Esek. 20:1 - Ebaibul

¹ Alokaru a ŋolo a ŋikanikaarei, elap ŋolo a ŋikan, ŋirwa ke elap ŋitomon kedaun arikor isua nakwapin; apotu ŋikasikou a Ŋisirael ŋice potu neni kaŋ akiŋita ŋakiro ŋuna ebala Ekapolon. Apotu ikes kiboikinos kiŋaren kaŋ.

Esek. 20:1 Iomraidhean Croise

2 Ŋirw. 3:13

Abu Elisa kiŋit erwosit Yeoram ŋolo a Isirael tema, “Inyoni iitanit iyoŋ aneni kaŋ? Tolot lokadwarak a papa kon ka toto kon.” Nai tolimok erwosit a Isirael iŋes tema, “Mam, erae Ekapolon ikinyarau isua ŋirwosi ŋiuni akitaar ŋituŋa a Moab.”

2 Ŋirw. 6:32

Tosodi kiyakiya iŋes ekile alosit arikun Elisa. Apaki ŋinapei, ayai Elisa kai keŋ, eboiyete ka ŋikasikou. Ani eriŋa ekile ŋolo eyakit erwosit nyedoluno, tolimok Elisa ŋikasikou tema, “Iyenete iyes atemar iyakuunit ekaaran ŋol ekile atubor akou kaŋ a? Ani tokona edoluni ŋolo iyakuunitae ne, togolokis ekek, nyimyekis iŋes tolomu. Etupit erwosit elope iŋes ediyediye.”

Isa. 29:13

Alimu Ekapolon ebe, “Eapiyete ŋituŋa lu aneni kaŋ anakiro aŋuna irworosi ka eketopoloorito ayoŋ anakiro aŋuna irworosi, nai elwaka ŋitai kec aneni kaŋ, erae akilip kec neni kaŋ ŋina iwuapitere ŋikisila ŋulu etatamyo ikes eboonokin alimunun.

Isa. 58:2

Kikote neni daŋ, ekewarito ikes ayoŋ a ŋinakoloŋit etakanete esibit iwarito akiwuap acamit kaŋ, esibito ŋituŋa ŋulu itiyaete ŋuna iyookino ka ŋulu nyeŋero akiwuap ŋakiro ŋuna etubunit Akuj kec, iŋitasi ikes aneni kaŋ aryamun akitub ŋakiro anakiyookino, emaikina ikes aponare diyete Akuj.”

Yer. 21:2

“Ekelipit ayoŋ iyoŋ kiŋit Ekapolon aŋuna kosi, anerae ikirikau iwon erwosit Nebukadinesar ŋolo a Babilon, acepaki epedori Ekapolon akitiya aumokinet aŋuna yok lopite ŋolo sek etiyaenenia, ido inak Nebukadinesar toboŋo aneni yok.”

Yer. 37:17

Abu nai erwosit Sedekia kiyakiya tonyaraunae Yeremia, ido abu iŋes kijau iŋes. Abu erwosit kiŋitiŋit Yeremia alokai keŋ anakimunono tema, “Eyai akirot adio aneni ke Ekapolon a?” Toboŋok Yeremia tema, “Eyai!” Tolimok erwosit iŋes tema, “Aŋun, ikiinakinio iyoŋ neni a erwosit a Babilon.”

Esek. 1:2

Ani erae ŋirwa ke elap ŋikan, (alokaru a ŋolo a ŋikan akisyakin apaki ŋina arikorere Yeoiakin erwosit anakwap keŋ,)

Esek. 20:2

Abu nai Ekapolon kirwor neni kaŋ tema,

Esek. 24:1

Alokaru a ŋolo a ŋikanikaomwon, elap ŋolo a ŋitomon, ŋirwa ke elap ŋitomon, abu Ekapolon kirwor neni kaŋ tema,

Esek. 26:1

Alokaru a ŋolo a ŋitomon ka epei, ŋirwa ke elap epei, abu Ekapolon kirwor neni kaŋ tema,

Esek. 29:1

Alokaru a ŋolo a ŋitomon, elap ŋolo a ŋitomon, ŋirwa ke elap ŋitomon ka ŋiarei, abu Ekapolon kirwor neni kaŋ tema,

Esek. 29:17

Alokaru a ŋolo a ŋatomoniarei ka ŋikanikaarei, elap ŋolo ke epei, ŋirwa ke elap epei, abu Ekapolon kirwor neni kaŋ tema,

Esek. 30:20

Alokaru a ŋolo a ŋitomon ka epei, elap ŋolo ka epei, ŋirwa ka elap ŋikanikaarei, abu Ekapolon kirwor neni kaŋ tema,

Esek. 31:1

Alokaru a ŋolo a ŋitomon ka epei, elap ŋolo a ŋiuni, ŋirwa ka elap epei, abu Ekapolon kirwor neni kaŋ tema,

Esek. 32:1

Alokaru a ŋolo a ŋitomon ka ŋiarei, elap ŋolo a ŋitomon ka ŋiarei, ŋirwa ka elap epei, abu Ekapolon kirwor neni kaŋ tema,

Esek. 40:1

Alokaru a ŋolo a ŋatomoniarei ka ŋikan eyakae isua nakwapin, torae apaki ŋin akisyakinet a ekaru a ŋol, ŋirwa a elap ŋitomon, toris ŋikaru ŋitomon ka ŋiomwon kelunyar ameun apaki ŋina enyasunere Yerusalem, abu apedor ŋina ke Ekapolon min neni kaŋ, okoyau ayoŋ neni sek ayai Akai ka Akuj.

Esek. 8:1

Ani edoli ekaru ŋolo a ŋikanikapei, elap ŋolo a ŋikanikapei, ŋirwa ke elap ŋikan, apaki ŋina eboiyo ayoŋ alokai kaŋ, kiboiyete ŋikasikou ŋulu a Yudaya alokiŋaren kaŋ, abu apedor ŋina ke Ekapolon Akuj bu neni kaŋ a nen.

Esek. 8:11

Awuasi alokiŋaren ŋitorubei ŋul ŋikasikou a Ŋisirael ŋatomonikanikaarei kaapei ka Yasania lokoku a Sapan. Ayakar nakan keŋ ŋinituŋanan isipirya ŋini icunyere ekinyate, topuruye apuru a ekinyate a ŋolo adakito ikes.

Mat. 22:16

Kiyakiyasi ŋikapolok a Ŋiparisayon ŋikasyomak kec ka ŋituŋa ŋice ŋulu ka atukot a ŋina ke Erode neni a Yesu, tolimokis iŋes temasi, “Eketataman, ikiyeni isua atemar irae iyoŋ ŋolo a kire ka itatami ŋakiro ŋuna a kire ŋuna ka Akuj, nyimisit iyoŋ ŋuna etamete ŋituŋa, anerae nyityakatyakat ŋituŋa.

Luk. 10:39

Ayai nakaato keŋ a Marita ŋina anyaritae Maria, ŋina abu kiboikin nakejen a Yesu akipup ŋakiro ŋuna etatami iŋes.

Luk. 2:46

Kedaunosi ŋirwa ŋiuni, apotu toryamut iŋes alotooma Akai ka Akuj iboiyete ka ŋiketatamak, epupi ŋuna erworosi ikes, nabo kiŋisenenee ikes ŋakiro.

Luk. 8:35

Toloto ŋituŋa aanyun ŋakiro ŋuna apotu kitiyakin. Potu neni a Yesu, toryamut ekile ŋolo etolomunere ŋipyan iboi a nakejen a Yesu, enapit ŋilowi, kejokyar akeekuwan; tokuryaketa ikes.

Ŋitic. 22:3

“Arae ayoŋ Eyudayat ŋolo ekedounitoe alo Taso anakwap a ŋina a Cilicia, nai eketopolounitoe a ne alo Yerusalem, arae ekasyoman ŋolo a Gamaliel. Abu iŋes eketatam ayoŋ ejok epite ŋolo itemokino ewuapitor Ŋikisila ŋulu atapapaa yok ka abu ayoŋ olelaki Akuj nooi ikwapei tokona ilelakinitotor iyes daadaŋ a ne.