Esek. 18:4 - Ebaibul

⁴ Toyenutu atemar ayoŋ ayakar apedor ŋina eyarya ŋinituŋanan, ayoŋ ayakar apedor ŋina eyarya ekauruunan ka ŋina eyarya ikoku. Ituŋanan ŋini eseci, iŋes bon emaikina totwana.

Esek. 18:4 Iomraidhean Croise

2 Ŋirw. 14:6

Nai nyeara iŋes ŋidwe ŋulu a ŋikaarak a ŋul. Etiyae iŋes ŋun lopite ŋolo igiritere lokitaabo ŋolo a ŋikisila a Moses neni icikitor Ekapolon ŋituŋa ebe, “Nyearyo ŋikauruunak aŋuna a ŋidwe, kori nyearyo ŋidwe aŋuna a ŋikauruunak, nai earyo ŋinituŋanan aŋuna a ŋasecisea keŋ a elope.”

Yob 21:20

Emaikina ikes kiŋolikis a ŋakonyen kec amunyaro kec, emaikina ikes kiira anyunyura ŋina ka Akuj a ŋina etiron;

Yob 8:4

Ani kesecito ŋidwe kon aneni keŋ, abu Akuj kipotok ikes nakisicanio aŋuna a ŋaronisya a ŋunapei etiyato ikes.

Isa. 42:5

“Alimu Akuj, Ekapolon ŋakiro nu atemar, Ŋae asubuni kidiama, ido topetak ariwo? Ŋae apetakini akwap ka etolomuni ibore ŋini elomunit anakwap? Ŋae einanakini ekieŋanu neni a ŋituŋa a ŋulu iboiyete anakwap ka neni a ibore a daadaŋ a ŋini elosi anakwap?

Isa. 57:16

Nyarubakini ayoŋ esitakinit ŋituŋa, kori nyarubakini ayoŋ aŋoit a ŋinapaki; anerae ekadanakini ikes alokiŋaren kaŋ ekadanakini tari ŋituŋa ŋulu abu ayoŋ oinak ekieŋanu kaŋ.

Yer. 31:30

Nai etwakete daadaŋ aŋuna a ŋasecisya kec, elyoki ŋikyal a ŋinituŋanan enyami ŋaraito ŋuna ebabar.”

Esek. 18:20

Emaikina ituŋanan ŋini eseci totwan. Nyemaikina lokoku kisicanae aŋuna ka asecit a papa keŋ, kori nyemaikina papa kisicanae aŋuna ka asecit alokoku keŋ; emaikina ituŋanan ŋini iyookino toryamu ŋarereŋisyo aŋuna ka akiyookino keŋ ka emaikina ituŋanan ŋini aronon toryamu ŋican aŋuna ka aronis keŋ.

Esek. 18:3

Alimu Ekapolon Akuj atemar, ikwapei kire ayarya ayoŋ, nyilimunete nabo iyes jik akitadapet na alo Isirael.

Esek. 18:5

“Ani kiyookino ituŋanan ka kitiyae ŋuna ecamakinito ŋikisila ŋuna iyookino,

Esek. 3:18

Ani kalimok ayoŋ ŋulu aronok ebe, ‘Itwakete iyes kire jik, ido towou iyoŋ alimokin ikes acoikin aronis kec, kori towou iyoŋ akirwor ŋakiro ŋuna iteesikinete ikes aronis kec ikotere eiunete akiyar kec, etwakete kire jik ŋikaronok ŋul aŋuna ka asecit kec, ido emarakini ayoŋ atwanare kec erae nakou kon.

Esek. 33:8

Ani kalimok ayoŋ ŋulu itiyaete aronis ebe, ‘Okoe iyes ŋulu itiyaete aronis! Itwakete iyes kire jik,’ ido towou iyoŋ alimokin ikes akiŋer akiwuapit aronis kec, etwakete ŋikaronok ŋul aŋuna ka asecit kec, nai emarakini ayoŋ atwanare kec erae nakou kon.

Sakar 12:1

Erae nu ŋakiro a Ekapolon aŋuna a Isirael, ŋakiro a Ekapolon a ŋolo abu tosub kidiama lopite ŋolo eyakar, tosub akwap, ido inak akiyar neni a ituŋanan. Ebala iŋes ebe,

Ekim. 16:22

Anenipei, toramakinos Moses ka Aron todolo ŋireetin kwap, ido temasi, “Okoe Akuj, Akuj ŋina a ŋitai a ŋituŋa a daadaŋ, iŋoikini iyoŋ ŋituŋa daadaŋ aŋuna ka asecit a ipeituŋanan a?”

Ekim. 27:16

“Elipi Ekapolon Akuj ŋina a ŋitai a ŋituŋa a daadaŋ, toseu ituŋanan ice ŋini epolokini atukot a Ŋisirael,

Ŋirom. 6:23

Anerae eropit ŋolo ka asecit iŋes atwanare; nai ainakinet ŋina a ikoŋin ŋina ka Akuj iŋes akiyar ŋina nyedaun alotooma Yesu Kristo Ekapolon yok.

Ŋigal. 3:22

Nai ebasi Ŋakigireta ebe eyai akwap daadaŋ tooma napedor ŋina ka asecit; ikotere nai einakinio akiikinet ŋina ka Akuj neni a ŋituŋa a ŋulu enupito Yesu Kristo.

Ŋikis. 24:16

Nyemaikina akiar ŋikauruunak aŋuna a ŋidwe kec, kori akiar ŋidwe aŋuna a ŋikauruunak kec, nai earyo ŋinituŋanan aŋuna a ŋadyakanareta keŋ a ilope.

Ŋibur. 12:9

Atapapa yok ŋulu ikiuruunete iwon, ikisicanete ikes iwon, ido okera iwon ikes. Etya nai ai akerit ŋina itemokino iwon okeritotor Papa yok ŋolo eyai nakuj, ikotere oyara!