Esek. 2:3 - Ebaibul

³ ebala, “Lokoku a ituŋanan, ekeyakiyari ayoŋ iyoŋ neni a Ŋisirael, lotuŋa ŋulu aruwor ŋikaŋerok, ŋulu akaŋero ayoŋ; ŋinapei akitodol tokona, lopite ŋolo aponiata atapapaa kec okoŋeryoto ayoŋ.

Esek. 2:3 Iomraidhean Croise

2 Ŋirw. 17:14

Nai apotu nyiirasi, towout icasito lopite ŋolopei ecasitotor atapapaa kec akiirar. Apotu atapapaa kec towout akinup ŋakiro ŋuna ke Ekapolon Akuj kec.

2 Ŋirw. 17:15

Apotu tojamuwasi ŋikisila a Ekapolon ka acamunet ŋina acamunotor iŋes ka atapapaa kec ta ŋakiyayanakineta ŋuna aris kisiirar ikes. Kiwuapa ikes ŋakujo ŋuna koŋinae toruworos ikes ŋikoŋinae. Kiwuapa ikes ŋipitesyo a ŋituŋa a ŋulu ebakito ka ikes, a ŋulu aris Ekapolon Akuj kicik ikes nyiwuap ŋipitesyo kec.

Esir 9:7

Ameun alorwa atapapaa kosi tari tokona, ikiya isua jik lokaile ŋolo apolon nooi aŋuna a ŋasecisya kosi, aponi ikipotokin isua ka ŋirwosi kosi ka ŋisacaradotin kosi napedor a ŋirwosi a ŋakwapin, ikotere ikiaryo a ekileŋ, ikirikoryo ikirae ŋirikon, ikidemaryo ŋiboro ka ikiteryamunio ŋileec ŋulu apolok nooi, lopite ŋolo eyakatar ŋakiro tokona.

Neem. 9:26

“Kikote neni daŋ, apotu ikes nyiwuapa ŋakiro kon ka apotu itoŋero iyoŋ tojamuwasi ŋikisila kon ka toara ŋikadwarak kon ŋulu apotu tolimokis ikes akimyekin ŋuna aronok ŋuna etiyaete ikes ikotere eboŋunete neni kon, apotu daŋ ikes ikiyanya iyoŋ nooi.

Ŋikiru. 106:28

Ani apaki ŋina ayakatar ikes Peor apotu kilipa neni a Baal, kimuja kaapei ka ŋituŋa a Peor ŋamuronisya ŋuna ainakinitae neni a ŋakujo;

Isa. 30:1

Irworo Ekapolon ebala, “Okoe iyes ŋidwe ŋulu aŋerok, ŋulu eyeete ŋakiro, nai meere ŋuna kaŋ, iyes ŋulu icamununosi, nai anakimanit ŋuna acamit ayoŋ;

Yer. 1:7

Nai abu Ekapolon okolimok ayoŋ tema, “Nyitema, ‘Eriŋa ayoŋ arae idya;’ anerae ilosi iyoŋ neni a daadaŋ a ŋulu ekeyakiyari ayoŋ iyoŋ, ido ibuni iyoŋ akirwor ŋakiro daadaŋ ŋuna akalimokini ayoŋ iyoŋ.

Yer. 3:25

Emaikina iwon opero alokwap ka ŋileec yok, emaikina ikirapuwasi iwon ŋileec ŋulu nyitopolooritere iwon Ekapolon, anerae ikisec iwon aneni a Ekapolon Akuj yok, iwon kaapei ka atapapaa yok; ameun anasoroko yok tari nakoloŋit na, ido nyiwuapa iwon ŋuna irworo Ekapolon Akuj yok.”

Yer. 36:2

“Tolemu ekitaabo kigir ŋakiro daadaŋ ŋuna akalimok ayoŋ iyoŋ aremokino ŋituŋa a Isirael ka ŋituŋa a Yudaya ta ŋituŋa a ŋakwapin a daadaŋ, kigir ŋakiro ameun anakoloŋit a ŋina erworor ayoŋ neni kon ka ŋuna alorwa a ŋulu a Yosia tari nakoloŋit na.

Yer. 44:20

Tolimok nai Yeremia ŋituŋa daadaŋ ŋikilyok ka ŋaberu, ŋulu aboŋonokinete ŋakiro keŋ tema,

Yer. 44:21

“Ani eruwor ŋainakineta ŋuna ipotu iyes inanakis alotaunio a Yudaya ka alorotin a Yerusalem, iyes kaapei ka atapapaa kus, ŋirwosi kus, ŋikapolok kus ka ŋituŋa ŋulu anakwap kus, pa mono abu Ekapolon totamu ŋainakineta ŋun a? Pa apotu ŋainakineta ŋun potu natameta keŋ a?

Yer. 7:2

“Towo alopuke a ŋolo ka Akai ke Ekapolon, kiserau a nen ŋakiro nu tema, ‘Kiirasi ŋakiro a Ekapolon iyes ŋituŋa a Yudaya, iyes ŋulu ilomanarete alopuke alo akilip neni ke Ekapolon.’

Esek. 17:12

“Kiŋit ŋituŋa ŋulu akaŋerito ayoŋ lu ŋakiro nu ebe, ‘Nyiyenete iyes apolou atediet a ŋin ka akitadapet ŋin a?’ Tolimok ikes ebe, ‘Abu erwosit a Babilon bu Yerusalem, ya erwosit alo Yerusalem ka ŋulu epukatotor erwosit, toriko ikes torukosi ka iŋes Babilon.

Esek. 24:3

Tolimok ŋituŋa a Yerusalem ŋulu erae ŋikaŋerok akitadapet na ebe, ‘Alimu Ekapolon Akuj atemar, kidorokisi amot ŋina kipoet; kidorokisi iŋes nakim, ido kiwuakis ŋakipi tooma keŋ;

Esek. 40:4

Abu ekile ŋol tema neni kaŋ, “Lokoku a ituŋanan, kiŋolik ejok ediyediye ka topupok ejok nooi, yau ŋatameta kon neni a ibore a daadaŋ a ŋini alosi ayoŋ akitoodikin iyoŋ, anerae aponi iyoŋ ikiyaun ne, ikotere eketoodikini ayoŋ iyoŋ ibore daadaŋ. Emaikina iyoŋ tolimok Ŋisirael ibore daadaŋ ŋini iŋolikini iyoŋ a ne.”

Amos 7:15

ido abu Ekapolon okonyara ayoŋ anakiyok ŋakinei, okolimok ayoŋ tema, ‘Tolot todwar neni a ŋituŋa kaŋ a Ŋisirael.’

Mal. 3:7

Akisyakin ŋinapei koloŋ alorwa atapapaa kus, iŋero iyes ŋikisila kaŋ nyiwuapito ikes. Toboŋutu neni kaŋ, ido aboŋuni ayoŋ neni kus. Nai iŋitasi iyes ibasi, ‘Alipite ikiboŋunio isua?’ ”

Ekim. 20:10

Tonyaraut Moses ka Aron ŋituŋa iwapei diyete ataaba, tolimok Moses ikes tema, “Kiirasi iyes ŋikaŋerok, ikiinakinio isua iyes ŋakipi anataaba a na a?”

Ŋitic. 7:51

“Eninik ŋatameta kus nooi! Ikote ŋitai kus ŋulu a ŋituŋa a ŋulu nyenupito Akuj! Nyicamunete iyes akiirar ŋakiro ŋuna ka Akuj! Ikote iyes atapapaa kus, itepegete iyes jwi jwi Etau ŋolo Asegan!

Ŋirom. 10:15

Ikokinio iserao ŋakiro ŋuna ka Akuj ai, erae pa kiyakiyar ŋikiyakia? Ikwaŋinapei ebaakatar Ŋakigireta ebe, “Ejok nooi abunore ŋina a ŋulu eyaunete Ŋakiro ŋuna Ajokak.”

Ŋikis. 9:24

Iŋereneneete iyes Ekapolon ŋinapei koloŋ akayenunia ayoŋ iyes.

Ŋikis. 9:27

Totamu ŋiketiyak kon Aburaam, Isaka ka Yakob, nyimitak agogoŋu a ŋakyes a ŋituŋa a lu, nyimitak aronis kec ka asecit kec,