Esek. 18:2 - Ebaibul

² “Ŋituŋa lu, nyo apolou a akitadapet a ŋina irworosi iyes aŋuna a Ŋisirael ibasi, ‘Adaut ŋikauruunak akinyam ŋaraito a epiini ŋuna edadaŋ ka amunaarosi ŋikyal a ŋidwe kec.’?

Esek. 18:2 Iomraidhean Croise

Yob 21:19

Ibasi iyes, ‘Idyasi Akuj ŋasecisya a ŋikaronok aŋuna a ŋidwe kec.’ Emaikina ŋikaronok kisicanae aŋuna ka aronis kec, ikotere eyenunete ikes atemar esecito.

Awos. 20:5

Nyiryediko kilipa neni kec; anerae ayoŋ Ekapolon Akuj kus, Akuj ŋina alilyan, esicani ayoŋ ŋidwe aŋuna ka asecit atapapa kec akitodol nanyamet ŋina a ŋauni ka ŋina a ŋaomwon a ŋulu akaŋerito ayoŋ,

Isa. 3:15

Anukiro ilosikinito iyes isicanito ŋituŋa kaŋ ka itonyorididito ŋireetin a ŋikulyak? Ekapolon Akuj ŋina a ŋajoresyo alimu ŋun.”

Yer. 15:4

Eturuwori ayoŋ ikes ŋulu inyasuna aneni a ŋituŋa a ŋakwapin, anerae nyejokak ŋakiro ŋuna abu erwosit Manase lokoku a Esekia ŋolo a Yudaya kitiya alo Yerusalem.

Aum. 5:7

Apotu atapapa kosi toseca, emam tokona ikes a ne, ikiryamunit tokona isua ŋican aŋuna a ŋasecisya kec.

Esek. 12:22

“Lokoku a ituŋanan, anikitadapet na ŋina irworosi ŋituŋa aŋuna ka akwap a Isirael ebasi, ‘Elosete ŋirwa kiŋaren, ido eruwor ŋuna itoodiunitae daadaŋ ŋakoŋinae?’

Esek. 16:44

Kiira tokona iyoŋ, ituŋanan daadaŋ ŋini elimuni akitadapet, elimuni ikirworor iyoŋ akitadapet na, ŋuna itiyae toto, itiyae ikoku ŋinipese daŋ ŋunapei.

Esek. 17:12

“Kiŋit ŋituŋa ŋulu akaŋerito ayoŋ lu ŋakiro nu ebe, ‘Nyiyenete iyes apolou atediet a ŋin ka akitadapet ŋin a?’ Tolimok ikes ebe, ‘Abu erwosit a Babilon bu Yerusalem, ya erwosit alo Yerusalem ka ŋulu epukatotor erwosit, toriko ikes torukosi ka iŋes Babilon.

Esek. 18:1

Abu Ekapolon kirwor neni kaŋ tema,

Esek. 18:19

“Nai ibasi iyes, ‘Kaanukiro nyeryamunia lokoku ŋican aŋuna ka asecit a papa keŋ?’ Eyari kire jik lokoku aŋuna etiyaa ŋuna ecamakinito ŋikisila ka ŋuna iyookino ka aŋuna abunio kiwuapya ejok ŋakiro daadaŋ ŋuna alimokinit ayoŋ iŋes akiwuap

Esek. 18:3

Alimu Ekapolon Akuj atemar, ikwapei kire ayarya ayoŋ, nyilimunete nabo iyes jik akitadapet na alo Isirael.

Esek. 25:3

Tolimok Ŋiamoni atemar, kiirasi ŋakiro a Ekapolon Akuj, alimu Ekapolon Akuj atemar, aŋuna iponiata iyes itemasi, ‘Coe’ nakibois kaŋ ŋina asegan apaki ŋina iponiata iyes tojamuwasi, aŋuna iponiata iyes tolelyana apaki ŋina etisilunere akwap a Isirael ka aŋuna iponiata iyes kitiyata ŋun lotuŋa a Yudaya apaki ŋina aayere erae ŋirikon;

Esek. 37:11

Tema nai Ekapolon neni kaŋ, “Lokoku a ituŋanan, isikwaanitae ŋakoyo nu ka Ŋisirael daadaŋ. Ebasi Ŋisirael, ‘Aoko ŋakoyo kosi deu ka adaun akigeno aneni kosi, nyeriŋa ikimisitae isua.’

Esek. 37:19

Tolimok ikes atemar, alimu Ekapolon Akuj ŋakiro nu ebe, ‘Eapi ayoŋ alemar ebela a Yosepu (ŋolo eyai nakan a Epuraim) ka ŋikabilae a Ŋisirael ŋulu ecamuna ka iŋes, ido emorik ebala ŋol ka ŋolo a Yuda eturuwo ikes ebela epei, ikotere ikes eruwor anakan kaŋ ebela epei.’

Esek. 37:25

Iboiyete ikes anakwap a ŋina abu ayoŋ oinak Yakob eketiyan kaŋ, anakwap a ŋina apotu atapapaa kec kiboiyoto. Iboiyete ikes a nen ka ŋidwe kec ta ŋipapae kec ŋikaru ka ŋikaru. Daudi eketiyan kaŋ iŋes eruwor ekepukan kec ŋikaru ka ŋikaru.

Esek. 7:2

“Iyoŋ, lokoku a ituŋanan, ŋakiro ŋuna irworo Ekapolon Akuj aŋuna ka akwap a Ŋisirael ikes nu, ‘Adaun apaki! Adolu apaki ŋina ikisicanere iyes alowaetin a ŋuluomwon a akwap kus a daadaŋ.

Mat. 23:36

Akalimokini ayoŋ iyes kire atemar, ŋakiro ŋun daadaŋ etakanunete nanyamet na.

Ŋirom. 9:20

Nai ŋae mono iyoŋ ituŋanan itepegi Akuj? Nyepedori amot akiŋit ekayan keŋ ebe, “Kaanukiro ikiyeunia iyoŋ ayoŋ ikwana?”