Esek. 20:27 - Ebaibul

²⁷ “Aŋun nai, lokoku a ituŋanan, kirwor neni a Ŋisirael atemar, ŋakiro ŋuna irworo Ekapolon Akuj ikes nu; epite ece ŋolo aponiata atapapaa kec ekeyanyata ayoŋ iŋes lo, apotu toruwor ŋulu pa ekekinyomito ayoŋ.

Esek. 20:27 Iomraidhean Croise

Ŋikiru. 78:57

Apotu ikes nyitopoloosi Akuj ka nyenupa neni ka Akuj ikwapei atapapaa kec, apotu ikes toruwor ŋulu pa ekinyomit Akuj kikokis akau a ŋikaleŋeleŋe ŋina emagul.

Isa. 65:7

esicani ayoŋ ikes kaapei aŋuna a ŋasecisya kec ka aŋuna a ŋasecisya atapapaa kec, anerae apotu ikes inakis ekinyate alokidiama ŋimoru ka ekeyanya ayoŋ alokidiama ŋikamukumukui. Esicani ayoŋ ikes lotyae ŋolo itemokino aŋuna a ŋiticisyo kec.”

Esek. 14:13

“Lokoku a ituŋanan, ani keseca ŋituŋa a akwap alotooma amamukau anupit neni kaŋ, ido esican ayoŋ akwap ŋin, alemari ayoŋ akimuj oinak ikes eron tomunya ŋituŋa ka ŋibaren keŋ;

Esek. 18:24

Nai ani kimyek ŋini iyookino akitiya ŋuna ka akiyookino, kitiya aronis ka asiilyo ŋinapei itiyaete ŋulu aronok, epedori nai kire iŋes akiyar a? Mam apei daŋ alotooma ŋakiro ŋuna ka akiyookino ŋuna etiyat iŋes ŋuna iteyarere iŋes. Eruwor ituŋanan ŋin ŋini iilit aŋuna adaunor anupit aneni keŋ, ido aŋuna ka asecit aŋina etiya iŋes, emaikina iŋes totwan.

Esek. 2:7

Emaikina iyoŋ kirwor ŋakiro kaŋ neni kec, kecamito akiirar, kori pa kecamito akiirar; anerae erae ikes ekal ŋolo aŋeron.

Esek. 3:11

Ape tokona neni a ŋituŋa a akwap kon a ŋulu erikoritae nakwapin ŋace, ido kirwor neni a ŋituŋa kon, tema neni kec, ‘Ŋakiro ŋuna irworo Ekapolon Akuj ikes nu,’ ebe, ‘Kecamito ikes akiirar ŋakiro ŋuna irworo iyoŋ, kori pa kecamito.’ ”

Esek. 3:27

Nai ani ekesirworikini ayoŋ iyoŋ, alacakini ayoŋ aŋajep kon, ikotere iyoŋ tolimok ikes atemar ŋakiro ŋuna irworo Ekapolon Akuj ikes nu ebe, ‘Kimyekisi ŋulu iirarete kiirasi ka kimyekisi ŋulu eŋerete akiirar toŋero akiirar, anerae erae ikes ekal ŋolo aŋeron.’ ”

Esek. 3:4

Tema ŋini erworo neni kaŋ, “Lokoku a ituŋanan ape tokona neni a Ŋisirael kirwor ŋakiro kaŋ pei neni kec.

Esek. 39:23

Eyenunete daŋ ŋituŋa a ŋakwapin atemar apotu Ŋisirael kielar nakwapin aŋuna ka asecit kec, anerae apotu ikes tojoŋoto akikinyomit ayoŋ. Aŋuna aponiata ikes kitiya ŋun, abu ayoŋ nyesiŋolikin ikes ka abu epotok ikes napedor a ŋimoe kec ka aponi toarae ikes daadaŋ.

Esek. 39:26

Nyetamunete nabo jik ikes ŋileec kec ka ŋakiro daadaŋ ŋuna apotu ikes kitiya emam akikinyomit ayoŋ apaki ŋina eboiyoto ikes anakwap kec emam awasya ka emam ituŋanan etukuryani ikes.

Ekim. 15:30

Nai ituŋanan daadaŋ ŋini iredakini akisec, kerae Esiraelit, kori igelaanot, adau akiyany Ekapolon, aŋun etyakaryo iŋes alotuŋa.

Ŋirom. 2:24

Anerae ikote nen igiritae Nakigireta ebe, “Aŋuna kus Ŋiyudayan, iyanyete ŋituŋa ŋulu nyerae Ŋiyudayan ekiro ka Akuj.”

Akis. 13:5

Aponi tocamakinae etyaŋ ŋol akirwor ŋakiro ŋuna ka akituro ka ŋuna ka akiyany Akuj ka aponi tocamakinae iŋes ayakau napolou ŋilapyo ŋatomoniomwon ka ŋiarei.