Esek. 17:17 - Ebaibul

¹⁷ Nyepedorete Parao ka ŋasigarya keŋ ŋuna alalak ka ŋirukitos keŋ ŋulu alalak akiŋarakin iŋes alojie a ŋolo edukitotor Ŋibabiloniyae ŋakititisyo ka ŋarwatatain aŋuna ka amunyarya ŋikalalak.

Esek. 17:17 Iomraidhean Croise

Isa. 36:6

Topupok, ikinyomit iyoŋ ŋituŋa a Ijipit, ŋituŋa ŋulu epalag ikwaan ka ateteleit ŋina ebilil, ŋina epedori akirem akan a ituŋanan a ŋini egwaŋakin iŋes. Ikoni Parao erwosit a Ijipit nen aneni a ŋulu ikinyomito iŋes.’

Yer. 33:5

Epote ikes akitijiore Ŋibabiloniyae ka akilelebikin ŋakis ŋun ŋituŋa ŋulu aari ayoŋ anaŋoit kaŋ ka ananyunyura kaŋ. Ewua ayoŋ ereet kaŋ aneni a ŋituŋa a etaun a lo aŋuna a ŋiticisyo a daadaŋ a ŋulu aronok a ŋulu itiyaete ikes.

Yer. 37:5

Apaki ŋinapei, aris ŋasigarya a Parao kepotu alo Ijipit, ani iirarete Ŋibabiloniyae ŋulu aris kirikaut Yerusalem ŋakiro a ŋasigarya a Parao, apotu toboŋosi alo Yerusalem.

Yer. 37:7

“Alimu Ekapolon Akuj ŋina a Ŋisirael ebe, ‘Tolimokisi iyes ŋiarei erwosit a Yudaya ŋolo ikiyakuunit iyes akiŋit ayoŋ ŋuna emaikina kitiya, atemar eboŋorete nakwap kec Ijipit ŋasigarya a Parao ŋuna eponito akiŋarakin iyoŋ.

Yer. 52:4

Tosodi alokaru a ŋolo a ŋikanikaomwon, elap ŋolo a ŋitomon, ŋirwa ke elap ŋitomon ipukat Sedekia, abu erwosit a Babilon ŋolo anyaritae Nebukadinesar toloto ka ŋasigarya keŋ daadaŋ akirem Yerusalem kirikaut iŋes. Apotu ikes torekinos kiŋa etaun, toduko ŋadoketa kisiryama kiŋa etaun.

Aum. 4:17

Aponi isua kidarae ikiŋarak akwap adio, nai mam akiŋarakinet aponi toryamunae anakwap ka adio.

Esek. 4:2

Kisitiya ŋitorubei lu akitoodiunia akirikauno a Yerusalem: Kiwuak ibore ŋini irikaunit amatapal ŋin, kiwuak akititis ŋina edokarit narwatata ke etaun, totukono ŋiboorei ŋulu esibit ŋituŋa ŋulu eurumikinito etaun ŋol ka kiwuanak nawaetin a etaun a ŋol daadaŋ ŋiboorei ŋulubwaŋabwaŋaet arwatata keŋ.

Dan. 11:15

Ebuni nai erwosit ŋolo alo Kuju toduk ŋaduketa kiŋa etaun a erwosit a ŋolo alowae a ŋolo alo Kwap, kikama etaun keŋ ŋolo eya ŋaduketa ŋunajiet ŋuna edukuk ejok. Nyepedorete nai ŋasigarya ŋuna alowae a ŋolo alo Kwap akitijikin ikes, nyepedorete tari ŋasigarya kec ŋuna ajiok nooi akitijikin ikes, anerae edaun agogoŋu aneni kec.

Ŋikis. 20:20

Nai ipedorete iyes amunaar ŋikito ŋulu iyenete iyes atemar nyenyamyo, ipedorete akiyep ikes aŋuna ka agolyo ŋimoe alotuŋa a ŋulu itijiete iyes tari ŋina ikamaryata iyes iŋes.