Esek. 20:12 - Ebaibul

¹² Abu daŋ ayoŋ oinak ikes akoloŋit ŋina a Sabato ikwapei akoloŋit ŋina itoodiunit acamuna kaŋ ka ikes, ikotere eyenete atemar arae ayoŋ Ekapolon ŋolo abu eturuwo ikes ŋituŋa ŋulu asegak.

Esek. 20:12 Iomraidhean Croise

Akisy. 2:3

Kiterereŋ Akuj akoloŋit ŋina a ŋakanikaarei kitesegu, anerae akoloŋit ŋin, abu iŋes kieŋu alotic keŋ a daadaŋ a ŋolo a akisub.

Neem. 9:14

ibu kiteyenik ikes Sabato kon ŋina asegan, ido iinak ikes ŋakiciketa, ŋakiro ŋuna etubunitoe ka ŋikisila aneni a eketiyan kon Moses.

Awos. 16:29

Toyenutu nu atemar, adau Ekapolon ainakin iyes akoloŋit ŋina a Sabato akieŋunia. Ŋakiro ŋun nai abunio iŋes ikiinak iyes akimuj ŋina a ŋirwa a ŋiarei akoloŋit ŋina a ŋakanikapei. Emaikina ŋinituŋanan kieŋu akoloŋit ŋina a ŋakanikaarei aneni iboiyo, mam ituŋanan emaikina toloma kiŋa.”

Awos. 35:2

“Emaikina iyes kitiyata ŋiticisyo kus alotooma ŋirwa ŋikanikapei, akoloŋit ŋina a ŋakanikaarei, kituruwosi akoloŋit ŋin ŋina asegan, akoloŋit ŋina a Sabato ŋina ka akieŋun aŋuna ke Ekapolon. Ituŋanan daadaŋ ŋini itiyae etic edio akoloŋit ŋin, emaikina toarae.

Isa. 56:2

Erereŋ ituŋanan ŋini itiyae nu, ŋini iricakini nu a ŋinapaki: Ŋini itopoloorit akoloŋit ŋina a Sabato, ŋini nyiyanyi akoloŋit ŋin ka ŋini nyitiyae aronis adio akoloŋit ŋin.”

Yer. 17:22

Nyiwoko idiobore anakais kus akoloŋit ŋina a Sabato, kori kitiyata etic edyo, nai kitopoloosi akoloŋit ŋina a Sabato erae akoloŋit ŋina asegan, kitopoloosi lopite ŋolo ecikitor ayoŋ atapapaa kus.

Esek. 20:20

Kiyokito akoloŋit ŋina a Sabato erae ŋina eseg, ikotere eruwor akitoodikinet ŋina ka acamunet kaŋ ka iyes. Ŋun nai iyenuniata iyes atemar arae ayoŋ Ekapolon Akuj kus.’

Esek. 20:26

Abu ayoŋ emyek ikes tomunaaros anainanakineta kec pei, abu ayoŋ emyek ikes toara ŋikiyae kec ŋulusapa erae ŋamuronisya. Arae ŋun aŋuna ka akisicania ikes ka akitoodikin ikes atemar arae ayoŋ Ekapolon.

Esek. 37:28

Eyenunete nai ŋituŋa a ŋakwapin atemar ayoŋ Ekapolon etaleu Ŋisirael, eyenunete ikes ŋun apaki ŋina ewuakinia ayoŋ akibois kaŋ ŋina asegan neni a Ŋisirael ŋikaru ka ŋikaru.’ ”

Esek. 44:24

Ani keyakaun ebura edio, ŋisacaradotin ikes emaikina totubo ŋakiro a ebura a ŋol, emaikina ikes totubo ŋakiro iwuapito ŋuna adau ayoŋ atubun. Emaikina ikes kirica ŋikisila kaŋ ka ŋakiro ŋuna atubu ayoŋ kitiyata ikes anasuban a daadaŋ a ŋuna ainak ayoŋ ikes akitiyaenen. Emaikina ikes torubakis etamunito akituruworit akoloŋit kaŋ ŋina a Sabato ŋina asegan.

Ŋilep. 20:8

Kiwuapa ŋakiro kaŋ ŋuna atubunit ayoŋ ka totamunito ikes. Arae ayoŋ Ekapolon ŋolo eketuruwori iyes ŋulu isegak.

Ŋilep. 21:15

Erae ŋun ikotere nyeruwor ŋidwe keŋ ŋulu ejamuwaritae alotuŋa keŋ. Arae ayoŋ Ekapolon, ŋolo abu eturuwo iŋes ŋolo eseg.’ ”

Ŋilep. 21:23

Nai nyemaikina iŋes toapiya nanaŋga ŋina aloeema, kori toapiya namuroet, anerae eŋwalit iwace anakuwan keŋ, erae ŋun ikotere iŋes nyemunaa ŋakiboisyo kaŋ ŋuna asegak. Arae ayoŋ Ekapolon ŋolo eturuwonori ŋakiboisyo ŋun ŋuna esegak.’ ”

Ŋilep. 21:8

Emaikina iyes kitopoloorito ŋisacaradotin erae ŋulu esegak, anerae ikes eayeneneete akimuj ŋina ka Akuj kus. Kitopoloorito ikes erae ŋulu esegak, anerae ayoŋ Ekapolon ŋolo eketuruwonori iyes ŋulu isegak, arae ŋolo aseg.

Ŋilep. 23:24

“Tolimok Ŋisirael ebe, ‘Ani edoli ŋirwa ke elap epei, elap ŋolo a ŋikanikaarei, emaikina iyes kieŋut akoloŋit ŋin, tocunakinos iwapei irae ŋulu asegak, tokuta ŋarupepe itamunito ŋasuban a akoloŋit a ŋin.

Ŋilep. 23:3

“‘Kitiyata etic ŋirwa ŋikanikapei bon, nai akoloŋit ŋina a ŋakanikaarei erae ŋina a Sabato ŋina ka akieŋun. Erae akoloŋit ŋina asegan ŋina icunakinotor iyes iwapei kilipa. Nyemaikina iyes kitiyata etic edio aneni daadaŋ iboiyoto iyes. Erae akoloŋit ŋin Sabato ŋina ke Ekapolon.

Ŋilep. 23:32

Erae akoloŋit ŋin ŋina a Sabato ŋina emaikina kieŋunere, ido itemokino iyes kiredakis akiron. Ameun eboŋ, ŋirwa ke elap a ŋol ŋikanikaomwon, akitodol ataboŋ ŋinace, emaikina iyes totamunito Sabato.”

Ŋilep. 23:39

“‘Aŋun, ani edoli ŋirwa ke elap ŋitomon ka ŋikan, elap ŋolo a ŋikanikaarei, kidaut iyes akilem ŋikinyom kus, kitiyata ŋasuban neni ke Ekapolon ŋirwa ŋikanikaarei; akoloŋit ŋina esyaunan, erae ŋina ka akieŋun, ido akoloŋit ŋina edolioto ŋirwa ŋikanikauni, erae ŋina ka akieŋun.

Ŋilep. 25:4

Nai ani edoli ekaru ŋolo a ŋikanikaarei, emaikina ŋalup kieŋut toryamut Sabato kec, Sabato ŋina erae etal ke Ekapolon. Nyitata ŋimanikorin kus, kori nyitubo ŋaten a ŋikito kus a ŋulu ke epiini.

Ŋikol. 2:16

Aŋun, nyiwuak idio ituŋanan ŋikisila neni kus aŋuna a ibore a ŋini imujete iyes kori imasete kori lorwa ŋulu ilipeneneere kori nasuban ŋuna elomunia elap kori ŋuna a Sabato.

1 Ŋites. 5:23

Ikimaimai Akuj ŋina erae alope ekisil ikituruwo iyes ŋulu ikwaan ka iŋes alopitesyo a daadaŋ ka ikiyokite iyes daadaŋ alotai, anakiyar ka anawat tomam ŋakiro ŋuna aronok jik akitodol Akoloŋit ŋina eboŋunio Ekapolon yok Yesu Kristo.

Yud. 1:1

Ayoŋ Yuda ŋolo arae eketiyan a Yesu Kristo ka lokaato a Yakobo, egirit abaruwa na neni a ŋulu adau Akuj anyarare, ka ŋulu emina iŋes ŋolo erae Papa ka iyokitoe aŋuna a Yesu Kristo: