Esek. 17:18 - Ebaibul

¹⁸ Nyebucar iŋes aneni a Ŋibabiloniyae, anerae ajamuwa iŋes akikoŋet keŋ ka aŋer acamunet keŋ ka erwosit a Babilon. Nyebucar iŋes, anerae abu kiik akitiya ŋun, nai tokona nyiwuapa iŋes ŋakiro ŋun daadaŋ.’

Esek. 17:18 Iomraidhean Croise

2 Ŋirw. 10:15

Ani erotokini Yeu a nen, kiryama ka Yeonadab lokoku a Rekab ŋolo abunit akisiryam iŋes, kimala Yeu iŋes, kiŋit tema, “Icamunit iyoŋ ŋakiro kaŋ ikwaŋina acamunitor ayoŋ ŋakiro kon a?” Toboŋok Yeonadab tema, “Acamunit.” Tolimok Yeu iŋes tema, “Ani kicamunit, kiopeu akan kon.” Kiopeiyo nai iŋes akan keŋ neni a Yeu, tosodi Yeu kiŋarak iŋes adokar nagaari ŋina eritae a ŋaŋolei.

1 Ŋakiro a ŋirwa 29:24

Apotu ŋikarikok daadaŋ ka ŋikajiok ŋulu etirok kaapei ka ŋidwe a Daudi ŋulusapa daadaŋ kiikis akitopoloorit Solomon ikwapei erwosit.

2 Ŋakiro a ŋirwa 30:8

Nyitogogoŋo tokona ŋakyes kus lopite ŋolo etogogoŋitotor atapapaa kus, nai inakinos neni ke Ekapolon, potu nakibois keŋ ŋina asegan, ŋina adau iŋes akitaleun ŋikaru ka ŋikaru, ido kitiyanakis Ekapolon Akuj kus, ikotere elemari iŋes aŋoit keŋ ŋina aryenyaanan aneni kus.

Ekal. 8:2

Abala ayoŋ ebe, “Kiwuapa akiciket ŋina a erwosit, ido ani kicamit iyoŋ akikoŋ neni ka Akuj,

Aum. 5:6

Aponi isua tocamunae ikipukaete ŋituŋa a Ijipit ka Asiriya, ikotere isua ikiryamuni akimuj ŋina ikitemokino.

Esek. 17:15

Nai abu eyenet a erwosit a Yerusalem ŋol toŋer ŋakiro a erwosit a Babilon, kiyakiya ŋikawoikinitok keŋ nakwap a Ijipit erae kepedorete ikes ainakin iŋes ŋaŋolei ka ŋasigarya ŋuna alalak.’ Abu Akuj tema, ‘Epedori mono kire iŋes akiloun a? Epedori mono kire ituŋanan ŋini itiyae ŋakiro ŋuna ikote ŋun abucar a? Nyemaikina iŋes toŋer ŋakiro ŋuna aris kecamunoi, ido kimyekinae nyisicani.’

Esek. 17:16

Alimu Ekapolon Akuj ebe, ‘Ikwapei kire ayarya ayoŋ, etwanikini iŋes Babilon, nakwap a erwosit a ŋolo abu kituruwor iŋes erwosit ŋolo tokona ajamuwa iŋes akikoŋet ka aŋer daŋ acamunet keŋ ka iŋes.

Esek. 17:19

Aŋun, alimu tokona Ekapolon Akuj ebe, ‘Ikwapei kire ayarya ayoŋ, esicani ayoŋ ekepukan a Yerusalem aŋuna ajamuwarya ŋuna abu kikoŋ neni kaŋ ka aŋuna aŋeryo acamunet kaŋ ka iŋes.

Esek. 21:23

Nai aneni a ŋituŋa a Yerusalem, iirarete ikes ŋakiro ŋun esibit akidwar ŋina ka alyokonu aneni a ituŋanan a ŋini adau akikoŋ akiboi ka ikes emam ŋace, einakini erwosit a Babilon ŋituŋa a Yerusalem atamun aronis ŋina etiyata ikes, ido erikori ikes nakwap keŋ.