Esek. 17:7 - Ebaibul

⁷ “‘Ayai nabo egole ece ŋolo apolon nooi ŋolo ayakar ŋabebenuk ŋuna apolok nooi ŋuna eleleba ŋakopir Kiira iyoŋ! Abu ekitoe a epiini ŋol topeta ŋataagor keŋ neni ayai egole ŋol ka abu topeta ŋaten keŋ neni ayai egole ŋol, ikotere eai neni a egole ŋakipi aneni adupakinitae iŋes.

Esek. 17:7 Iomraidhean Croise

2 Ŋirw. 24:20

Kire, apotu ŋituŋa a Yerusalem ka ŋituŋa a Yudaya kitoŋoa nooi Ekapolon, a ŋun, abu Ekapolon toŋer ikes alokiŋaren keŋ. Abu Sedekia toŋer akiwuap ŋakiro ŋuna a erwosit a Babilon.

2 Ŋakiro a ŋirwa 26:13

Apolokinito ŋikarikok ŋul ŋasigarya ŋalipyo ŋamiae ŋauni ka ŋakanikaarei ka ŋamiae ŋakan ŋulu etatamitae apedorito ejie egogoŋ nooi aŋuna ka akiŋarakin erwosit kilou ŋimoe keŋ.

Esek. 17:15

Nai abu eyenet a erwosit a Yerusalem ŋol toŋer ŋakiro a erwosit a Babilon, kiyakiya ŋikawoikinitok keŋ nakwap a Ijipit erae kepedorete ikes ainakin iŋes ŋaŋolei ka ŋasigarya ŋuna alalak.’ Abu Akuj tema, ‘Epedori mono kire iŋes akiloun a? Epedori mono kire ituŋanan ŋini itiyae ŋakiro ŋuna ikote ŋun abucar a? Nyemaikina iŋes toŋer ŋakiro ŋuna aris kecamunoi, ido kimyekinae nyisicani.’

Esek. 17:6

Abu ekitoe ŋol kipuriteu, toruwor ekitoe a epiini ŋolo abu torubak erakad. Abu topeta ŋaten keŋ kidiama neni ayai egole ka apotu ŋataagor keŋ tolomasi kwap ejok aneni awuar iŋes. Apotu ŋaten ka ŋakwii pena lokitoe ŋolo ke epiini ŋol.

Esek. 17:8

Aponi ekitoe ŋol todupakinae nalup ŋuna ajokak diyete ŋakipi ŋuna alalak, ikotere epetari ŋaten ŋuna alalak, tora ŋaraito ka toruwor ekitoe a epiini ŋolo ailiilon.’

Esek. 31:4

Itopoloete ŋakipi iŋes ejok nooi, einakinito iŋes ŋakipi ŋuna alokwap apol tooyaar nooi. Eleleete ŋakipi a ŋaŋololin a ŋun neni elomunitor ekitoe ŋol, eleleete ŋayona ŋuna aŋaŋololin a ŋun namon daadaŋ ŋuna eyakasi nen.