)

Esek. 20:6

Akoloŋit ŋin, iŋes abunio ayoŋ ekoŋ neni kec atemar ayauni ikes anakwap a Ijipit ewuak nakwap ŋina adau ayoŋ akiwarun aŋuna kec, nakwap ŋina elelyaata ŋakile ka ao, nakwap ŋina ibus nooi akilo ŋakwapin ŋunace daadaŋ.

Esek. 6:13

Eyenunete nai ikes atemar arae ayoŋ Ekapolon apaki ŋin ŋina iŋolikiniata ikes ŋalyalin a ŋituŋa kec eperete alokidiŋ ŋakujo kec, alodiyete ŋamuroeta kec, alokidiama ŋikamukumukui ŋulu aoyak daadaŋ, alokidiama ŋimoru daadaŋ, alokwap ŋikito ŋulu alibak daadaŋ ka alokwap ŋolokuyon eya ŋakuii daadaŋ, nakiboisyo ca daadaŋ ŋuna apeyoto ikes neni a ŋakujo ŋainakineta ŋuna ebob eure icunyo neni a ŋakujo kec.

Ŋilep. 17:5

Erae ŋun ikotere Ŋisirael eyaunete neni ke Ekapolon ŋamuronisya kec ŋuna earete ikes anariet. Emaikina ikes yaut neni ke esacaradoti lopuke ke eema a ŋolo ilipere, inakis Ekapolon erae ŋainakineta ŋuna ke ekisil.

Yos. 23:14

“Adol tokona ayoŋ aekar lore apolon neni eloseneneete ŋituŋa daadaŋ. Iyenete iyes a ŋitai kus a daadaŋ ka anakiyar kus a daadaŋ atemar ŋakiro ŋuna ajokak daadaŋ ŋuna abu Ekapolon ŋolo erae Akuj kus ikiik iyes, mam apei daŋ ŋina nyisiyookino. Esiyookin ŋakiro daadaŋ ŋuna ikiikinitae, mam apei daŋ ŋina nyisiyookino.