Esek. 16:8 - Ebaibul

⁸ “‘Abu nabo ayoŋ etoru diyete kon ekaku, ekeŋolik iyoŋ kiruwor ŋina kitemokin akitiŋ ŋikilyok. Abu ayoŋ eketanapik iyoŋ elou kaŋ tojoŋo akiler. Abu ayoŋ eik aminakin iyoŋ ka abu ayoŋ ocamunos ka iyoŋ toruwor iyoŋ ŋina kaŋ.

Esek. 16:8 Iomraidhean Croise

Akisy. 22:16

tema, “Ebala Ekapolon, ekoŋ ayoŋ alokiro kaŋ ebe, ‘Aŋakiro aŋuna itiya iyoŋ a ŋun, a ŋina nyimika iyoŋ ayoŋ lokoku kon ŋolodonupei,

Awos. 15:16

Emini ekabule ka akuryanu neni kec; anapedor a ŋina ka akan kon. Okoe Ekapolon! Itiiraete ikes ikwa amoru, akitodol ŋina elunyarotor ŋituŋa kon, itiiraete ikes akitodol ŋina elunyarotor ŋituŋa ŋulu ibu iyoŋ toiu.

Awos. 32:13

Totamu ŋituŋa kon ke elope lu: Aburaam, Isaka ka Isirael, ŋulu arae ŋiketiyak kon. Totamu ŋuna ibu iyoŋ elope kikoŋ neni kec ibala, ‘Etipituni ayoŋ ŋiletok kus tolalata ikwa ŋikacer ŋulu alokidiama, ido ainakini ayoŋ ŋiletok kus akwap na daadaŋ ŋina adau ayoŋ akiikin iyes; eruwor ŋina kec ŋikaru ka ŋikaru.’ ”

Isa. 43:1

Nai tokona Ekapolon ŋolo ikisubuni iyes ŋiletok a Yakob, iŋes ŋolo ikisubuni iyes ŋituŋa a Isirael iŋes alimu atemar: Nyikuryaketa, anerae adau ayoŋ alakun iyes; akanyar ayoŋ iyes a ekiro, ido iruworosi iyes ŋituŋa kaŋ.

Isa. 43:4

Aŋuna iraakatar iyes alokiŋaren kaŋ ŋituŋa ŋulu ijokak nooi, ŋituŋa ŋulu ikitopolooritae ka ŋulu amina ayoŋ, epotori ayoŋ ŋituŋa aŋuna ka aryamun iyes, epotori ayoŋ ŋituŋa a ŋakwapin aŋuna ka akilokonyunia akiyar kus.

Yer. 31:3

abu ayoŋ otakanu neni kec aneni alwanan. Adau ayoŋ aminakin iyes ka amina a ŋina a ŋikaru ka ŋikaru, aŋun, arubak ayoŋ ekekinyomit iyes.

Yer. 31:32

Nyikwaanikin acamunet ŋin ka ŋina ikicamunor ayoŋ ka atapapaa kec apaki ŋina arikunio ayoŋ ikes a akan kaŋ anakwap a Ijipit, acamunet ŋina apotu ikes toŋero tari ŋina araakar ayoŋ Ekapolon kec.

Esek. 16:6

“‘Abu ayoŋ etoru diyete neni iyai iyoŋ ekeŋolik iyoŋ iperi anaokot kon ka abu okolimok iyoŋ atemar toyar!

Osea 11:1

Apaki ŋina ariŋaakar Isirael erae ikoku, abu ayoŋ ominak iŋes, abu ayoŋ onyarau lokoku kaŋ alo Ijipit.

Osea 2:15

A nen, enyakakini ayoŋ iŋes ŋimanikorin keŋ ŋulu ke epiini, eturuwo akadipaalat ŋina ka Acor neni egeunia akigeno, iwuapi iŋes ŋakiro kaŋ a nen lopite ŋolo ewuapitor apaki ŋina ariŋaakar iŋes esorokana ka iwuapi lopite ŋolo etiyaa iŋes apaki ŋina abunio iŋes anakwap a Ijipit.

Osea 2:7

Iwuapi iŋes ŋikilyok ŋulu emina iŋes, nai nyerukauni ikes; iwari iŋes ikes, nai nyeryamuni ikes. Ekaku etemari iŋes, “Aboŋori ayoŋ neni alokile kaŋ a ŋolo a ekiŋaren, anerae ajok paaran akiyar kaŋ ikirukit ka iŋes akilo tokona.”

Mal. 1:2

Ebala Ekapolon neni a Ŋisirael, “Adau ayoŋ amina iyes jwi jwi. Nai iŋitasi iyes ibasi: ‘Alipite ikiminakinia iyoŋ isua?’ ” Iŋita Ekapolon ebe, “Pa mono arae Esau lokato a Yakob a? Abu robo ayoŋ ominak Yakob,

Ŋirom. 5:8

Nai ikitoodik Akuj iwon etyae ŋolo ikiminar iŋes iwon, anerae abu Kristo totwan aŋuna yok eriŋa iwon ikirae ŋikasecak.

Ŋikis. 4:31

Aŋuna eraakar Ekapolon Akuj kus Akuj ŋina esyonon, nyikimyekini iŋes iyes, kori nyikimunyari, kori nyimuryakini iŋes acamunet ŋina abunio iŋes tocamunotor ka atapapaa kus, ŋina abu iŋes kikoŋ neni kec.

Rus. 3:9

Kiŋit iŋes aberu ŋin tema, “Ŋae iyoŋ?” Toboŋok Rus tema, “Ekapolon arae ayoŋ Rus, ido kimyekinae ayoŋ oruwor aberu kon, anerae irae iyoŋ eyenet alokile kaŋ. Aŋun, iyoŋ emaikina ikiurya ayoŋ.”

1 Sam. 12:22

Aŋuna a ekiro keŋ a ŋolo epol nooi, nyeŋeri Ekapolon ŋituŋa keŋ, anerae abu iŋes tolakar ikituruwo iyes ŋituŋa keŋ.