Esek. 20:13 - Ebaibul

¹³ Nai apotu Ŋisirael analoŋisat toŋero akiwuap ŋakiro kaŋ; apotu nyiwuapa ŋakiro ŋuna abala ayoŋ ikes kiwuapa, apotu toŋero ŋikisila kaŋ ŋulu iteyarete ituŋanan erae kiwuap. Apotu ikes tojamuwasi nooi akoloŋit ŋina a Sabato “Aŋun, abu ayoŋ otamak atemar emaikina ayoŋ onyunyurikin ikes omunya analoŋisat.

Esek. 20:13 Iomraidhean Croise

2 Sam. 12:9

Kaanukiro ijamuwarya iyoŋ akirot ke Ekapolon aŋuna itiyaa ŋuna aronok alokiŋaren Ekapolon? Ibu iyoŋ toar Uria Eititait a akileŋ, ido iya aberu keŋ kituruwo ŋina kon.

2 Ŋakiro a ŋirwa 30:7

Nyikwaanikinosi ka atapapaa kus ka ŋiyeneta kus ŋulu apotu tojoŋoto akikinyomit neni ke Ekapolon Akuj atapapaa kec, ido abu Akuj kituruwo ikes ŋulu ikiinakinete aumokin lopite ŋolo iteoto iyes tokona.

Neem. 13:17

Abu nai ayoŋ eŋenyak ŋikapolokinitok ŋituŋa eŋit otema, “Anukiro nu ŋuna aronok ŋuna itiyaete iyes nu, ŋuna ijamuwaryata iyes akoloŋit ŋina a Sabato?

Awos. 32:10

Kimyekinae ayoŋ, ikotere etonomo ka omunya ikes a aŋoit a ŋina eyai lotau kaŋ. Nai eketuruwori ayoŋ iyoŋ ka ŋiletok kon ŋituŋa ŋulu alalak nooi.”

Awos. 32:8

Emyekis ikes atipei ŋuna abu ayoŋ ecik ikes, ido etiyaut aŋuna kec etorube a itaok aruwor akuj kec. Ilipete tokona ikes neni a itaok ka aya ŋamuronisya kec nen, ido ebasi, ‘Ŋisirael, akuj yok na ŋina paaran abu ikitipeunio iwon anakwap a Ijipit!’

Ŋakit. 1:25

aŋuna iwouniata iyes akimyekin ŋakiro ŋuna abala ayoŋ iyes kimyekis ka aŋuna iŋeryoto iyes ŋakiro kaŋ daadaŋ,

Ŋakit. 13:13

Ituŋanan ŋini ejamuwari ŋuna ebookoi kitiya, eyauni ŋican nakuwan keŋ, nai ituŋanan ŋini iwuapit ŋakiciketa, eryamuni akitalakaret.

Isa. 56:6

“Tosodi ŋigelaanotin ŋulu eruworosi ŋulu a Ekapolon, ŋulu elimonokinete ŋakiro keŋ, ŋulu eminakinete ekiro a Ekapolon ka ŋulu eruworosi ŋiketiyak keŋ, ikes daadaŋ ŋulu itopoloorito akoloŋit ŋina a Sabato tomam akiyany akoloŋit ŋin, ido kiricakinito a ŋinapaki acamunet kaŋ,

Isa. 63:10

Nai apotu ikes toŋero Ekapolon, ido kitoŋoa etau keŋ ŋolo asegan; aŋun, abu Ekapolon toruwor emoit kec, abu iŋes elope kitiji ikes.

Yer. 7:24

Nai apotu ikes nyiwuapa ŋakiro kaŋ kori nyikatakis apupokin, nai anakisyaanu a ŋina ka acamit akitiya aronis, apotu ikes kiwuapa ŋuna acamito akitiya, ido tomitakis akitiya ŋuna alunyarosi akilo ŋuna eponito.

Esek. 20:11

Abu ayoŋ oinak ikes a nen ŋakiro ŋuna abala kiwuapa ka abu eteyenik ikes ŋikisila kaŋ, anerae ituŋanan ŋini iwuapit ikes, iteyarete ikes iŋes.

Esek. 20:14

Nai aŋuna a ekiro kaŋ, abu ayoŋ etiya ŋuna nyepedorere akiyanyia ekiro kaŋ alokiŋaren ŋituŋa ŋulu abu ayoŋ oyaunia ikes.

Esek. 20:16

Aŋuna aponiata ikes toŋero akiwuap ŋuna abala ayoŋ ikes kiwuapa ka apotu nyiwuap ŋikisila kaŋ, ido apotu tojamuwasi akoloŋit kaŋ ŋina a Sabato, apotu ikes kikinyoma ŋakujo.

Esek. 20:21

Nai apotu ŋidwe ŋul toŋero akiwuap ayoŋ; apotu nyiwuap ŋikisila kaŋ ka apotu nyiwuap ecoikinito nooi ŋakiro ŋuna alimokinit ayoŋ ikes ŋuna iteyarete ituŋanan erae kiwuap. Apotu ikes tojamuwasi akoloŋit ŋina a Sabato. “Abu nai ayoŋ otamak atemar emaikina anyunyura kaŋ min neni kec, emaikina ayoŋ oŋoik ikes eman analoŋisat.

Esek. 20:24

Abu ayoŋ etiya ŋun, anerae apotu ikes toŋero akiwuap ŋuna alimokinit ayoŋ ikes akiwuap, apotu toŋero akiwuap ŋikisila kaŋ ka apotu tojamuwasi akoloŋit kaŋ ŋina a Sabato, toloto akilip ŋakujo atapapaa kec.

Esek. 20:36

Lopite ŋolopei abunio ayoŋ otubokinia atapapaa kus analoŋisat a ŋina ka akwap a Ijipit, akatubokini ayoŋ iyes.

Esek. 20:8

Nai apotu ikes toŋero ŋakiro kaŋ, nyiirasi ŋuna erworo ayoŋ; mam ipei daŋ alokidiŋ kec ŋini abu tocaka akuj keŋ ŋina aminakinit, kori apotu nyecamut akiŋer akiwuapit ŋakujo a Ijipit. “Abu nai ayoŋ otamak atemar emaikina anyunyura kaŋ min neni kec, emaikina ayoŋ oŋoik ikes eman anakwap a Ijipit.

Esek. 22:8

Ijamuwasi iyes ŋiboro kaŋ ŋulu asegak ka nyeriŋa itamunito ŋirwa ŋulu a Sabato.

Esek. 23:38

Etiyata ikes tari ŋakiro nu neni kaŋ: Apotu apaki ŋinapei tomunaasi akibois kaŋ ŋina asegan ka apotu tojamuwasi akoloŋit kaŋ ŋina a Sabato.

Ŋilep. 18:5

Kiwuapa ŋakiro ŋuna atubunit ayoŋ ka ŋikisila kaŋ, anerae ituŋanan ŋini iwuapi ŋun, eyari a ŋun. Arae ayoŋ Ekapolon.

Ŋilep. 26:15

ka ani pa kiwuap iyes ŋakiro kaŋ ŋuna atubunit ayoŋ ka kiŋero ŋikisila kaŋ, ido tojoŋoto akiwuapit ŋakiciketa kaŋ daadaŋ, ka toŋero acamunet kaŋ,

Ŋilep. 26:43

anerae imyekinete mono ikes akwap iboi erae ŋina asilon, toryamu akwap akieŋun apaki ŋina iboiyo erae ŋina asilon. Emaikina ikes toryamut akisicanet aŋuna a ŋasecisya kec, anerae apotu ikes towout akiwuap ŋikisila kaŋ, toŋero ŋakiro kaŋ ŋuna atubunit ayoŋ.

Amos 2:4

Tema Amos, “Alimu Ekapolon ŋakiro nu ebe, ‘Aŋuna arubakiniata ŋituŋa a Yudaya itiyaete ŋasecisya ŋuna alalak nooi, nyaesikini ayoŋ akisican ikes, anerae aŋero ikes akiwuap ŋikisila kaŋ ka nyiwuapa ikes ŋakiro ŋuna atubunit ayoŋ, nai etooliyo ikes alyokonu ŋinapei apotu atapapaa kec kiwuapa.

Ekim. 14:22

mam ituŋanan alotooma ŋituŋa ŋulu eŋolikis akica kaŋ ka ŋakitoodyanakineta ŋuna abu ayoŋ etiya alo Ijipit ka analoŋisat, ido eketemo ayoŋ ŋakitemyeta ŋatomon ka ŋini nyiwuapa ŋakiro kaŋ,

Ekim. 14:29

Eperete ŋawat kus analoŋisat a na, ido iyes daadaŋ ŋulu aponi ikimari ameun ŋulu erae ŋikaru kec ŋatomoniarei ka adepar, ŋulu ipotu kiŋuruŋura neni kaŋ,

Ekim. 16:45

“Kiyotokisi alotuŋa alu ikotere omunya ikes atipei.” Toramakinos Moses ka Aron todolo ŋireetin kec kwap.

Ekim. 26:25

Arae ŋun ŋatekerin a ŋiletok a Isakar; arae ekimar a ŋulu aponi kimarunae ŋalipyo ŋatomonikanikapei ka ŋaomwon ka ŋamiae ŋauni

Ŋirom. 10:5

Ŋuna ikamunito akiyookino alokiŋaren Akuj anakiwuapit Ŋikisila, abu Moses kigir ŋakiro nu, “Ituŋanan daadaŋ ŋini itiyae ŋuna icikakinito Ŋikisila, eyari a ŋun.”

Ŋikis. 31:27

anerae ayeni ayoŋ nooi atemar irae iyes ŋituŋa ŋulu aŋerok ka ŋulu esyaak. Ani nai ŋina sek iŋereneneoto iyes Ekapolon eriŋa ayoŋ ayari ka ikirukit ka iyes, alipite moi iŋeryoto iyes Ekapolon atwani ayoŋ!

Ŋikis. 9:7

Totamunito ka nyikimuryak iyes epite ŋolo itoŋoitotor iyes Ekapolon Akuj kus analoŋisat, irubakinete iyes iŋereneneete Ekapolon ameun anakoloŋit a ŋina ilomuniata iyes alo Ijipit akitodol akoloŋit ŋina idolunioto iyes nakibois na.

Ŋikis. 9:8

Tari alo Oreb ipotu iyes kitoŋoa Ekapolon kitunyunyura, ido abu Ekapolon toŋoo nooi aŋuna kus tocamu amunyar iyes.

1 Ŋites. 4:8

Aŋun nai, ŋini ewouni ŋakiro ŋun ŋuna ikilimonokini isua, nyerae ituŋanan eŋerit iŋes, nai Akuj, ŋina adau ainakin iyes Etau ŋolo Asegan.

1 Sam. 8:8

Ikwapei etiyakiniata ikes ŋun neni kaŋ ameun akoloŋit ŋina ayaunia ayoŋ ikes alo Ijipit, akitodol nakoloŋit na, akaŋerito ikes ayoŋ, ido itiyanakinete ŋakujo ŋace, aŋun, ikiŋero ikes iyoŋ daŋ.