Esek. 17:16 - Ebaibul

¹⁶ Alimu Ekapolon Akuj ebe, ‘Ikwapei kire ayarya ayoŋ, etwanikini iŋes Babilon, nakwap a erwosit a ŋolo abu kituruwor iŋes erwosit ŋolo tokona ajamuwa iŋes akikoŋet ka aŋer daŋ acamunet keŋ ka iŋes.

Esek. 17:16 Iomraidhean Croise

2 Sam. 21:2

Aŋun, abu erwosit tonyarau Ŋigibeoni kisirwor ikes. (Pa arae Ŋigibeoni ŋituŋa a Isirael, arae ikes ŋipiya alotuŋa a ŋulu anyaritae Ŋiamori. Tari daŋ ŋina sek aris Ŋisirael kikoŋ atemar nyikimunyari Ŋigibeoni, kebu Saul kikatak nooi amunyar ikes a nen, analelakinit keŋ aŋuna a Ŋisirael ka ŋituŋa a Yudaya.)

2 Ŋirw. 24:17

Kiwuak erwosit a Babilon Matania mamae keŋ a Yeoiakin toruwor erwosit kilunyokin lokicoloŋ a Yeoiakin, kilocok ekiro a Matania toruwor Sedekia.

2 Ŋirw. 24:20

Kire, apotu ŋituŋa a Yerusalem ka ŋituŋa a Yudaya kitoŋoa nooi Ekapolon, a ŋun, abu Ekapolon toŋer ikes alokiŋaren keŋ. Abu Sedekia toŋer akiwuap ŋakiro ŋuna a erwosit a Babilon.

Ŋikiru. 15:4

Ikes ŋulu nyejamuwarito ŋulu aronok, ikes ŋulu itopoloorito ŋulu itopoloorito Akuj; ikes ŋulu tari kewani erubakinito iwuapito ŋuna adaut ikes akikoŋ.

Awos. 20:7

“Nyisitiyaete ekiro ke Ekapolon Akuj kus analyokonu, anerae nyeesikini Akuj akisican ituŋanan ŋini isitiyae ekiro keŋ analyokonu.

Awos. 8:2

Ani pa kicamak iyoŋ ikes toloto, ekesicani ayoŋ iyoŋ, elelebikini ŋakidodoka nakwap kon daadaŋ.

Yer. 34:21

Ani eruwor erwosit Sedekia ŋolo a Yudaya kaapei ka ŋikapolok ŋulu ipukatotor iŋes, ainakini ayoŋ ikes lomoe kec, neni a ŋulu imanito akiyar kec, ainakini ayoŋ ikes neni a ŋasigarya a erwosit a Babilon a ŋulu aboŋosi aneni kus.

Yer. 39:7

Togoro erwosit a Babilon ŋakonyen a Sedekia, ido toenae iŋes a ŋiriko yaarae Babilon.

Yer. 52:11

Abu daŋ togorono ŋakonyen a Sedekia, toeniu iŋes a ŋiriko, yaarae Babilon neni aponere toenere Sedekia akitodol akoloŋit ŋina atwania.

Esek. 12:13

Nai apetari ayoŋ atibait kaŋ, ikotere ekamunia iŋes, oya nai iŋes lotaun ŋolo a Babilon, nakwap ŋina a Ŋibabiloniyae, nai nyiŋolikini iŋes akwap ka etwani iŋes a ina.

Esek. 16:59

Ŋakiro ŋuna irworo Ekapolon Akuj ikes nu, “Ekesicani ayoŋ iyoŋ lopite ŋolo itiyator iyoŋ, anerae anakimyekin iyoŋ akiwuap acamunet kaŋ ka iyoŋ, ijamuwa iyoŋ ŋuna abu ayoŋ ekoŋ.

Esek. 17:10

Ee, tari kire keduparitae ekitoe ŋol, epedori nai kire iŋes akiyar ka apol a? Nyeiniyari mono iŋes apaki ŋina ekutakinia ekuwuam ŋolo ebunit alo Kide a? Nyeiniyari mono iŋes aneni sek elomunitor a?’ ”

Esek. 17:13

Abu erwosit a Babilon ŋol ya eyenet a erwosit alo Yerusalem epei, tocamunos ka iŋes ka kisikoŋ iŋes akiwuap ŋakiro keŋ, (aris erwosit a Babilon apaki ŋin keriko ŋikapolok a akwap a Yerusalem),

Esek. 21:23

Nai aneni a ŋituŋa a Yerusalem, iirarete ikes ŋakiro ŋun esibit akidwar ŋina ka alyokonu aneni a ituŋanan a ŋini adau akikoŋ akiboi ka ikes emam ŋace, einakini erwosit a Babilon ŋituŋa a Yerusalem atamun aronis ŋina etiyata ikes, ido erikori ikes nakwap keŋ.

Osea 10:4

Irworosi ikes ŋakiro ŋuna nyitiyakinite, ikoŋete ikes alyokonu, ido tocamunos. Aŋun, alalaar akisitanakin a ŋakiro a ŋunacaryo, lopite ŋolo epetakinor edowan neni itatae.

Mal. 3:5

Ebala Ekapolon ŋolo Etiron, “Abuni ayoŋ neni kus atubokin iyes, ido alimuni ayoŋ atipei ŋakiro ŋuna etoroniyaritor ŋikekukujak, ŋikalomak, ŋikalyokonok, ŋiketunak ŋulu itunaete ŋiropito a ŋiketiyak kec, ŋikamodyanakinak ŋulu emodiyanarete ŋiboro anapuseru, alokokyok ka alotuŋa a ŋulugelae. Alimuni ayoŋ atipei ŋakiro ŋuna etoroniyaritor daadaŋ ŋulu nyakakerito ayoŋ.

Ekim. 30:2

‘Ani kikoŋ ekile ainakin idiobore neni ke Ekapolon, kori kikoŋ anakiikinet keŋ ainakin ibore idio, nyemaikina iŋes kimyek ŋuna alimu, emaikina iŋes kitiya ŋuna ekoŋ iŋes analimunet keŋ.’”

Ŋirom. 1:31

Emam ŋakiro emisito ŋitai kec, nyiricito ŋakiro ŋuna iiyanakinete, emam ikes aminanar, emam akitim.

1 Tim. 1:10

aŋuna a ŋulu emalaaka, aŋuna a ŋikilyok a ŋulu iteperete ŋikilyok ŋuluce, aŋuna a ŋulu ekokoiyanarete ŋituŋa ŋuluce, aŋuna a ŋikalyokonok ka ŋulu ikoŋete ka alyokonu ka ŋulu itiyaete ŋace ŋuna nyemaasi ka akitatam ŋina iyookino.

2 Tim. 3:3

eruworosi ŋulu emamukatar aminanar, ŋulu emam akitim, ŋulu irworotor ŋuluce, ŋulu ededeŋ ka eryenyaaka; eruworosi ŋulu eremokino ŋuna ajokak,

Yos. 9:20

Etiyata nu, itemokino iwon kimyekinae ikes, ikotere nyikinyunyurik Akuj iwon aŋuna ekoŋitere aŋuna kec.”