Esek. 2:1 - Ebaibul

¹ Tema, “Okoe, lokoku a ituŋanan, tonyou towo, ikotere okolimok iyoŋ ŋakiro.”

Esek. 2:1 Iomraidhean Croise

Ŋikiru. 8:4

ataŋae mono ŋituŋa itamunit iyoŋ ŋakiro kec? Nyo imisitor iyoŋ ŋakiro a ŋituŋa? Nyo imisitor iyoŋ ŋituŋa ŋulu erae ŋikoŋinae ŋulu etwakete?

Esek. 1:28

Ekoni akica ŋin ileere neni ileereo alokakinet apaki ŋina eyakar akiru tocai akoloŋ. Ayai etorube ŋol kidiŋ akica ŋin. Arae ŋol etakane ŋolo ka apolou a ŋina ke Ekapolon. Ani eŋolikini ayoŋ akica ŋin, abu omin kwap, oper obuburiyar, eiira etoil a ice irworo neni kaŋ.

Esek. 12:3

Aŋun, lokoku a ituŋanan, kitemonok ŋiboro kon ikwapei ituŋanan ŋini ikiritaritae iwace, ido emaikina torotok eriŋa akoloŋ nyedoiyoro ka ikiteete iyoŋ ŋituŋa. Emaikina iyoŋ torotok anakibois kon tolot nakibois ace ikoni ituŋanan ŋini iritaritae anakibois keŋ. Acepaki eyenunete ikes ŋuna ikitorotokis iyoŋ tari daŋ kerae ikes ŋituŋa ŋulu nyiwuapito ŋuna abala ayoŋ.

Esek. 13:2

“Lokoku a ituŋanan, todwar itoroniyarit ŋikadwarak a Isirael ŋulu tokona edwarete. Tolimok ŋikadwarak ŋulu edwarete ŋuna etamununeete ikes ŋikulepek ebe, ‘Kiirasi akirot ŋina a Ekapolon,’

Esek. 14:13

“Lokoku a ituŋanan, ani keseca ŋituŋa a akwap alotooma amamukau anupit neni kaŋ, ido esican ayoŋ akwap ŋin, alemari ayoŋ akimuj oinak ikes eron tomunya ŋituŋa ka ŋibaren keŋ;

Esek. 14:3

“Lokoku a ituŋanan, adaut ŋikilyok lu akiwuakin ŋitai kec neni a ŋakujo ka imyekinito ŋakujo erikorete ikes nasecit. Etamete mono ikes atemar aboŋokini ayoŋ ŋuna iŋikitasi ikes a?

Esek. 15:2

“Lokoku a ituŋanan, alipite ejokia akitoe a epiini akilo ateni a epiini ŋina eyai lokito daadaŋ ŋulu ka amoni?

Esek. 16:2

“Lokoku a ituŋanan, tolimok ŋituŋa a Yerusalem ŋakiro ŋuna ka asiilyo ŋuna itiyato ikes.

Esek. 17:2

“Lokoku a ituŋanan, tolimu ibore ŋini emaikina totedoroe, ido tolimok Ŋisirael akitadapet.

Esek. 2:3

ebala, “Lokoku a ituŋanan, ekeyakiyari ayoŋ iyoŋ neni a Ŋisirael, lotuŋa ŋulu aruwor ŋikaŋerok, ŋulu akaŋero ayoŋ; ŋinapei akitodol tokona, lopite ŋolo aponiata atapapaa kec okoŋeryoto ayoŋ.

Esek. 2:6

Nai iyoŋ lokoku a ituŋanan, nyikuryaniar aŋuna kec, kori nyiker ŋakiro kec tari kiyai iyoŋ nakitukuruworeta ka kepipil ŋakiro kec ikwa ŋikukwa, kori kiboi iyoŋ alokidiŋ ŋituŋa ŋulu ikote ŋitwania. Nai nyikuryaniar aŋuna a ŋakiro kec ka nyikitubulo ikes iyoŋ iŋolikini, anerae erae ikes ekal ŋolo aŋeron.

Esek. 2:8

“Nai iyoŋ lokoku a ituŋanan, kiira ŋakiro ŋuna erworo ayoŋ neni kon, nyiŋer ŋakiro kaŋ ikwa ekal ŋolo a ŋeron ŋol. Toŋaam kimuj ibore ŋini akainakini ayoŋ iyoŋ.”

Esek. 20:3

“Lokoku a ituŋanan, kisirwor ŋikasikou a Ŋisirael, tolimok ebe, ‘Iŋita Ekapolon Akuj ŋakiro nu atemar, kaanukiro eponitere iyes? Akiŋita ŋakiro ŋadi aneni kaŋ a? Ikwaŋinapei kire jik ayarya ayoŋ, nyakacamakini ayoŋ iyes ikiŋita ayoŋ ŋakiro ŋadi.’

Esek. 3:1

Tema ŋini erworo neni kaŋ, “Okoe lokoku a ituŋanan, tonyam ibore ŋini ikiinakinitae iyoŋ; tonyam ekitaabo lo, ido tolot kisirwor Ŋisirael.

Esek. 3:10

Tema ŋini erworo neni kaŋ, “Lokoku a ituŋanan, topupok mono iyoŋ icoikinit nooi ka kiwuak lotau kon ŋakiro daadaŋ ŋuna erwori ayoŋ neni kon.

Esek. 3:17

“Lokoku a ituŋanan, eketuruwo ayoŋ iyoŋ ekeyokon Ŋisirael, apaki daadaŋ ŋina iirarya iyoŋ ŋakiro aneni kaŋ, emaikina iyoŋ tolimok ikes ŋuna abala ayoŋ tocoikisi.

Esek. 3:4

Tema ŋini erworo neni kaŋ, “Lokoku a ituŋanan ape tokona neni a Ŋisirael kirwor ŋakiro kaŋ pei neni kec.

Esek. 37:3

Ekeŋit etau a Ekapolon ayoŋ tema, “Lokoku a ituŋanan, epedorete mono ŋakoyo nu ayarun a?” Abu ayoŋ oboŋok otema, “Okoe Ekapolon Akuj, iyoŋ iyeni.”

Esek. 4:1

Tema Akuj neni kaŋ, “Lokoku a Ituŋanan, tolemu amatapal, kiwuak kiŋaren kon toramak kidiama keŋ etorube ŋolo ke etaun a Yerusalem.

Esek. 40:4

Abu ekile ŋol tema neni kaŋ, “Lokoku a ituŋanan, kiŋolik ejok ediyediye ka topupok ejok nooi, yau ŋatameta kon neni a ibore a daadaŋ a ŋini alosi ayoŋ akitoodikin iyoŋ, anerae aponi iyoŋ ikiyaun ne, ikotere eketoodikini ayoŋ iyoŋ ibore daadaŋ. Emaikina iyoŋ tolimok Ŋisirael ibore daadaŋ ŋini iŋolikini iyoŋ a ne.”

Esek. 43:18

Tema nai ekile ŋol neni kaŋ, “Lokoku a ituŋanan, alimu Ekapolon Akuj atemar erae lu ŋikisila ŋulu a namuroet: Ani irikakinio akiduk namuroet, emaikina iyoŋ kitaleu iŋes a ŋainakineta a ŋuna epeyo alokidiama keŋ ka towuatak kidiama keŋ ŋaokot a ŋainakineta a ŋun.

Esek. 5:1

Tema Ekapolon neni kaŋ, “Iyoŋ lokoku a ituŋanan, tolemu ekileŋ ŋolo akwanan kisitiya ikwa eombe, tobanyunia akou kon ka epenek kon. Ani irikakini, tolemu ŋakipimet, kipim ŋitim kon eriyan.

Esek. 7:2

“Iyoŋ, lokoku a ituŋanan, ŋakiro ŋuna irworo Ekapolon Akuj aŋuna ka akwap a Ŋisirael ikes nu, ‘Adaun apaki! Adolu apaki ŋina ikisicanere iyes alowaetin a ŋuluomwon a akwap kus a daadaŋ.

Dan. 10:11

Kirworik nai emalaika neni kaŋ tema, “Okoe Daniel irae iyoŋ ituŋanan ŋini ikimina Akuj nooi, topupok ejok ŋakiro ŋuna alosi ayoŋ alimokin iyoŋ. Towo, anerae ekeyakuunitae ayoŋ neni kon.” Ani eriŋa emalaika irworo neni kaŋ, abu ayoŋ onyou owo amarani.

Dan. 10:19

Tema iŋes neni kaŋ, “Nyikuryaniar, irae iyoŋ ituŋanan ŋini ikimina Akuj nooi, mam ŋace etakanunete neni kon. Togogoŋior ka totitinyor!” Ani irworikini iŋes neni kaŋ, abu ayoŋ ogogoŋior otema, “Kirworik Ekapolon kaŋ, anerae ikitogogoŋ iyoŋ ayoŋ.”

Dan. 8:17

Aŋun, abu Gabriel toapu neni awoya ayoŋ, ani ebuni iŋes, abu okobul ayoŋ nooi, oper ka akook alokwap. Nai abu iŋes tema neni kaŋ, “Okoe lokoku a ituŋanan, toyenu atemar erae akisileerekinet ŋin ŋina a ŋakiro a ŋuna ka asalunet a akwap.”

Mat. 17:7

Nai bu Yesu totap ikes tema, “Tonyoutu, nyikibul!”

Yoa. 3:13

Emam ituŋanan ipei daŋ adol nakuj, mati Lokoku a Ituŋanan bon ŋolo ebunit anakuj.”

Yoa. 3:16

Kire, abu Akuj tomina akwap nooi, tojal tari Lokoku keŋ ŋolo donupei, ikotere ŋini enupi iŋes nyebukori, nai toryamu akiyar ŋina nyedaun.

Ŋitic. 26:16

Nai tonyou, towo. Anerae atakanu ayoŋ neni kon, akaseuni iyoŋ aruwor eketiyan kaŋ, akiteyenikin ŋituŋa ŋakiro ŋuna iŋolik iyoŋ nakoloŋit na ka ŋuna akalimokini ayoŋ iyoŋ moi alokiŋaren.

Ŋitic. 9:6

Nai tokona, tonyou toloma lotaun itolimokin ŋuna itemokino iyoŋ kitiya.”