Esek. 18:20 - Ebaibul

²⁰ Emaikina ituŋanan ŋini eseci totwan. Nyemaikina lokoku kisicanae aŋuna ka asecit a papa keŋ, kori nyemaikina papa kisicanae aŋuna ka asecit alokoku keŋ; emaikina ituŋanan ŋini iyookino toryamu ŋarereŋisyo aŋuna ka akiyookino keŋ ka emaikina ituŋanan ŋini aronon toryamu ŋican aŋuna ka aronis keŋ.

Esek. 18:20 Iomraidhean Croise

1 Ŋirw. 14:13

Igworete Ŋisirael daadaŋ aŋuna keŋ ido tonuka iŋes, anerae iŋes bon alokal a Yeroboam iwuakinio nakipany aŋuna araakar iŋes bon alokal a Yeroboam italakarit Akuj ŋina a Ŋisirael.

1 Ŋirw. 8:32

ekelipit kiira iŋes anakuj, kitiya neni keŋ ŋuna iyookino aneni kon, totubok ŋiketiyak kon, kisileereu ŋini esecit, kisican iŋes aŋuna itiyat. Ekelipit kisileereu ŋulu iyookino erae ŋulu iyookino, torop ikes alotooma akiyookino kec.

2 Ŋirw. 14:6

Nai nyeara iŋes ŋidwe ŋulu a ŋikaarak a ŋul. Etiyae iŋes ŋun lopite ŋolo igiritere lokitaabo ŋolo a ŋikisila a Moses neni icikitor Ekapolon ŋituŋa ebe, “Nyearyo ŋikauruunak aŋuna a ŋidwe, kori nyearyo ŋidwe aŋuna a ŋikauruunak, nai earyo ŋinituŋanan aŋuna a ŋasecisea keŋ a elope.”

2 Ŋakiro a ŋirwa 25:4

Nai nyeara iŋes ŋidwe a ŋikaarak a ŋul. Etiyae iŋes ŋun lopite ŋolo igiritere lokitaabo ŋolo a ŋikisila a Moses neni icikitor Ekapolon ŋituŋa keŋ ebe, “Nyearyo ŋikauruunak aŋuna a ŋidwe, kori nyearyo ŋidwe aŋuna a ŋikauruunak, nai earyo ŋinituŋanan aŋuna a ŋasecisya keŋ.”

2 Ŋakiro a ŋirwa 6:23

ekelipit kiira iŋes anakuj, kitiya ŋuna iyookino aneni kon neni keŋ, totubok ŋiketiyak kon kisileereu ŋini esecit, kisican iŋes aŋuna itiyat. Ekelipit kisileereu ŋulu iyookino erae ŋulu iyookino, torop ikes alotooma akiyookino kec.

2 Ŋakiro a ŋirwa 6:30

ekelipit kiira anakuj aneni erae akibois ŋina iboiyo iyoŋ. Ekelipit kisyoni ka kitiya neni a ŋinituŋanan lopite ŋolo itiyaa iŋes, ikwapei iyenia iyoŋ ŋuna eya lotau a ŋinituŋanan, (anerae iyoŋ bon iyeni ŋitai a ŋituŋa a daadaŋ).

Awos. 32:33

Nai toboŋok Ekapolon Moses tema, “Ituŋanan daadaŋ ŋini asec aneni kaŋ, iŋes ekisari ayoŋ ekiro keŋ alokitaabo kaŋ.

Isa. 53:11

Kedau iŋes akidaŋidaŋ ŋican, eryamuni iŋes alelyanu nabo, eyenuni iŋes anaosou keŋ atemar pa abu oryamu ŋican ikoŋin. Ituruwori eketiyan kaŋ ŋolo iyookino ŋikalalak ŋulu iyookino ka iwuoki iŋes aronis kec.

Esek. 14:14

kerae toriŋa tari ŋikilyok lu ŋiuni Noa, Daniel ka Yob iboiyete anakwap a ŋin, keiuna ŋuluuni ŋul aŋuna ka akiyookino kec.

Esek. 14:16

alimu Ekapolon Akuj atemar, ikwapei ayarya ayoŋ, kerae tari toriŋa ŋikilyok ŋuluuni ŋul eyakasi nakwap ŋin, pa keiunito ŋidwe kec ŋulusapa, kori ŋulupesur. Kerae ikes bon ŋikulepek eiuna, nai toris akwap kec asilu.

Esek. 18:13

kidenionokini iŋes ŋuluce ŋisiliŋa aŋuna ka aryamunia ŋice, kori pa kiyatanakini ŋulu alalak; epedori ituŋanan ŋini ikoni ŋin arubakin eyari a? Nyeyari jik! Nyeyari iŋes, anerae etiya ŋakiro ŋuna ka asiilyo ŋun daadaŋ, emaikina iŋes kire jik totwan, emaikina atwanare keŋ toruwor nakou keŋ a ilope.

Esek. 18:30

“Aŋun, okoe Ŋisirael, akatubokini ayoŋ iyes daadaŋ anakiro a ŋuna iwuapito iyes. Tokiwa! Toŋero aronis daadaŋ ŋina itiyaete iyes, ani kemam ikimunyari iyes asecit.

Esek. 18:4

Toyenutu atemar ayoŋ ayakar apedor ŋina eyarya ŋinituŋanan, ayoŋ ayakar apedor ŋina eyarya ekauruunan ka ŋina eyarya ikoku. Ituŋanan ŋini eseci, iŋes bon emaikina totwana.

Esek. 33:10

“Lokoku a ituŋanan, tolimok Ŋisirael atemar ŋakiro ŋuna irworo iyoŋ ikes nu ebe, ‘Adaut ŋakiro ŋuna abilere iwon ŋikisila ka ŋuna ka asecit yok akinuun iwon, ikilosi iwon apuripuryaar aŋuna a ŋakiro aŋun; alipite nai ikiyarya iwon?’

Esek. 33:6

Nai ani kiŋolik eketen ŋituŋa ŋol ŋimoe eponito, ido nyeramak eli, totena ŋituŋa akitiya ŋuna ecamito, potu nai ŋimoe toara idio alotuŋa a ŋulu ainakinitae iŋes akitere, earyo ituŋanan ŋin aŋuna a asecit keŋ, nai eruwor atwanare keŋ nakou a ŋolo ainakinitae akitere ikes.

Esek. 4:4

“Ani irikakini ŋun, toper alosyep kon a ŋolo alokedyeny, kidaŋidaŋ akisicanio a Ŋisirael toruwor akisicanio ŋina kon ŋirwa daadaŋ ŋulu iperyo iyoŋ a nen.

Ŋilep. 10:17

“Kaanukiro pa inyamyata iyes ainakinet aŋuna ka asecit ŋin anakibois a ŋina italeunitoe? Anerae erae ŋin ainakinet ŋina eseg nooi, ido adau Akuj ainakin iyes ainakinet ŋin alemarya asecit aneni a ŋituŋa, tomookut ikes alokiŋaren Ekapolon.

Ŋilep. 16:22

Elosyo ekoroe ŋol aronis ŋin daadaŋ nakibois ŋina erae aloŋisat, ani edoli ekoroe ŋol nen, kimyekinae kipasaa bon nariet.

Ŋilep. 19:8

Ituŋanan daadaŋ ŋini enyami ainakinet ŋin adio kepena ŋirwa ŋiuni, emaikina kisicanae, anerae amunaa ainakinet ŋina asegan neni ke Ekapolon; emaikina ituŋanan ŋin kiritarae alotuŋa keŋ.

Ŋilep. 5:1

Ŋakiro ŋuna ikote nu ikes itelemunete ituŋanan ainakinet aŋuna ka asecit. Ani kenyaraun ituŋanan neni etubere ŋakiro temarae tolimu ŋakiro ŋuna iyeni iyoŋ anakiro aŋuna isitakinitere ŋinice, ido towou iŋes alimor tari keyeni ka kiŋolikinit, isicanio iŋes a ŋakiro a ŋun,

Ŋilep. 5:17

“Ani kesec ituŋanan idio alokidiŋ kus pa iredakinit, kitiya ŋuna nyecamakinito ŋakiciketa ŋuna ke Ekapolon, adau ituŋanan ŋin akisec, ido emaikina kisicanae.

Ekim. 15:31

Aŋuna ajamuwarya iŋes akirot ke Ekapolon ka aŋuna aŋeryo akiwuap akiciket keŋ, emaikina ituŋanan ŋin totyakarae jik alotuŋa, ido kidaŋidaŋ iŋes ekaile aŋuna ka asecit keŋ.’”

Ekim. 18:1

Kirwor Ekapolon neni ka Aron tema, “Ŋiyany daadaŋ ŋulu iyanyere akibois ŋina asegan, eruwor nakou kon ka nakyes a ŋidwe kon a ŋulusapa ta nakyes a ŋituŋa a daadaŋ a ŋulu a ekabila a papa kon; nai iyanyi ŋulu iyanyere asacaradotonu, eruwor nakou kon bon ka nakyes a ŋidwe kon a ŋulusapa bon.

Mat. 16:27

Anerae ebuni Lokoku a Ituŋanan ka apedor a ŋina a Papa keŋ erukito ka ŋimalaikan, torop ŋinituŋanan ikwaŋina itiyator.

Ŋikis. 24:16

Nyemaikina akiar ŋikauruunak aŋuna a ŋidwe kec, kori akiar ŋidwe aŋuna a ŋikauruunak kec, nai earyo ŋinituŋanan aŋuna a ŋadyakanareta keŋ a ilope.

Ŋibur. 9:28

Ikwaŋinapei, alemunio Kristo daŋ alemunet apei toruwor amuronot ŋina elemari ŋasecisya a ŋikalalak. Etakanuni iŋes atakanunet ŋina a ŋaarei, meere aŋuna ka alemar ŋasecisya, nai aiun ŋulu idarito iŋes.

1 Pet. 2:24

Abu Kristo elope kiwok anakuwan keŋ ŋasecisya yok lomusalaba; ikotere ikipedori atwakare alokiŋaren asecit, ido oyara aŋuna ka akiyookino. Ikitaŋaleun iyes aŋuna a ŋajemei keŋ.

Akis. 2:23

Aari ayoŋ ŋikeedwe, ikotere toanyuniata ŋatukon ŋuna a Ŋikristo daadaŋ atemar ayoŋ iŋes ŋolo ayeni ŋitai ka ŋatameta ŋuna a ŋinituŋanan ka aropi ayoŋ ŋinituŋanan ikwaŋina itiyator.

Akis. 20:12

Abu eŋolik ŋikatwak, ŋikarwok ka ŋicaryo ewuasi kaapei alokiŋaren ekicoloŋ, toŋaarae ŋikitaaboi. Toŋaarae nabo ekitaabo ece, ekitaabo ŋolo ka akiyar. Aponi totubokinae ŋikatwak ikwaŋina kitiyatotor ikes, ikwapei igiritere lokitaaboi.