Esek. 17:23 - Ebaibul

²³ Adupakini ayoŋ iŋes lomoru ŋolo aoyan alo Isirael, ikotere iŋes epetari ŋaten, torau ŋaraito ka toruwor ekitoe a Cedar ŋolo apolon nooi kiboiyoto alotooma keŋ ŋikabilae a ŋikieny daadaŋ, toduko lotolim ŋolo a ŋaten keŋ ŋisubuna ŋulu a ŋabebenuk ŋulu a ŋolokabila.

Esek. 17:23 Iomraidhean Croise

Akisy. 49:10

Mam ŋini elemari apukan aneni a Yuda, ipukaete ŋiletok keŋ jik, elemianakinete iŋes ŋituŋa a ŋakwapin ocur, ka itopoloorete ŋituŋa a ŋakwapin iŋes.

Ŋikiru. 80:8

Ibu iyoŋ yau Ŋisirael alo Ijipit; Ibu iyoŋ kirita ŋituŋa a ŋakwapin, ido kiwuak Ŋisirael nen.

Eete a Ŋie. 5:15

Ikote ŋakejen keŋ ŋipirin ŋulu itiyaunitae anamoru a ŋina enyaritae Alabasta, ŋulu esipokinitae nawoeta ŋuna itiyaunitae a egolid, ibus iŋes nooi ikwaan ka Lebanon, akwap ŋina eya ŋikito a Cedar ŋulu aoyak.

Isa. 2:2

Alorwa a ŋulu eponito, ituruworyo ekamukumukut ŋolo ka Akai ke Ekapolon ŋolo eoya nooi akilo ŋimoru, itooyaaryo kileŋ ŋikamukumukui. Ilelebikinosi ŋituŋa a ŋakwapin neni keŋ.

Isa. 27:6

Alorwa a ŋulu eponito, edupakinosi ŋiletok a Yakob, epitunete ŋituŋa a Isirael touryata, ido ilelebikinete ikes ŋiletok kec nakwap.

Isa. 49:18

Kireosi toŋoleŋolekisi ŋiwaetin daadaŋ, acununosi ikes daadaŋ, eponito neni kus. Alimu Ekapolon atemar, ikwapei ayarya ayoŋ, iturokinosi iyes aŋuna a ŋituŋa kus, iturokinosi iyes aŋuna kec lopite ŋolo ituror ateran a ŋiboro keŋ.

Yer. 31:12

Epote ikes toeikis ecelasi alokidiama Sion, elelyanete ikes aŋuna a ŋarereŋisyo aŋuna iterereŋio Ekapolon ikes, elelyanete ikes aŋuna a ŋainakineta aŋuna a ŋikinyom, a epiini ka akimyet ŋina a ŋikito a Olipa, eryamunete ikes ŋainakineta ŋuna a ŋikaalei a ŋamesekin ka ŋitak a ŋaatuk. Ikwaanikinosi ikes ka emanikor ŋolo elelekinito ŋakipi nyepalagageta ikes nabo jik.

Esek. 20:40

“‘Anerae alokidiama emoru kaŋ ŋolo asegan, emoru ŋolo eoya alo Isirael, epote Ŋisirael daadaŋ akitiyanakin ayoŋ ka acamuni ayoŋ ikes a nen, ido a nen, eiitani ayoŋ aneni kus ŋamuronisya, ŋainakineta ŋuna ajokak ka ŋiboro kus daadaŋ ŋulu italeunitoe

Esek. 31:6

Apotu ŋikyeny a ŋikabilae a daadaŋ toduko ŋakais kec naten a ekitoe a ŋol. Apotu ŋityaŋ ŋulu ka ariet touryata lotolim a ekitoe a ŋol. Apotu ŋituŋa a ŋakwapin kiboiyoto alotolim a ekitoe a ŋol.

Esek. 36:8

“Nai alokamukumukui a ŋulu alo Isirael, elibunete nabo ŋakuii alokito ka erayete ŋikito aŋuna a ŋituŋa kaŋ a Ŋisirael, anerae eapi ikes aboŋun nakwap kec.

Esek. 40:2

Anakitoodianakineta a ŋuna ka Akuj aŋuna abu ayoŋ eŋolik, abu Akuj okoya ayoŋ nakwap a Isirael, ekewuak ayoŋ lomoru ŋolo aoyan, ŋolo aya ŋaduketa ŋuna asibito ŋuna a etaun lowae keŋ ŋolo alo Kwap.

Dan. 4:8

Ekaku, abu Daniel bu neni ayai ayoŋ (Daniel ŋolo arae ekiro keŋ ece Belitesasar, ekiro a akuj kaŋ, ayai etau a ŋakujo a ŋuna asegak neni a Daniel,) aŋun abu ayoŋ olimok iŋes ŋakiro ŋuna abu ayoŋ eruja. Abu ayoŋ olimok iŋes otema,

Dan. 4:9

‘Okoe Balitesasar, ekapolokiniton a ŋikekukujak, ayeni ayoŋ atemar eyai etau a ŋakujo a ŋuna asegak neni kon, ido mam ŋakiro ŋuna imunono ŋuna etyoko aneni kon. Kiira ŋakiro ŋuna abu ayoŋ eruja; tolimokinae ayoŋ apolou kec.

Osea 14:7

Eboŋokinete nabo ikes akiboi alokwap etolim kaŋ, ikwaanikin ikes ka emanikor ŋolo erupunito ŋikinyom ejok, eturokinete ikes ikwa ŋikito a epiini, ikwaanikin eure kec ŋolo abobon ka eure a epiini a Lebanon.

Osea 14:8

Okoe Epuraim, ŋikai kaŋ ŋitorubei a ŋakujo? Erae ayoŋ akaboŋokini iyoŋ ka ekeyoki iyoŋ, ikikwaanikin ayoŋ ka ekitoe ŋolo a Cipres ŋolo elibit jik, ebunit akikinyoma kon aneni kaŋ.

Mika 4:1

Alorwa a ŋulu eponito, ituruworyo emukura ŋolo ka Akai ke Ekapolon ŋolo eoya nooi akilo ŋimoru, itooyaaryo kileŋ ŋikamukumukui, ilelebikinosi ŋituŋa a ŋakwapin neni keŋ.

Mat. 13:32

Edit icokit ŋin nooi akilo ŋicok daadaŋ, nai kerupu, epoloor nooi kilo ŋikito ŋuluce, tosodo nai ŋikyeny potu toduko naten keŋ.”

Mar. 4:32

epoloor ekeekitoe akilo ŋikito daadaŋ. Epetari ŋaten ŋuna apolok, toduko ŋikyeny.”

Luk. 13:19

Ikoni neta: elemuni ituŋanan icokit ŋini ikoni ŋini ke ebobore, min todupak lomanikor keŋ. Ani erupuni, topoloor nooi toruwor ekitoe, potu ŋikyeny toduko ŋakais kec naten keŋ.”

Yoa. 12:24

Akalimokini ayoŋ iyes kire atemar, erubakini ekinyomit ŋolo ke emomwae erae epei, mati kedupakin nalup totwan; ani ketwana, torup nai tolalata.

Ŋigal. 3:28

Aŋun, emam atyaketait eyai kidiŋ Ŋiyudayan ka ŋulu nyerae Ŋiyudayan, kidiŋ ŋipi ka ŋulu nyerae ŋipi, kidiŋ ŋikilyok ka ŋaberu; iraakasi iyes daadaŋ ŋipei anakimorikina ka Yesu Kristo.

Ŋikol. 3:11

Aŋakiro a ŋun, emam nabo atyaketait eyai kidiŋ Ŋiyudayan ka ŋulu nyerae Ŋiyudayan, kidiŋ ŋituŋa ŋulu ileŋeritae ka ŋulu nyileŋeritae, ŋulu a ŋikabilae a ŋice, ŋituŋa ŋulu emam akiyen, ŋipi ka ŋituŋa ŋulu elacakina, nai Kristo iŋes epol akilo daadaŋ ka eyai Kristo neni a daadaŋ.

Akis. 11:15

Abu nai emalaika ŋolo a ŋikanikaarei tokutak arupepe keŋ. Toyakaunos ŋitoilon ŋulu acelasi anakuj ebasi, “Tokona, erae apedor ŋinakipukaet akwap ŋina ke Ekapolon yok ka ŋina a Kristo keŋ, ipukae iŋes ŋikaru ka ŋikaru!”