Esek. 2:8 - Ebaibul

⁸ “Nai iyoŋ lokoku a ituŋanan, kiira ŋakiro ŋuna erworo ayoŋ neni kon, nyiŋer ŋakiro kaŋ ikwa ekal ŋolo a ŋeron ŋol. Toŋaam kimuj ibore ŋini akainakini ayoŋ iyoŋ.”

Esek. 2:8 Iomraidhean Croise

Ŋikiru. 105:28

Abu Akuj kiyaku akirwonut, kirwoniar akwap a Ijipit cuc, nai apotu Ŋijipitian toŋero ŋakiro ka Akuj.

Isa. 50:5

Aŋaa Ekapolon Akuj ŋaki kaŋ ka abu ayoŋ nyaruwor ekaŋeron ŋakiro keŋ, abu ayoŋ nyaboŋo aneni keŋ.

Isa. 8:11

Abu Ekapolon kirwor neni kaŋ anapedor keŋ a ŋina agogoŋon akalimokinit ayoŋ atemar nyemaikina ayoŋ ewuap ŋakiro a ŋituŋa, abu iŋes tema,

Yer. 13:2

Aŋun, abu ayoŋ ogyel elou ŋolo amilimilan, lopite ŋolo akalimokinitor Ekapolon ayoŋ, ido anap anacir.

Yer. 15:16

Ibu iyoŋ kirwor ka abu ayoŋ opupok ŋakiro kon, apotu ŋakiro kon okoinakis ayoŋ alelyanu ka apotu toruwor ŋuna etalakarito etau kaŋ; anerae akanyaritae ayoŋ a ekiro kon, okoe Ekapolon Akuj ŋina a ŋajoresyo.

Esek. 12:2

“Lokoku a ituŋanan, iboiyete iyoŋ ka ŋituŋa ŋulu akaŋerito ayoŋ. Eyakatar ikes ŋakonyen akiŋolikinia, nai nyiteete, eyakatar ikes ŋaki akiirarya, nai nyepupete, anerae erae ikes ŋituŋa ŋulu nyiwuapio ŋuna abala ayoŋ.

Esek. 12:7

Aŋun, abu ayoŋ etiya ŋun lopite ŋolo ekecikitere. Abu ayoŋ oyau kiŋa ŋiboro kaŋ naparan eenen itemokino aŋuna ka arotokin. Ani edoli eboŋ, abu ayoŋ opedok a ŋakan kaŋ eole narwatata, olomarya ŋiboro kaŋ kiŋa nakiryonut anapit aloseketa kaŋ iteete ikes.

Esek. 3:10

Tema ŋini erworo neni kaŋ, “Lokoku a ituŋanan, topupok mono iyoŋ icoikinit nooi ka kiwuak lotau kon ŋakiro daadaŋ ŋuna erwori ayoŋ neni kon.

Esek. 33:7

“Aŋun, iyoŋ lokoku a ituŋanan, eketuruwo ayoŋ iyoŋ eketen Ŋisirael; apaki daadaŋ ŋina iirarya iyoŋ ŋakiro aneni kaŋ, emaikina iyoŋ tolimok Ŋisirael ŋuna abala ayoŋ ikes tocoikis.

Esek. 40:4

Abu ekile ŋol tema neni kaŋ, “Lokoku a ituŋanan, kiŋolik ejok ediyediye ka topupok ejok nooi, yau ŋatameta kon neni a ibore a daadaŋ a ŋini alosi ayoŋ akitoodikin iyoŋ, anerae aponi iyoŋ ikiyaun ne, ikotere eketoodikini ayoŋ iyoŋ ibore daadaŋ. Emaikina iyoŋ tolimok Ŋisirael ibore daadaŋ ŋini iŋolikini iyoŋ a ne.”

Ŋilep. 10:3

Tema nai Moses neni ka Aron, “Arae ŋakiro ŋun ŋuna esileereunit Ekapolon ŋinibore abaakar ebe, ‘Itoodiun asegis kaŋ aneni, a ŋulu eketopoloorito ayoŋ ka eketopoloorete ayoŋ ŋituŋa daadaŋ.’”

Yona 1:3

Nai abu Yona tonyou tolot Tarisis erae ŋolo eŋerit ŋuna abala Ekapolon. Aŋun, abu totiyaiyar Yopa, toryamu ameeli ŋina alosi Tarisis, totac ŋisiliŋa ŋuludoket, toloma tooma keŋ, ikotere erukorete Tarisis ka ŋituŋa ŋulu alosete inaa, anerae aŋerit iŋes akiwuap acamit ke Ekapolon.

Ekim. 20:24

“Emaikina Aron totwana ikwapei atapapaa keŋ, anerae nyelomari iŋes nakwap ŋina ainak ayoŋ Ŋisirael aŋuna iponiata iyes toŋero ŋuna alimuni ayoŋ aŋuna a ŋakipi a Meriba.

1 Pet. 5:3

Nyipukato ka agogoŋu ŋituŋa ŋulu ikiinakinitae iyes, nai toruworos akitaanyikinet neni a ŋamesekin a daadaŋ.

Akis. 10:9

Abu ayoŋ olot neni ke emalaika, eŋit iŋes ainakin ayoŋ ekitaabo ŋol. Abu iŋes okolimok ayoŋ tema, “Tolema tonyam; edwariar anakook kon, nai eboboor anakituk kon ikwa akimyet ŋina ka ao.”