Esek. 2:5 - Ebaibul

⁵ “Ŋakiro ŋuna irworo Ekapolon Akuj ikes nu, ‘Kecamito ikes akiirar ŋakiro ŋuna irworo iyoŋ, kori pa kecamito (anerae erae ikes ekal ŋolo aŋeron), eyenunete atemar arukito ikes ka ekadwaran.’

Esek. 2:5 Iomraidhean Croise

2 Ŋirw. 5:8

Nai, ani iirari ekadwaran Elisa atemar acilicili erwosit ŋilowi, kiyakiya akirot lorwosit tema, “Kaanukiro iciliciliya iyoŋ ŋilowi kon? Kimyek Naaman bu neni kaŋ, ikotere eyenuni atemar eyai ekadwaran Isirael.”

Yer. 36:21

Abu nai erwosit kiyakiya Yeudi ayaun ekitaabo, tolemu Yeudi ekitaabo anagule a Elisama a ekegirigiran, tosodi Yeudi tosyomak ekitaabo neni ka erwosit ka neni a ŋikapolok a daadaŋ a ŋulu awuasi alodiyete erwosit.

Yer. 42:19

Okoe ŋipiya a ŋituŋa a Yudaya, ikilimok iyes Ekapolon atemar nyilot Ijipit. Toyenete atemar akalimok ayoŋ iyes ŋakiro ŋun nakoloŋit na,

Esek. 12:9

“Lokoku a ituŋanan pa mono apotu Ŋisirael, ŋituŋa ŋulu nyiwuapito ŋuna abala ayoŋ ikiŋita iyoŋ ebe, ‘Nyo itiyae iyoŋ a?’

Esek. 17:12

“Kiŋit ŋituŋa ŋulu akaŋerito ayoŋ lu ŋakiro nu ebe, ‘Nyiyenete iyes apolou atediet a ŋin ka akitadapet ŋin a?’ Tolimok ikes ebe, ‘Abu erwosit a Babilon bu Yerusalem, ya erwosit alo Yerusalem ka ŋulu epukatotor erwosit, toriko ikes torukosi ka iŋes Babilon.

Esek. 2:7

Emaikina iyoŋ kirwor ŋakiro kaŋ neni kec, kecamito akiirar, kori pa kecamito akiirar; anerae erae ikes ekal ŋolo aŋeron.

Esek. 24:3

Tolimok ŋituŋa a Yerusalem ŋulu erae ŋikaŋerok akitadapet na ebe, ‘Alimu Ekapolon Akuj atemar, kidorokisi amot ŋina kipoet; kidorokisi iŋes nakim, ido kiwuakis ŋakipi tooma keŋ;

Esek. 3:19

Nai ani kilimok iyoŋ ŋituŋa ŋulu aronok aesikin aronis kec, ido toŋero aesikin aronis kec, kori kitiyata ŋuna aronok, etwakete ŋituŋa ŋul aŋuna ka asecit kec; nai iuni iyoŋ akiyar kon.

Esek. 3:26

Emiidikini ayoŋ aŋajep kon nakituk kon alokidiama, ikotere iyoŋ ililiŋi todaun alimokinet ikes acoikin ŋuna aronok ŋuna itiyaete, anerae erae ikes ekal ŋolo aŋeron.

Esek. 3:27

Nai ani ekesirworikini ayoŋ iyoŋ, alacakini ayoŋ aŋajep kon, ikotere iyoŋ tolimok ikes atemar ŋakiro ŋuna irworo Ekapolon Akuj ikes nu ebe, ‘Kimyekisi ŋulu iirarete kiirasi ka kimyekisi ŋulu eŋerete akiirar toŋero akiirar, anerae erae ikes ekal ŋolo aŋeron.’ ”

Esek. 33:33

Ani apaki ŋina iyookinotor ŋakiro daadaŋ ŋuna irworo iyoŋ, ido kire jik iyookinosi ŋun, eyenunete nai ŋituŋa kon atemar ayai neni kec ekadwaran.”

Esek. 33:9

Nai ani kilimok iyoŋ ŋituŋa ŋulu aronok aesikin akiwuapit aronis kec, ido toŋero aesikin akiwuapit aronis kec, etwakete ŋituŋa ŋulu aronok ŋul aŋuna ka asecit kec; nai iuni iyoŋ akiyar kon.”

Esek. 44:6

Tolimok Ŋisirael, ŋituŋa ŋulu erae ŋikaŋerok ŋul atemar, alimu Ekapolon Akuj ŋakiro nu ebe, ‘Okoe Ŋisirael! Tojoŋoto akitiya ŋakiro daadaŋ ŋuna ka asiilyo a ŋina itiyaete iyes.

Yoa. 15:22

Kerae nyabunit ayoŋ, esirwor ikes, kemam ikes asecit; nai tokona emam epite ŋolo etemaryata ikes, ‘Nyikisecit.’

Ŋitic. 13:46

Kirworo nai Paulo ka Baranaba neni kec pa ekuryanito temasi, “Arae neni kus mono etemokino akirot ŋina ka Akuj tolimonokinae. Nai ikwapei iŋeryoto iyes ŋakiro nu ka itamete atemar nyemaikina iyes aryamun akiyar ŋina nyedaun, tokona elosyo isua lotuŋa ŋulu nyerae Ŋiyudayan.

Ŋirom. 3:3

Nai nyiwuapa ŋituŋa ŋice ŋakiro ŋuna ka Akuj. Iŋes mono atemar nyerubakini Akuj daŋ iricit ŋakiikineta keŋ a?