Esek. 19:14 - Ebaibul

¹⁴ Amyaa akim ŋinapei anatorom keŋ, anomiya ŋaten keŋ ka ŋaraito keŋ. Emam nabo atorom keŋ ŋina agogoŋon ŋin neni idoŋit, neni emaikina tolemunae ebela a erwosit. “Erae lo eete ŋolo ka aumonokin ka emaikina kisitiyae erae eete ŋolo ka aumonokin.”

Esek. 19:14 Iomraidhean Croise

Akisy. 49:10

Mam ŋini elemari apukan aneni a Yuda, ipukaete ŋiletok keŋ jik, elemianakinete iŋes ŋituŋa a ŋakwapin ocur, ka itopoloorete ŋituŋa a ŋakwapin iŋes.

2 Ŋirw. 24:20

Kire, apotu ŋituŋa a Yerusalem ka ŋituŋa a Yudaya kitoŋoa nooi Ekapolon, a ŋun, abu Ekapolon toŋer ikes alokiŋaren keŋ. Abu Sedekia toŋer akiwuap ŋakiro ŋuna a erwosit a Babilon.

2 Ŋakiro a ŋirwa 36:13

Abu daŋ Sedekia toŋer Nebukadinesar ŋolo sek abu kisikoŋ alokiro ka Akuj atemar iwuapi ŋakiro a Nabukadinesar; abu iŋes kitogogoŋ akou keŋ ka kitininik ŋatameta keŋ towou akiwuap ŋuna a Ekapolon Akuj a Ŋisirael.

Neem. 9:37

Ŋirwosi ŋulu iwuak iyoŋ akipuka isua aŋuna a ŋasecisya kosi, ikes enyamete ŋaraito a akwap a na ŋuna alalak, ikipukato ikes isua ka isitiyaete ŋibaren ikwa ŋina ecamitotor, ido ikiya isua locan.”

Ŋikiru. 110:2

Iatakini Ekapolon apedor ŋina ka apolou kon alo Sion tari nakiboisyo ŋace; ipukae iyoŋ ŋimoe kon ŋulu eya diyete kon.

Ŋikiru. 79:7

anerae aara ikes ŋituŋa kon, eturuwosi ikes akwap kon acaryoit.

Yer. 38:23

Erikoryo ŋaberu ka ŋidwe kon daadaŋ neni a Ŋibabiloniyae, nyibucar iyoŋ elope anapedor kec, nai ikikamari iyoŋ erwosit a Babilon, ido icunyaryo etaun lo.”

Yer. 52:3

Kire, apotu ŋituŋa a Yerusalem ka ŋituŋa a akwap a Yudaya kitoŋoa nooi Ekapolon, aŋun abu Ekapolon kirita ikes alokiŋaren keŋ. Abu Sedekia toŋer akiwuap ŋakiro ŋuna ke erwosit a Babilon.

Aum. 4:20

Apotu ikes kikamasi erwosit kosi ŋolo amecitae isua neni keŋ, ŋolo arae Ekapolon abu toseu aruwor erwosit. Erwosit ŋolo sek ekinyomitae isua atemar ikiuni iŋes isua alomoe a daadaŋ.

Esek. 15:4

Erae ca akinokia akim bon ejokia iŋes. Ani kenyamuwa akim ŋiwaetin ŋuluarei akitoe a ŋin, kidoŋ kidiŋ akitoe ŋin erae atotole, eyai kire ibore ipedori iyoŋ akitiyaun anakitoe a ŋin a?

Esek. 17:10

Ee, tari kire keduparitae ekitoe ŋol, epedori nai kire iŋes akiyar ka apol a? Nyeiniyari mono iŋes apaki ŋina ekutakinia ekuwuam ŋolo ebunit alo Kide a? Nyeiniyari mono iŋes aneni sek elomunitor a?’ ”

Esek. 19:1

Abu Ekapolon okolimok ayoŋ aeikin eete ŋolo ka aumonokin lo aŋuna a ŋidwe a ŋiarei a ŋulu a ŋirwosi a Isirael.

Esek. 19:11

Aponi atorom keŋ ŋina agogoŋon nooi ŋin tolemunae toruwor ebela a erwosit. Abu sek ekitoe a epiini ŋol tooyaar kileŋ ŋaten ŋuna ka amoni a nen, Abu ekitoe ŋol kileereu a nen erae ŋolo eoya nooi ka ayakar ŋaten ŋuna alalak nooi.

Esek. 20:47

tolimok amoni ŋina alo Negeb atemar kiira ŋakiro a Ekapolon, alimu Ekapolon, Akuj ebe, ‘Eapi ayoŋ akitenepun akim aneni kon, enyamuwari akim ŋin ŋikito ŋulu alibak daadaŋ ŋulu eya tooma kon ka ŋikito daadaŋ ŋulu eya tooma kon ŋulu aonok. Mam ibore epedori akituduŋere arira ŋina etitae nooi ŋin. Enomi amwanis a arira a ŋin ibore daadaŋ ŋini eyai lowae ŋolo alo Kwap tomyaa lowae ŋolo alo Kuju.

Esek. 20:48

Eyenunete ŋituŋa daadaŋ atemar ayoŋ Ekapolon abu etenepu arira ŋin ka emam ituŋanan epedori akituduŋere.’ ”

Esek. 26:17

Egeunete nai ikes akiolol aŋuna kus ebasi, ‘Okoe! Alemar bareca etaun ŋolo arwon alotaunio a ŋulu ka anam, irae sek iyoŋ etaun a ŋikilyok a ŋulu eyenete akitiya nanam, ŋituŋa kon sek arae ŋitirunoe ŋulu ka anam. Iyes ŋituŋa ŋulu iboiyete alo Tiro iyaut ekabule neni a ŋituŋa a daadaŋ a ŋulu iboiyete a nen.

Osea 10:3

Etemarete nai ikes, “Emam isua erwosit, anerae nyikitopoloorit isua Ekapolon. Ani mono kerae toyakare isua erwosit, kepedo mono iŋes akitiyakin nyo aŋuna kosi?”

Osea 3:4

Erae ŋun anerae epote Ŋisirael akiboi ŋirwa ŋulu alalak emam erwosit, kori ŋini emaikina kilunyokin lokicoloŋ a erwsoit, emam ŋamuronisya, kori ŋipirin ŋulu italeoritae, kori ŋitorubei a ŋakujo, kori ŋiboro ŋulu isitiyao ayenunia ŋakiro ŋuna ecamit Akuj.

Amos 9:11

Tema Amos, “Ebala Ekapolon, ‘Ebunit akoloŋit ŋina enyakakinia ayoŋ apukan neni a ŋiletok a Daudi, apukan ŋina abu tomunaar ikwa akai ŋina eritakin kwap. Etowoi ayoŋ nabo ŋarwatatain keŋ, adukokini ayoŋ akai ŋin nabo kikwaanikin ka ŋina koloŋ ayai alorwa a ŋulu a koloŋ,

Luk. 19:41

Toapiya Yesu Yerusalem; ani iŋolikini, kikalou aŋuna a ŋituŋa a ŋulu ke etaun a ŋol,

Yoa. 19:15

Tocelut nabo temasi, “Toar! Toar! Kibubuk iŋes lomusalaba!” Kiŋit Pilato ikes tema, “Icamito iyes ebubuki ayoŋ erwosit kus lomusalaba a?” Toboŋokis ŋisacaradotin ŋulu apolok temasi, “Emam isua erwosit ece, mati ekepukan a Roma bon.”

Ŋikat. 9:15

Toboŋok nai amoni a ŋikukwa ŋikito tema, ‘Ani kire kicamito iyes akituruwor ayoŋ erwosit kus, potu nai toiunos alotolim kaŋ, nai ani pa kipote, emaikina nai akim tonepu anamoni a ŋina a ŋikukwa, tonomiya ŋikito a Cedar ŋulu a Lebanon.’