Esek. 19:1 - Ebaibul

¹ Abu Ekapolon okolimok ayoŋ aeikin eete ŋolo ka aumonokin lo aŋuna a ŋidwe a ŋiarei a ŋulu a ŋirwosi a Isirael.

Esek. 19:1 Iomraidhean Croise

2 Ŋirw. 23:34

Kiwuak Neko Eliakim lokoku a Yosia toruwor erwosit kilunyokin neni a papa keŋ toruwor erwosit, kilocok tari ekiro keŋ toruwor Yeoiakim. Nai ya iŋes Yeoas Ijipit totwanik inaa.

2 Ŋirw. 24:12

Abu erwosit Yeoiakin tocamu Nebukadinesar kikama iŋes kaapei ka toto keŋ, ŋiketiyak keŋ, ŋikapolok anapukan keŋ ka ŋulu apolokinito akai ka apukan. Yaarae Yeoiakin erae emabus alokaru a ŋolo a ŋikanikauni ipukat iŋes Yudaya.

2 Ŋirw. 24:6

Abu nai Yeoiakim totwana ikwa atapapaa keŋ. Kilunyokin lokoku keŋ Yeoiakin lokicoloŋ keŋ kipuka Yudaya.

2 Ŋakiro a ŋirwa 35:25

Abu Yeremia toe ŋieosyo ŋulu kigworet aŋuna a Yosia ka akitodol akoloŋit na, eosi ŋikilyok ka ŋaberu ŋulu eyenete aeo ŋieosyo ŋul etamunito Yosia, apotu kituruwosi ŋun etal alo Isirael ka igiritae lokitaabo ŋolo a ŋieosyo a ŋulu ka akiwolol.

2 Ŋakiro a ŋirwa 36:10

Ani edoli ŋirwa ŋulu ka akicereet ekaru ŋol, abu erwosit Nebukadinesar kiyakiya ŋituŋa aomere Yeoiakin ka aponi yaarae iŋes Babilon kaapei ka ŋiboro ŋulu epol egyelit, ŋulu ayakasi Kai ke Ekapolon. Kilunyok Nebukadinesar Sedekia lokaato a Yeoiakin lokicoloŋ toruwor erwosit a Yudaya ka Yerusalem.

2 Ŋakiro a ŋirwa 36:3

Abu Neko erwosit a Ijipit toen Yeoas, ya iwace alo Yerusalem, toreik ŋituŋa a Yudaya akitac ocur neni keŋ, totacae neni keŋ ŋatalantae amiat ŋulu ke esilipa ka etalantait ŋolo ke egolid.

2 Ŋakiro a ŋirwa 36:6

Abu Nebukadinesar erwosit a Babilon bu kikama akwap a Yudaya, toroc Yeoiakim ŋakejen a ŋiriko a ŋulu etiyatae a eburonis, ikotere ya iŋes Babilon.

Yer. 22:28

Ikwaan mono Konia ka amot ŋina ebwaŋa, eborosit ŋolo erae ecaryoit ŋolo emam ituŋanan ecamit a? Kaanukiro ayaarere iŋes ka ŋiletok keŋ kiŋa akwap kec, emasarere ikes nakwap ŋina nyeyenete ikes?

Yer. 22:30

Alimu Ekapolon ebe, ‘Toyena ekile lo erae ituŋanan ŋini emam ŋidwe, ekile ŋolo nyepedori akisiyookin ŋadi anakiyar keŋ; anerae mam ikoku keŋ ebuni akipuka alokicoloŋ a Daudi kipuka nabo alo Yudaya.’ ”

Yer. 24:1

Abu Ekapolon eketoodik ayoŋ ŋaditae ŋaarei ŋuna aya ŋaboboryo tooma, ewuakinitae ŋaditae ŋun kiŋaren Akai ka Akuj. Etiyakin ŋakiro ŋun ekaku keriko alo Yerusalem erwosit Nebukadinesar ŋolo a Babilon erwosit Yekonia lokoku a Yeoiakim a ŋolo a Yudaya kaapei ka ŋikapolok a Yudaya ŋulu epukatotor iŋes, ŋikeciak ŋabaoi ka ŋiketyakak ŋasuwa, ya ikes Babilon.

Yer. 24:8

“‘Tosodi lopite ŋolo eyakatar ŋaboboryo ŋuna aronok, ŋuna aronok nooi ŋuna nyepedori ituŋanan akinyam, epite ŋol iŋes esicania ayoŋ erwosit Sedekia ŋolo a Yudaya, ŋikapolok ŋulu ipukatotor iŋes ka ŋipiya a ŋituŋa a Yerusalem ŋulu idoŋete nakwap na ka ŋulu eya nakwap a Ijipit.

Yer. 9:1

Okoe kerae ca torae akou kaŋ eitanit a ŋakipi ka torae ŋakonyen kaŋ elelya a ŋakiyo, kapedorit ayoŋ akigworo naparan ka nakwaare aŋuna a ŋituŋa kaŋ a ŋulu aari, a ŋulu a ŋican.

Yer. 9:10

“Tema Yeremia, Egworo ka ewololoe ayoŋ aŋuna a ŋimoru ka ewololoe aŋuna a ŋinya a ŋulu ka aloŋisat, anerae aruwor ŋikoŋinae, emam ibore itorenene nen, nyeriŋa epupyo ŋaatuk erwosi a nen, aekasi ŋikeny ka ŋityaŋ a nen.

Aum. 4:20

Apotu ikes kikamasi erwosit kosi ŋolo amecitae isua neni keŋ, ŋolo arae Ekapolon abu toseu aruwor erwosit. Erwosit ŋolo sek ekinyomitae isua atemar ikiuni iŋes isua alomoe a daadaŋ.

Aum. 5:12

Arikonor ŋikarikok kosi, enenonokin lopirin; mam ituŋanan itopoloorit ŋikasikou kosi.

Esek. 19:14

Amyaa akim ŋinapei anatorom keŋ, anomiya ŋaten keŋ ka ŋaraito keŋ. Emam nabo atorom keŋ ŋina agogoŋon ŋin neni idoŋit, neni emaikina tolemunae ebela a erwosit. “Erae lo eete ŋolo ka aumonokin ka emaikina kisitiyae erae eete ŋolo ka aumonokin.”

Esek. 19:2

Ŋakiro a eete nu, “Okoe arae toto kon aŋatuny ŋina eloit ŋanatunyo ŋunace! Amina iŋes auryan alokidiŋ ŋiŋatunyo ŋulusorok ka etani ŋitak keŋ.

Esek. 2:10

Abu ŋini erworo neni kaŋ toŋaa ekitaabo ŋol alokiŋaren kaŋ, eŋolik ayoŋ igiritae ŋakiro kaku ka kiŋaren a ekitaabo a ŋol. Arae ŋakiro ŋuna egiritae nen ŋuna ka akiolol ka akigworo ta ŋuna abasi ekaŋ iyes.

Esek. 26:17

Egeunete nai ikes akiolol aŋuna kus ebasi, ‘Okoe! Alemar bareca etaun ŋolo arwon alotaunio a ŋulu ka anam, irae sek iyoŋ etaun a ŋikilyok a ŋulu eyenete akitiya nanam, ŋituŋa kon sek arae ŋitirunoe ŋulu ka anam. Iyes ŋituŋa ŋulu iboiyete alo Tiro iyaut ekabule neni a ŋituŋa a daadaŋ a ŋulu iboiyete a nen.

Esek. 27:2

“Lokoku a ituŋanan, togeu tokona akiolol aŋuna a Tiro,

Esek. 27:32

Ani iwololoete ka igworosi ikes aŋuna kon, iiraryo ikes esibit eosi iwololoete aŋuna kon ebasi. ‘Anikwap adio aponi kimuleleiyarae totakin cek ananam ikwa Tiro?

Esek. 28:12

“Lokoku a ituŋanan, kiololo aŋuna a erwosit a Tiro, tolimok iŋes atemar, alimu Ekapolon Akuj ŋakiro nu, ‘Irae paaran iyoŋ akitaanyikinet a ibore a ŋini emam aronis, irae iyoŋ ŋolo ioso nooi ka ibus nooi.

Esek. 32:16

Eikinio eete iololoo aŋuna a Ijipit. Eikinete ŋaberu a ŋakwapin a ŋunace eete ŋol. Eikinete ikes aŋuna Ijipit, eikinete ŋajoresyo a Ijipit daadaŋ eete ŋol.”

Esek. 32:18

“Lokoku a ituŋanan, kiololo aŋuna a ŋajoresyo a Ijipit, kipotok ikes locan ŋulu akibois a ŋikatwak, kipotok ikes akwap a Ijipit kaapei ka ŋituŋa a ŋakwapin a ŋuna agogoŋok, kipotok ikes kaapei ŋulu enukio napanya.

Esek. 32:2

“Lokoku a ituŋanan, kiololo aŋuna a Parao a erwosit a Ijipit, tolimok iŋes ebe, ‘Itami iyoŋ atemar igogoŋ iyoŋ anakwapin nooi ikwaan ka eŋatuny, nai ikwaan iyoŋ ka epiu koŋin ŋolo eperi anakipi a ŋanamyo; ibelibelo iyoŋ anakipi a ŋayona kon, imunae iyoŋ ŋakipi a ŋakejen kon toruwor ecoto ka itobos ŋakipi a ŋayona kon.

Amos 5:1

Tema Amos, “Okoe Ŋisirael, kiirasi ŋakiro nu ŋuna egworor ayoŋ aŋuna kus,