Esek. 18:7 - Ebaibul

⁷ ani pa kedemanari iŋes ŋuluce ŋiboro kec ka ketaci ibore ŋini idenit iŋes, kori pa kekokoi, ido inanakini ŋulu enyamit akoro ibore ŋininyamat, inanakini ŋulu elerete ibore ŋininapat,

Esek. 18:7 Iomraidhean Croise

Neem. 5:10

Nabo daŋ idenionokinio isua ŋituŋa ŋikinyom ka ŋisiliŋa, ayoŋ ka ŋikaitotoi kaŋ ta ŋiketiyak kaŋ. Kimyekisi ŋakiro ŋuna ka akiyatanakin ŋisiliŋa ŋice losiliŋa ŋulu idenionokinete iyes ŋuluce.

Yob 22:6

Isecit iyoŋ aŋuna ani kiinak ŋikaitotoi kon ŋisiliŋa kideniyosi, ibu todema ikes ŋiboro kec aŋuna pa apedoritotor ikes atacakin iyoŋ ŋidenio kec, ibu daŋ tolema ŋilowi kec daadaŋ ka ikimyek ikes elerete.

Yob 24:3

Eramanarete ŋisigirya a ŋikokyok; ekodeneneete emoŋ a apuserut aŋuna a ibore a ŋini eikinitae ikes.

Yob 24:9

(Eyakasi ŋikaronok ŋulu elemanarete ŋikokyok aneni ata toto kec itanakio, ido eyaanarete ŋiŋwea a ŋulu a ŋican atacakin nibore ŋini eikinitae ikes.)

Ŋikiru. 112:4

Ileereunete ŋiticisyo kec ikwapei akica neni a ŋulu iyookino; eruwor ikes ŋulu ajokak, ŋulu esyonok ka ŋulu iyookino.

Ŋikiru. 112:9

Adaut ikes akoranar ŋiboro kec emam akitac, adaut ikes ainakin ŋiboro kec neni a ŋikulyak; erubakini akiyookino kec ŋikaru ka ŋikaru; itopolooritae nooi apedor kec.

Ŋikiru. 41:1

Erereŋ ŋituŋa ŋulu iŋarakinito ŋikulyak; elakuni Ekapolon ikes anapakio a ŋuna a ŋican.

Awos. 22:25

“Ani kidenikis iyes ituŋanan kaŋ ŋinikulyakit idio ŋisiliŋa, nyemaikina iyes kimicata ikes esibit ideniyorito ibore idio, nyiyatakis ibore ice nibore ŋini imicao ikes.

Awos. 22:26

Ani kekoda ituŋanan elou a ŋinice aŋuna ka akidarunia ibore ŋini imicae iŋes, emaikina kinyakakinae ituŋanan ŋin elou keŋ ŋolo ekodunitae eriŋa akoloŋ nyedoiyoro;

Awos. 23:9

“Kimyekisi akisiyaloloŋ ŋituŋa ŋulugelae ŋulu iboiyoto iyes; iyenete iyes ŋuna eya lotai a ŋituŋa a ŋulu erae ŋigelae, anerae iraakasi paaran iyes daŋ ŋigelae alo Ijipit.”

Ŋakit. 14:31

Ituŋanan ŋini ekyenar ŋikulyak, iyanyi ituŋanan ŋin Akuj ŋina abu tosub ŋikulyak, nai ituŋanan ŋini erimaana aneni a ŋikulyak, itopoloorit ituŋanan ŋin Akuj.

Ŋakit. 28:27

Ituŋanan ŋini einanakini ŋikulyak ibore, mam nyeruwor ŋini ecanana, nai ŋini nyemisit akiŋarakin ŋikulyak eryamuni ŋican ŋulu alalak.

Ŋakit. 28:8

Ituŋanan ŋini iasi egyelit a ŋiboro keŋ aryamunia epoida ŋolo alalan, eryamununui ituŋanan ŋin epoida ŋol aŋuna a ituŋanan a ŋini erimaana aneni a ŋikulyak.

Ŋakit. 3:31

Nyirakaaniar aŋuna a ŋiryenyaanotin, nyicamu akiwuap ŋuna itiyaete ikes;

Isa. 1:17

“Toyenutu akitiya ŋuna ajokak, kiwara akiyookino, toiutu ŋulu isicanitae, kiŋarakisi ŋikokyok, kirworo aŋuna a ŋapuseru.”

Isa. 33:15

Ŋulu itiyaete ŋuna iyookino kirworos ŋakiro ŋuna a kire ŋulu nyejoikinit aryamun ibore anademun ŋuluce ŋiboro kec, ŋulu eŋerito akijaunun ŋakaluŋuluŋui, ŋulu nyecamito akiirar ŋakiro ŋuna earere ŋuluce ka ŋulu nyecamito akitere ŋuna aronok.

Isa. 5:7

Erae Isirael emanikor ŋolo a epiini ŋolo a Ekapolon a ŋolo a ŋajoresyo, ido erae ŋituŋa a Yudaya ŋikito a epiini ŋulu ajokak ŋulu edupakinit Ekapolon. Eitanit Ekapolon atemar kitiyata ŋituŋa a Yudaya ŋuna iyookino, nai abu kiŋolik aara. Eitanit iŋes atemar toruwor ikes ŋulu iyookino, nai abu kiira akigworo bon!

Yer. 22:3

Alimu Ekapolon atemar kitiyata ŋuna ka akiyookino. Toiutu ŋituŋa daadaŋ ŋulu edemanaritae ŋiboro kec, toiutu ikes anapedor a ŋulu isicanito ikes ka nyitiyata aronis, kori nyiryenyanikis ŋigelaanotin, ŋikokyok ka ŋapuseru, kori nyiar alotaun a lo idiotuŋanan ŋini emam aronis itiyat,

Esek. 16:49

Asecit anakaato kon Sodoma iŋes na, abu iŋes ka ŋirerya keŋ kiturokinos, todakakiata nooi ka kiboiyoto anakinapakina, nai pa apotu ikes kiŋarakis ŋikulyak ka ŋulu ayakatar akiitanit.

Esek. 18:12

kedemanari ŋikulyak ka ŋulu eyakatar akiitanit ŋiboro kec, kori kekokoi ka pa kinyakanakini ŋituŋa ibore ŋini ideniyorit iŋes, kori kemitakinit iŋes nooi ŋuna a ŋakujo, kitiyae asiilyo,

Esek. 18:16

nyitiya aronis adio neni a ituŋanan a idio, nyiwar aryamun ŋice alosiliŋa a ŋulu ideniyorit ituŋanan aneni keŋ, kori nyekoko ibore idio, nai inanakini ŋulu enyamit akoro ibore ŋininyamat ka ŋulu elerete ibore ŋininapat,

Esek. 18:18

Nai etwani papa aŋuna ka asecit keŋ a elope, anerae abu iŋes tolomak akitiya ŋakiro ŋuna ka aryenyeo, todema lokaato keŋ ŋiboro ka kitiya ŋuna pa ajokak neni a ŋituŋa keŋ.

Esek. 33:15

akitaanyunet iŋes na, ani kinyakasi ŋituŋa ŋulu aronon ibore ŋini ayaito ikes erae ikinyakuna ka kinyakut ibore ŋini kekokoiyarito sek ikes, kiwuapa ŋikisila ŋulu ka akiyar a ŋina iyookino, nyitiyata asecit adio, eyarete ŋituŋa ŋul kire jik, mam nyetwakete.

Esek. 7:23

Kitemonokisi ŋiriko! Anerae elelebun atwanare ŋina ka atubonokin nakwap kus, elelebun aryenyeo lotaun kus.

Dan. 4:27

Aŋun, okoe erwosit, kiwuap ŋuna akalimok ayoŋ iyoŋ; toŋer ŋasecisya kon, kitiya ŋuna iyookino ka toŋer aronis kon, kitiya irimaana aneni a ŋulu iteryamunitae ŋican. Ani kitiya iyoŋ ŋun, acepaki irubakini iyoŋ itiyae ŋinibore ejok.

Ŋilep. 19:13

“‘Nyitunae ŋikidunyetkon, kori nyikoko. Nyidid akitac ŋikelejilejak kiwala akwap nyetaca.

Ŋilep. 19:15

“‘Kitiyata ŋuna iyookino apaki ŋina itubioto ŋakiro, nyikisyonioto ŋulu a ŋican apaki ŋin, kori nyiwara akitojoka aneni a ŋulu erae ŋikabarak, nai totubonokisi ŋikidunyetkus alotooma akiyookino.

Ŋilep. 25:14

Ani kigyela iyoŋ ŋalup neni ke ekidunyet kon, kori kigyelu iyoŋ ŋalup aneni a ekidunyet kon, nyemaikina iyes tomodikinos make.

Amos 2:6

Tema Amos, “Alimu Ekapolon ŋakiro nu ebe, ‘Aŋuna arubakiniata ŋituŋa ka akwap a Isirael itiyaete ŋasecisya ŋuna alalak nooi, nyaesikini ayoŋ akisican ikes, anerae egyelanarete Ŋisirael ŋituŋa kec ŋulu iyookino a esilipa, egyelanarete ikes ŋituŋa ŋulu eyakatar akiitanit a egyelit a ŋamuk a ŋaarei,

Amos 2:8

eperete ikes alodiyete ŋamuroeta daadaŋ enapito ŋilowi ŋulu ijaunitae ituŋanan aŋuna a ŋamicae, ido emasete alo Kai ka Akuj kec epiini ŋolo itelemunio ituŋanan ŋini esecit.

Amos 3:10

Alimu Ekapolon Akuj ŋakiro nu ebe, “Nyeyenete ikes akitiya ŋuna iyookino, eryenyaanikinito ŋulu iboiyete anakais a ŋuna ka apukan ŋituŋa ka eŋatanarete ŋiboro kec.”

Amos 6:3

Okoe iyes ŋulu iwounito acamun atemar ebunit akoloŋit ŋina ka akinyasuno, nai ŋuna itiyaete iyes itaapuunete akoloŋit ŋin.

Mika 2:1

Ekaŋ iyes ŋulu itukete akitiya ŋuna aronok, iyes ŋulu iyeete akitiya aronis apaki ŋina iperyoto! Ani iwalari akwap itiyakinete ikes ŋuna apotu totukut nakwaare akitiya, anerae ebasi ikes eya ŋakiro daadaŋ napedor kec.

Mika 3:2

nai iremokino iyes ajokis, ido kitojokito aronis, iryetasi iyes ŋawat a ŋituŋa kaŋ, imyekis ikes erae ŋakoyo bon.

Sepan. 1:9

Esicani ayoŋ akoloŋit ŋin daadaŋ ŋulu ilipete neni a ŋakujo car, ŋulu ilelebete ŋakais a ŋakujo kec ŋiboro ŋulu edemyo ŋituŋa ka aryenyeo ta amodiyo.

Mal. 3:5

Ebala Ekapolon ŋolo Etiron, “Abuni ayoŋ neni kus atubokin iyes, ido alimuni ayoŋ atipei ŋakiro ŋuna etoroniyaritor ŋikekukujak, ŋikalomak, ŋikalyokonok, ŋiketunak ŋulu itunaete ŋiropito a ŋiketiyak kec, ŋikamodyanakinak ŋulu emodiyanarete ŋiboro anapuseru, alokokyok ka alotuŋa a ŋulugelae. Alimuni ayoŋ atipei ŋakiro ŋuna etoroniyaritor daadaŋ ŋulu nyakakerito ayoŋ.

Luk. 3:11

Toboŋok iŋes tema, “Ituŋanan daadaŋ ŋini eyakar ŋilowi ŋiarei, itemokino tomora ka ŋini eleri; ani nabo ŋini eyakar akimuj, itemokino tomora ka ŋuluce.”

Ŋikis. 24:17

Emaikina iyes totubo ŋakiro a ŋigelaanotin, kori ŋikokyok anakiyookino; nyiyaasi elou a apuserut erae ibore ŋini ekodaritae aŋuna ka amica.