Esek. 2:6 - Ebaibul

⁶ Nai iyoŋ lokoku a ituŋanan, nyikuryaniar aŋuna kec, kori nyiker ŋakiro kec tari kiyai iyoŋ nakitukuruworeta ka kepipil ŋakiro kec ikwa ŋikukwa, kori kiboi iyoŋ alokidiŋ ŋituŋa ŋulu ikote ŋitwania. Nai nyikuryaniar aŋuna a ŋakiro kec ka nyikitubulo ikes iyoŋ iŋolikini, anerae erae ikes ekal ŋolo aŋeron.

Esek. 2:6 Iomraidhean Croise

2 Ŋirw. 1:15

Tolimok nai emalaika ŋolo ke Ekapolon Eliya tema, “Torukosi ka iŋes; nyikurianiar aŋuna keŋ.” Tonyou nai Eliya torukosi ka ekarikon a ŋasigarya ŋol neni a erwosit Aasia,

Isa. 51:12

Arae ayoŋ ŋolo ekesirworiuni iyes; kaanukiro nai ikuryanitotor iyes aŋuna a ŋituŋa a ŋulu epedorete atwakare, a ŋituŋa a ŋulu eŋopiyarete lopite ŋolo eŋopiyareta ŋinya?

Isa. 51:7

Topupokisi ŋakiro kaŋ iyes ŋulu eyenete ŋuna ka akiyookino, iyes ŋituŋa ŋulu iwuakinito akitatam kaŋ lotai kus nyikuryaketa aŋuna ŋituŋa a ŋulu ikiyanyete iyes, nyikikadak iyes apaki ŋina ikiyanyata ikes iyes,

Isa. 9:18

arirae aronis a ŋituŋa a ŋul ekwaan ka akim ŋina enomi amoni a ŋikukwa. Arirae aronis kec esibit akim ŋina enomi amoni ŋina irijija, akim ŋina eremi kidiama kikok apuru keŋ edou.

Yer. 1:17

Nai toten iyoŋ Yeremia, towo, tolimok ikes ŋakiro daadaŋ ŋuna ekeciki ayoŋ iyoŋ. Nyikuryaniar alokiŋaren kec, kikuryaniar iyoŋ, akainakini ayoŋ iyoŋ akuryanu alokiŋaren kec.

Yer. 1:8

Nyikuryaniar aŋuna kec, anerae ikirukit ayoŋ ka iyoŋ aŋuna ka aiun iyoŋ.”

Yer. 18:18

Apotu nai ikes temasi, “Potu, oyeutu ŋarurumae emana Yeremia, anerae nyedaunun ŋakitatameta aneni a esacaradoti, kori ŋakiro ŋuna ajokak aneni a ŋikaosok, kori akirot aneni a ekadwaran. Potu esitakisi iŋes a ŋakiro a ŋadi, nyikiwuap ŋakiro keŋ ŋadi daŋ.”

Yer. 6:28

Erae ikes daadaŋ ŋituŋa ŋulu isyaaka ka eŋeroko, erukito ikes ka ŋikeyanyak, egogoŋ ŋakyes kec ikwaan ka eburonis ka asuwat, itiyaete ikes daadaŋ ka atuna.

Esek. 24:3

Tolimok ŋituŋa a Yerusalem ŋulu erae ŋikaŋerok akitadapet na ebe, ‘Alimu Ekapolon Akuj atemar, kidorokisi amot ŋina kipoet; kidorokisi iŋes nakim, ido kiwuakis ŋakipi tooma keŋ;

Esek. 28:24

“‘Nyeryamunete nabo Ŋisirael ŋikidunyet ŋulu enyasak ŋulu a ŋiman, ŋulu ikwaan ka ibore ŋinikwaam ŋini epipil ikimeme, kori ŋulu ikwaan ka ŋikukwa ŋulu eitaaka. Eyenunete ikes apaki ŋin atemar arae ayoŋ Ekapolon Akuj.’”

Mika 3:8

Nai, ani eruwor ayoŋ, ekelelebikinitae apedor, ekelelebikinitae etau ŋolo ke Ekapolon, ekelelebikinitae akiyookino ka agogoŋu, ikotere olimokinia ŋituŋa a Yakob ŋadyakanareta kec, olimokinia ŋituŋa a Isirael asecit kec.

Mika 7:4

Ekwaanikin ŋulu ajokak aneni kec ka amoni ŋina erae ŋikukwa bon, arokyeta nooi ŋulu iyookino akilo neni eitana alokukwae. Adolu akoloŋit ŋina isicania Akuj ŋituŋa ŋul, lopite ŋolo alimokinitotor ŋikadwarak kec ikes. Adolu tokona neni kec akigurokin.

Mat. 10:28

Nyikera ŋulu earete akuwan, nai nyepedorito akiar etau; nai tokera ŋolo epedori akiar akuwan ka etau, tocakak tooma nakim ŋina nyeduŋe.

Luk. 10:19

Topupokisi! Akainak ayoŋ iyes apedor daadaŋ ŋina reunet ŋimuno ka ŋitwania ta areun apedor daadaŋ ŋina a ŋolo Aronon; emam ibore ŋini ikiwani iyes.

Luk. 11:12

Kori ani iŋita abeeye, inak iŋes ekiitwan a?

Luk. 12:4

“Ŋikaakonei, akalimokini ayoŋ iyes atemar, nyikerito ŋulu earete akuwan bon, nai tomam ibore ŋini aronon ice ŋini epedorete ikes akitiyakin ekaku.

Ŋitic. 4:13

Toumok Atukot iŋolikini atitinyu a Petero ka Yoana, a ŋulu tari pa asyomito ka torae ŋikoŋinae ka toyenut daŋ atemar arae ikes ŋirukitos a Yesu.

Ŋitic. 4:19

Nai toboŋokis Petero ka Yoana temasi, “Totubutu iyes ŋilopeyek ŋuna iyookino alokiŋaren Akuj--akiwuap ŋakiro kus kori ŋuna ka Akuj.

Ŋitic. 4:29

Tokona Ekapolon, kiŋolik epite ŋolo ikitukuryaniata ikes isua. Kitepedoroe isua ŋiketiyak kon akirwor ŋakiro kon ka atitinyu a daadaŋ.

Ŋiep. 6:19

Kilipanakinetei ayoŋ daŋ, ikotere okoinak Akuj akirot ŋina iyookino ayoŋ erwor; ikotere nai erwor emam akuryanu, ido etaanyu ŋituŋa akimunono ŋina a Ŋakiro a ŋuna Ajokak.

Ŋipil. 1:28

Nyikera ŋiketepegak kus! Toyakatar jik atitinyu, ido itoodiunete ŋun neni kec atemar inyasuni Akuj ikes, nai iiunosi iyes.

2 Tim. 1:7

Anerae pa abu Akuj ikiinak iwon Etau ŋolo ka akuryanu, nai abu ikiinak Etau ŋolo ka apedor ka amina ta akiyapara.

Ŋibur. 11:27

Anupit iŋes arotokinio Moses alo Ijipit pa ekuryana atemar eŋoi erwosit a Ijipit. Torubak iŋes etitinyikinit esibit etakani aneni keŋ Akuj ŋina nyetakani.

1 Pet. 3:14

Nai ani tari kiryamut iyes ŋican aŋuna itiyaata ŋuna iyookino, ikiterereŋitoe iyes nooi! Nyikera idiotuŋanan ka nyiyaloloŋo.

Akis. 9:10

Eyakatar ikes ŋiladoi ŋulu pesyet ŋulu ikwaan ka ŋulu a ŋikiitwania, loladoi kec iŋes eyai agogoŋu ŋina wanet ŋituŋa ŋilapyo ŋikan.