Esek. 19:11 - Ebaibul

¹¹ Aponi atorom keŋ ŋina agogoŋon nooi ŋin tolemunae toruwor ebela a erwosit. Abu sek ekitoe a epiini ŋol tooyaar kileŋ ŋaten ŋuna ka amoni a nen, Abu ekitoe ŋol kileereu a nen erae ŋolo eoya nooi ka ayakar ŋaten ŋuna alalak nooi.

Esek. 19:11 Iomraidhean Croise

Akisy. 49:10

Mam ŋini elemari apukan aneni a Yuda, ipukaete ŋiletok keŋ jik, elemianakinete iŋes ŋituŋa a ŋakwapin ocur, ka itopoloorete ŋituŋa a ŋakwapin iŋes.

1 Ŋirw. 5:1

Ani iirari Iram, erwosit ŋolo a Tiro atemar eturuwor Solomon erwosit, elunyokin lorot a papa keŋ Daudi, kiyakiya iŋes ŋiketiyak keŋ neni a Solomon, anerae kerae sek iŋes ekone a Daudi.

Esir 4:20

Ayakar Yerusalem ŋirwosi ŋulu agogoŋok ŋulu epukato akwap daadaŋ ŋina alokekwaye aŋolol Eupurate, ido alemenakinio ikes ocur ka etacit ŋolo alemununyete ŋituŋa aloboro a ŋulu ayakatar ikes, kori a ŋulu agyelanarete.

Esir 5:11

Apotu ikes toboŋokis temasi, ‘Ikirae isua ŋiketiyak ŋulu ka Akuj a ŋina anakuj ka anakwap, ido edukio nabo isua Akai ŋina koloŋ adukio ŋikaru ŋulu alalak ŋulu alunyar, Akai ŋina abu erwosit a Isirael ŋolo arwon toduk kirikak.

Ŋikiru. 110:2

Iatakini Ekapolon apedor ŋina ka apolou kon alo Sion tari nakiboisyo ŋace; ipukae iyoŋ ŋimoe kon ŋulu eya diyete kon.

Ŋikiru. 80:15

Bua toiu ŋituŋa kon ŋulu ibu iyoŋ kiwuak nakwap na, kituruwo ŋituŋa ŋulu agogoŋok anakwap kec.

Ŋikiru. 80:17

Nai kiyok tokona ŋituŋa kon ŋulu idau iyoŋ aseun, ŋituŋa kon ŋulu idau iyoŋ akitogogoŋ aŋuna kon.

Isa. 11:1

Ijojouni ateni aneni a Yese, elomuni ateni anataagor keŋ tora.

Esek. 19:12

Nai apotu ŋituŋa ŋulu aŋoito torutut iŋes, kimasakis kwap. Abu ekuwuam ŋolo akutunit alo Kide kitooniyo iŋes, toraraar ŋaraito keŋ, toiniya atorom keŋ ŋin ŋina agogoŋon, ido abu akim tonomiya.

Esek. 19:14

Amyaa akim ŋinapei anatorom keŋ, anomiya ŋaten keŋ ka ŋaraito keŋ. Emam nabo atorom keŋ ŋina agogoŋon ŋin neni idoŋit, neni emaikina tolemunae ebela a erwosit. “Erae lo eete ŋolo ka aumonokin ka emaikina kisitiyae erae eete ŋolo ka aumonokin.”

Esek. 21:10

epenar ekileŋ aŋuna ka aarya, apwasi, ipareo ikwa akimilyaunet! Alipite ikiryamunia iwon alelyanu? Idaut iyes ŋituŋa kaŋ ajamuwar ekepukan ka daadaŋ ŋuna ikilimokinitae iyes akiwuap.

Esek. 21:13

Ekatakini ayoŋ ŋituŋa kaŋ, kaanukiro ijamuwaryata iyes ekepukan? Nyitiyakin ŋakiro ŋun daadaŋ.’

Esek. 31:3

Ikwaan iyoŋ ka ekitoe a Cedar ŋolo eyai Lebanon, ŋolo eyakar ŋaten ŋuna ebusak ŋuna eyai etolim ŋolo ka amoni, ekitoe ŋolo aoyan nooi ŋolo edolit aoyau keŋ lodouwon.

Dan. 4:11

Abu ekitoe ŋol topolou ka togogoŋior abu akou keŋ todol kidiama ka eteo ekitoe ŋol anakwap a daadaŋ.

Ŋilep. 23:40

Ani edoli akoloŋit ŋina esyaunan, tolemutu ŋaraito ŋuna ajokak alokito a ŋulu apolok, tolemutu ŋaten a ŋiŋolya, ŋaten a ŋikuyono ŋuna elalak ŋakuii ka ŋatetelei ŋuna elomete anayona, ido tolelyana alokiŋaren Ekapolon Akuj kus ŋirwa ŋikanikaarei.

Ekim. 24:17

Ete ayoŋ iŋes, nai meere tokona eyakaunor, ete ayoŋ iŋes, nai nyeapi, elomuni etop aneni a Yakob ebuni erwosit alo Isirael. Elemari iŋes ŋikukorusinei a Moab daadaŋ, emunyari iŋes ŋituŋa daadaŋ akwap a Ases.