Esek. 20:26 - Ebaibul

²⁶ Abu ayoŋ emyek ikes tomunaaros anainanakineta kec pei, abu ayoŋ emyek ikes toara ŋikiyae kec ŋulusapa erae ŋamuronisya. Arae ŋun aŋuna ka akisicania ikes ka akitoodikin ikes atemar arae ayoŋ Ekapolon.

Esek. 20:26 Iomraidhean Croise

2 Ŋirw. 16:3

nai abu iŋes kiwuap epite ŋolo a ŋirwosi a Isirael. Abu tari kisitor lokoku keŋ kidiŋ akim, iwuapit ŋitalyo ŋulu aronok ŋulu a ŋituŋa a ŋakwapin a ŋuna abu Ekapolon kirita apaki ŋina adolunioto Ŋisirael nakwap ŋina aya ikes.

2 Ŋirw. 17:17

Esitoreneneete ikes ŋisapa kec ka ŋapesur kidiŋ akim. Elamilamete ikes ka ekukujaete, nabo agyelanarosi aŋuna ka akitiya aronis alo kiŋaren Ekapolon, aŋun apotu ikes kitoŋoa Ekapolon.

2 Ŋirw. 21:6

Toar lokoku keŋ tope erae amuronot. Adwarenene iŋes, nabo torae emuron; alosenene lomurok ka lolilae. Tosec iŋes nooi aneni ke Ekapolon kitoŋo iŋes Ekapolon.

2 Ŋakiro a ŋirwa 28:3

ya tope ŋainakineta a nakadipaalat aŋina enyaritae ŋina alokoku a Inom. Abu tari kisitor ŋidwe keŋ ŋulusapa kidiŋ akim, iwuapit ŋitalyo ŋulu aronok ŋulu a ŋituŋa a ŋakwapin a ŋuna abu Ekapolon kirita apaki ŋina adolunioto Ŋisirael nakwap ŋina aya ikes.

2 Ŋakiro a ŋirwa 33:6

Abu Manase kimasak nakim lokoku keŋ erae amuronot anakadipaalat a ŋina a Ben-Inom. Adwarenene iŋes, nabo torae ekekukujan, ekapilan ka eeki ŋililae. Tosec iŋes nooi neni ke Ekapolon, kitoŋo Ekapolon.

Awos. 13:12

emaikina iyes totyakasi aŋuna ke Ekapolon, ŋikiyae daadaŋ ŋulu a ŋibaren kus ŋulu erae ŋimoŋin, emaikina ŋul toruwor ŋulu ke Ekapolon.

Isa. 63:17

Kaanukiro, okoe Ekapolon ikiinakinia iyoŋ isua aoliyor anakiwuapit iyoŋ, itogogoŋio iyoŋ ŋitai kosi, ido nyeriŋa isua ikitopoloorit iyoŋ? Toboŋu Ekapolon aŋuna a ŋiketiyak kon ka aŋuna a ŋikabilae a ŋulu erae ŋulu kon.

Yer. 19:4

anerae akaŋero ŋituŋa kaŋ ayoŋ ka enyasut akibois na aŋuna ainakiniata a nen ŋainakineta neni a ŋakujo a ŋace, ŋakujo ŋuna pa ayenete ikes, kori atapapaa kec, kori ŋirwosi a Yudaya ka aŋuna elelebikiniata ikes akibois na ŋaokot a ŋituŋa a ŋulu emam ŋakiro esecito,

Yer. 19:9

Tosodi ainakini ayoŋ ŋituŋa a Yudaya ka ŋulu a Yerusalem tonyama ŋawat a ŋidwe kec a ŋulusapa ka a ŋulupesur, enyamete daadaŋ ŋawat a ŋikidunyet kec anapaki a ŋina irikaunere etaun ka alocan a ŋulu iteryamunete ŋimoe kec ŋulu ecamito akiar ikes.

Yer. 32:35

Apotu ikes toduko ŋakiboisyo ŋuna aoyak ŋuna ilipere neni a Baal nakadipaalat alokoku a Inom, ikotere einanakiniata ŋidwe kec ŋulusapa ka ŋulupesur neni a Molek, tari daŋ pa kalimokinit ayoŋ ikes akitiya ŋun, nyepena tari ŋakiro ŋun natameta kaŋ atemar kitiyata ikes ŋiticisyo ŋulu ka asiilyo ŋul, ŋulu apotu kiteseca ŋituŋa a Yudaya.

Yer. 7:31

Tosodi erubakinito ikes edukete namuroet ŋina enyaritae Topes ŋina eyai nakadipaalat a lokoku a Inom, aŋuna ka apeyo ŋidwe kec ŋulusapa ka ŋulupesur anakim, erae ŋun ŋakiro ŋuna pa ecikit ayoŋ ikes akitiya, kori amam jik ŋakiro ŋun anatameta kaŋ.

Esek. 20:12

Abu daŋ ayoŋ oinak ikes akoloŋit ŋina a Sabato ikwapei akoloŋit ŋina itoodiunit acamuna kaŋ ka ikes, ikotere eyenete atemar arae ayoŋ Ekapolon ŋolo abu eturuwo ikes ŋituŋa ŋulu asegak.

Esek. 20:20

Kiyokito akoloŋit ŋina a Sabato erae ŋina eseg, ikotere eruwor akitoodikinet ŋina ka acamunet kaŋ ka iyes. Ŋun nai iyenuniata iyes atemar arae ayoŋ Ekapolon Akuj kus.’

Esek. 20:30

Aŋun tolimok Ŋisirael atemar, iŋita Ekapolon Akuj ŋakiro nu, ‘Imunaarete kire iyes ŋawat kus lopite ŋolo aponiata atapapaa kus kitiyaata a? Iwuapete iyes ŋakujo ŋuna apotu ikes kiwuapa a?

Esek. 20:31

Irubakis iyes itiyaete ŋakiro nu tari nakoloŋit na: iyayeneneete ŋainakineta nakujo, isitoreneneete ŋidwe kus ŋulusapa nakim, aŋun, idaut iyes amunaar ŋawat kus a ŋakujo kus a daadaŋ. Okoe Ŋisirael, ipedorete nai kire iyes akiŋit ayoŋ ŋakiro ŋadi a? Ikwapei kire ayarya ayoŋ, nyipedorete iyes akiŋit ayoŋ ŋakiro ŋadi.’

Esek. 23:37

anerae adaut ikes akilom ka akiar. Amalaan ikes anakujo kec; adaut tari akiar ŋidwe kec erae ŋamuronisya ŋuna einakinitae neni a ŋakujo erae akimuj, nai arae aŋuna kaŋ auruunere ŋidwe ŋul.

Esek. 6:7

Earakinio ŋituŋa kus kidiŋ kus; ŋun nai ikiteyenunete iyes atemar arae ayoŋ Ekapolon.

Ŋilep. 18:21

Nyipotosi idio alodwe kus erae amuronot neni a akuj a ŋina enyaritae Molek, erae ŋun akiyanya ekiro ŋolo ka Akuj kus. Arae ayoŋ Ekapolon.

Ŋilep. 20:2

“Tolimok Ŋisirael ebe, ‘Esiraelit daadaŋ, kori igelaanot daadaŋ ŋini iboiyete ka Ŋisirael ŋini einakini ikoku keŋ idio neni a akuj a ŋina enyaritae Molek, emaikina ituŋanan ŋin toarae. Emaikina ŋituŋa daadaŋ tocaka iŋes a ŋamoru.’ ”

Luk. 2:23

(Ikwaŋinapei igiritere Lokisila ŋulu ke Ekapolon ebe, “Ŋinikoku sapat ŋini erae ikiyae, itemokino kitaleoroe neni ke Ekapolon.”)