Esek. 17:24 - Ebaibul

²⁴ Eyenunete ŋikito ŋulu ka ariet daadaŋ atemar arae ayoŋ Ekapolon. Etuuruwuanuni ayoŋ ŋikito ŋulu aoyak, etooyauni ayoŋ ŋikito ŋulu euruwuaka; etooniyori ayoŋ ŋikito ŋulu alibak, ido etilibu ŋikito ŋulu eokito. Ayoŋ Ekapolon alimu ŋun; ido etiyakini ayoŋ ŋun.”

Esek. 17:24 Iomraidhean Croise

Yob 40:12

Ee, kiŋolik ŋinituŋanan eturon daadaŋ kitiditeu iŋes, ido tomunya ŋituŋa ŋulu itiyaete aronis,

Yob 5:11

itopoloonori iŋes ŋulu itiditeuna bon, einanakini alelyanu neni a ŋulu igworosi.

Ŋikiru. 89:38

Nai tokona, iŋoik ka iŋer iyoŋ erwosit kon; elelebun anyunyura neni kon aŋuna a erwosit kon a ŋolo iseu iyoŋ.

Ŋikiru. 89:45

Itomojoŋ iyoŋ iŋes eriŋa apaki keŋ; isurum iyoŋ iŋes ŋileec.

Isa. 22:19

Akalemari ayoŋ iyoŋ alotic kon ka eketiditeuni ayoŋ iyoŋ tojoŋo apolou.

Isa. 26:5

anerae acaku iŋes kwap ŋulu eboiyete anakiboisyo a ŋuna aoyak, Acaku iŋes kwap etaun ŋolo ayai naitae. Aritaki etaun ŋol kwap ka eturuwo ŋalup.

Esek. 12:25

Nai ayoŋ Ekapolon alimuni ŋuna alimuni, ido isiyookinio. Emam nabo nyitididiyo ŋun; nai alorwa kus iyes ŋituŋa a Isirael ŋulu ikiŋero ayoŋ, alimuni ayoŋ akirot ka esiyookini.’ ”

Esek. 18:1

Abu Ekapolon kirwor neni kaŋ tema,

Esek. 21:26

alimu Ekapolon Akuj atemar, tolaca akopiya kon, tolaca ebokot kon, nyerubakinete ŋakiro ikote neni sek ekote. Itopolooryo ŋulucaryo ka itiditeunio ŋuluarwok.

Esek. 22:14

Itamete mono iyes atemar irubakinete iyakatar atitinyu, kori agogoŋu anakan kus ŋina ipedoryata ajio akoloŋit ŋina akatapya ayoŋ iyes a? Ayoŋ Ekapolon alimu ŋun ka etiyakini ayoŋ ŋun.

Esek. 24:14

Ayoŋ Ekapolon adau alimun ŋun; ebunit apaki ka etiyakini ayoŋ ŋun. Nyemyekini ayoŋ akitiya ŋun, nyesyoni ayoŋ ituŋanan kon idio, mam tari nyeeŋuni ayoŋ aŋuna kon. Akatubokini ayoŋ iyoŋ aŋuna ŋipitesyo kon ka ŋakiro ŋuna itiyae iyoŋ.’”

Esek. 36:36

Eyenunete nai ŋituŋa a ŋakwapin a daadaŋ a ŋuna idunyatar iyoŋ a ŋuna idoŋito atemar ayoŋ Ekapolon adukok nabo ŋakiboisyo ŋuna aponi tomunaarae ka adupak nabo ŋikinyom neni aponi kitisiilunoe. Ayoŋ Ekapolon alimu ŋun ka etiyakini ayoŋ ŋun.

Esek. 37:14

Ewuakini ayoŋ etau kaŋ neni kus ka iyarunete iyes. Ekesiboikini ayoŋ iyes nakwap kus ka iyenunete nai iyes atemar ayoŋ Ekapolon adau alimun ŋun, ido etiyakini ŋun.’ ”

Dan. 5:21

Aponi kiritarae iŋes alotuŋa a ŋuluce, aponi kisikwaanikinae ŋatameta keŋ ka ŋuna a etyaŋ. Abu iŋes kiboi aneni iboiyoto ŋityaŋ ŋulu ka ariet ŋulu ikwaan ka ŋisigirya, ido enyami ŋinya ikwa ŋaatuk, aponi akuwan keŋ kitopalalae a ŋakopi a ŋuna alokidiama, akitodol ŋina ayenunia iŋes atemar Akuj ŋina alokidiama iŋes ipukat ŋakwapin ŋuna ipukato ŋituŋa ka einakini iŋes apukan neni a ŋini ecamit iŋes ainakin.

Amos 9:11

Tema Amos, “Ebala Ekapolon, ‘Ebunit akoloŋit ŋina enyakakinia ayoŋ apukan neni a ŋiletok a Daudi, apukan ŋina abu tomunaar ikwa akai ŋina eritakin kwap. Etowoi ayoŋ nabo ŋarwatatain keŋ, adukokini ayoŋ akai ŋin nabo kikwaanikin ka ŋina koloŋ ayai alorwa a ŋulu a koloŋ,

Ekim. 17:8

Ani taparacu keŋ elosi Moses loeema ŋolo ayai Asaduku ŋina ka Acamunet, toryamu atemar kiminiaut ŋakwii alobela a ŋolo ka Aron a ŋolo arae ŋuna a ekabila a Lepi; toryamu kiminiaut ŋakwii, keturout ŋatur ka kerau ŋaraito ŋuna ka Alimond ŋuna akokito.

Mat. 24:35

Edaunosi nakuj ka akwap, nai nyedaunosi ŋakaakiro jik.

Luk. 1:33

Ipukae iŋes ateker a Yakobo ŋikaru ka ŋikaru, nabo nyedaun Apukan keŋ!”

Luk. 21:33

Edaunosi nakuj ka akwap, nai nyedaunosi ŋakiro kaŋ jik.