Esek. 18:17 - Ebaibul

¹⁷ toŋerite akitiya asecit ka akidenionokin ŋuluce ŋisiliŋa aŋuna ka aryamunia ŋice, kori pa kiyatanakini ŋulu alalak, kiwuapite ŋuna atubunit ayoŋ ka ŋikisila kaŋ, nyetwani iŋes aŋuna ka asecit apapa keŋ, eyari kire jik iŋes.

Esek. 18:17 Iomraidhean Croise

Yob 29:16

Abu ayoŋ oruwor papa a ŋulu ayakatar akiitanit, awuanakini ayoŋ ŋituŋa ŋulugelae aloikiikoe.

Ŋikiru. 119:1

Elakara ŋituŋa ŋulu itiyaete ŋuna iyookino, ŋulu iboiyete iwuapito ŋikisila ke Ekapolon.

Ŋikiru. 119:3

ŋulu daŋ nyitiyaete ŋuna aronok, nai iboiyete iwuapito ŋakiro ke Ekapolon.

Ŋakit. 14:31

Ituŋanan ŋini ekyenar ŋikulyak, iyanyi ituŋanan ŋin Akuj ŋina abu tosub ŋikulyak, nai ituŋanan ŋini erimaana aneni a ŋikulyak, itopoloorit ituŋanan ŋin Akuj.

Ŋakit. 29:14

Ani ketuboki erwosit ŋikulyakanotin pa itoroniyarit, eyakaun apukan keŋ emam ŋace apaki ŋina aoyan.

Ŋakit. 29:7

Eyeni ituŋanan ŋini iyookino ibore ŋini iitanito ŋikulyak nai nyeyeni ituŋanan ŋini aronon ibore ŋini iitanito ŋikulyak.

Yer. 16:19

Okoe Ekapolon, agogoŋu kaŋ ka aduketait kaŋ ŋina ajio alotooma, neni aŋopya ayoŋ akoloŋit ŋina a ŋican. Epote neni kon ŋituŋa a ŋakwapin anakisaleta a akwap. Elimunete ebe, “Mam ibore aryamut atapapaa kosi, nai amodiyo bon, aryamut ikes ŋiboro ŋulucaryo ŋulu emam akiŋarakinet iryamunia.

Yer. 22:16

Atubi iŋes ŋakiro aŋuna a ŋikulyak ka ŋulu a ŋican a akiyookino, ido amam iŋes ŋace. Meere mono akitiya ŋun iŋes itoodiunit atemar eyeni ituŋanan Ekapolon a?

Esek. 18:13

kidenionokini iŋes ŋuluce ŋisiliŋa aŋuna ka aryamunia ŋice, kori pa kiyatanakini ŋulu alalak; epedori ituŋanan ŋini ikoni ŋin arubakin eyari a? Nyeyari jik! Nyeyari iŋes, anerae etiya ŋakiro ŋuna ka asiilyo ŋun daadaŋ, emaikina iŋes kire jik totwan, emaikina atwanare keŋ toruwor nakou keŋ a ilope.

Esek. 18:18

Nai etwani papa aŋuna ka asecit keŋ a elope, anerae abu iŋes tolomak akitiya ŋakiro ŋuna ka aryenyeo, todema lokaato keŋ ŋiboro ka kitiya ŋuna pa ajokak neni a ŋituŋa keŋ.

Esek. 18:28

Aŋuna abunio ituŋanan ŋin totamunia ka toŋeryo aronis keŋ daadaŋ ŋina sek etiyat, eyari ituŋanan ŋin kire jik, nyetwani.

Esek. 20:18

“Abu ayoŋ olimok ŋidwe kec analoŋisat ebe, ‘Nyiwuapa ŋakiro ŋuna ebasi ŋikauruunak kus, kori nyiwuapa ŋikisila kec, kori nyimunaasi ŋawat kus a ŋakujo kec.

Esek. 20:30

Aŋun tolimok Ŋisirael atemar, iŋita Ekapolon Akuj ŋakiro nu, ‘Imunaarete kire iyes ŋawat kus lopite ŋolo aponiata atapapaa kus kitiyaata a? Iwuapete iyes ŋakujo ŋuna apotu ikes kiwuapa a?

Esek. 3:21

Nai ani kilimok iyoŋ ŋulu iyookino akiŋer asecit, ido toŋero ikes asecit, eyarete kire jik ikes, anerae apotu kiirasi ŋuna ibala iyoŋ tocoikisi; iŋes atemar iuni iyoŋ akiyar kon.’ ”

Esek. 33:13

Tari kalimokinit ayoŋ ŋulu iyookino atemar eyarete kire jik ikes, ani ca kikinyoma ikes nakiyookino kec ka kitiyata asecit, emam epei daŋ aloticisyo kec a ŋulu ka akiyookino ŋolo etamunio; nai etwakete ikes anasecit a ŋina etiyata ikes.

Dan. 4:27

Aŋun, okoe erwosit, kiwuap ŋuna akalimok ayoŋ iyoŋ; toŋer ŋasecisya kon, kitiya ŋuna iyookino ka toŋer aronis kon, kitiya irimaana aneni a ŋulu iteryamunitae ŋican. Ani kitiya iyoŋ ŋun, acepaki irubakini iyoŋ itiyae ŋinibore ejok.

Ŋilep. 18:26

Nai emaikina iyes kiwuapa ŋakiro ŋuna atubunit ayoŋ ka ŋikisila kaŋ ŋul. Iyes Ŋisirael ka ŋigelaanotin ŋulu iboiyete ka Ŋisirael, nyemaikina iyes kitiyata asiilyo ŋin adio;

Ŋilep. 18:30

Kiwuapa ŋuna abala ayoŋ, ido nyitiyata asiilyo ŋin ŋina apotu ŋituŋa a nen kitiya eriŋa iyes nyedolo nen. Nyimunaarosi anasiilyo a ŋin. Arae ayoŋ Ekapolon Akuj kus. ’”

Ŋilep. 18:4

Kiwuapa ŋikisila kaŋ ka ŋakiro ŋuna atubunit ayoŋ irae ŋulu icoikinito. Arae ayoŋ Ekapolon Akuj kus.

Mal. 3:7

Akisyakin ŋinapei koloŋ alorwa atapapaa kus, iŋero iyes ŋikisila kaŋ nyiwuapito ikes. Toboŋutu neni kaŋ, ido aboŋuni ayoŋ neni kus. Nai iŋitasi iyes ibasi, ‘Alipite ikiboŋunio isua?’ ”

Luk. 19:8

Tonyou nai Sakayo tolimok Yesu tema, “Topupok Ekapolon! Alosi ayoŋ ainakin atyaket ŋina ke ekaabari lokulyak, nabo ani keyai ituŋanan ŋini sek amodiyarit ikeebore, atacakini ŋatacakinet ŋaomwon.”

Ŋirom. 2:7

Einakini Akuj akiyar ŋina nyedaun neni a ŋulu erubakinete itiyaete ŋuna ajokak, kiwarito akitopolooro ka akitojokyo aneni ka Akuj ka kiwarito akiyar ŋina nyedaun.