Esek. 2:9 - Ebaibul

⁹ Abu nai ayoŋ oŋoleŋolek, eŋolik akan iopeunitoe neni kaŋ, ayai nakan ŋin ekitaabo ŋolo egiritae ŋakiro.

Esek. 2:9 Iomraidhean Croise

Yer. 1:9

Abu nai Ekapolon kiopeu akan keŋ totap akituk kaŋ, tosodi okolimok ayoŋ tema, “Tokona adau ayoŋ akiwuakin ŋakiro kaŋ nakituk kon.

Yer. 36:2

“Tolemu ekitaabo kigir ŋakiro daadaŋ ŋuna akalimok ayoŋ iyoŋ aremokino ŋituŋa a Isirael ka ŋituŋa a Yudaya ta ŋituŋa a ŋakwapin a daadaŋ, kigir ŋakiro ameun anakoloŋit a ŋina erworor ayoŋ neni kon ka ŋuna alorwa a ŋulu a Yosia tari nakoloŋit na.

Yer. 36:4

Tonyarau nai Yeremia Baruk lokoku a Neria, ido abu Baruk kigir lokitaabo ŋakiro ŋuna alimuni Yeremia, ŋakiro ke Ekapolon daadaŋ ŋuna abu iŋes tolimok Yeremia.

Esek. 3:1

Tema ŋini erworo neni kaŋ, “Okoe lokoku a ituŋanan, tonyam ibore ŋini ikiinakinitae iyoŋ; tonyam ekitaabo lo, ido tolot kisirwor Ŋisirael.

Esek. 8:3

Abu iŋes torwaa ibore ŋini ekwaan ka akan keŋ, kikamu ŋitim anakou kaŋ okoya ayoŋ. Abu etorube ŋolo a etau ka Akuj ŋol okoya ayoŋ kidiŋ nakuj ka akwap, ekaku abu okoya ayoŋ Yerusalem alotorubei a ŋulu ka Akuj. Ekewuak iŋes ayoŋ lopuke ŋolo iwasi alotooma alopuke a ŋolo alo Kuju elomaryo nalapatu ŋina ka Kai ka Akuj. Ayai nen etorube ŋolo ka akuj a ŋina etiyaunitae, etorube ŋolo etiilit Akuj nooi.

Dan. 10:10

Abu nai akan okotap ayoŋ, ido eketonyou ayoŋ alokwap, edoŋ ayoŋ nen alyat a ŋakan ka ŋakuŋin, omarani.

Dan. 5:5

Apaki ŋinapei amatatar erwosit ka ŋirukitos keŋ, totakanu atipei akan a ituŋanan, kisyak akigir nenidelet anarwatata a akai ka apukan, alodiyete awoet a etaa. Ete erwosit akan ŋin apaki ŋina egiria ŋakiro narwatata.

Sakar 5:1

Abu nabo ayoŋ eŋoliya kidiama, eŋolik ekitaabo ŋolo ayai kidiama lokuwuam.

Sakar 5:3

Tema nai iŋes neni kaŋ, “Erae ŋul ŋicen ŋulu epete akwap daadaŋ; anerae alotooma ŋakiro ŋuna igiritae epeiwae ekitaabo ŋol, ebasi ebe, ‘Emunyaryo ŋolo kokolan daadaŋ, ido ebasi ŋuna igiritae lowae ŋoloce, ituŋanan daadaŋ ŋini ikoŋi alyokonu emunyaryo.’

Ŋibur. 10:7

Abu nai ayoŋ otema, ‘Ee Akuj, ayoŋ lo, acamit akitiya ŋuna icamit iyoŋ, lopite ŋolo igiritere aŋuna kaŋ lokitaabo ŋolo a Ŋikisila.’ ”