Esek. 16:62 - Ebaibul

⁶² Ewuakini ayoŋ acamunet kaŋ ka iyoŋ, iyenuni iyoŋ atemar arae ayoŋ Ekapolon.

Esek. 16:62 Iomraidhean Croise

Yer. 24:7

Ainakini ayoŋ ikes etau ŋolo eyeniata ikes atemar ayoŋ arae Ekapolon ka eruworosi ikes ŋituŋa kaŋ, ido aruwor ayoŋ Akuj kec, anerae eboŋunete ikes neni kaŋ a ŋitai kec a daadaŋ.

Esek. 16:60

Nai eriŋa ayoŋ ericit acamunet kaŋ ka iyoŋ, ŋina aponi iwon tocamunetei eriŋa iyoŋ irae asorokit, nabo ewuakini ayoŋ acamunet kaŋ ka iyoŋ ŋinaruba.

Esek. 20:37

Ekedari ayoŋ iyes ejok nooi ka eketuruwori ayoŋ iyes ŋulu iwuapito acamunet kaŋ ka iyes.

Esek. 34:25

“Ewuakini ayoŋ acamunet ŋina a ekisil neni kaŋ ka ikes, alemari ayoŋ ŋityaŋ ŋulu adedeŋak anakwap kec, ikotere ŋamesekin kaŋ iboiyete analoŋisat ka eperete anamon emam ibore enyami.

Esek. 37:26

Ewuakini ayoŋ acamunet kaŋ ka ikes ŋina a ekisil, eruwor acamunet kaŋ ŋin ka ikes ŋina a ŋikaru ka ŋikaru, eterereŋi ayoŋ ikes ka etipituni, ido ewuakini ayoŋ akibois kaŋ ŋina asegan neni kec ŋikaru ka ŋikaru.

Esek. 39:22

Ameun akoloŋit ŋin tari lorwa ŋulu eponito, eyenunete Ŋisirael atemar arae ayoŋ Ekapolon Akuj kec.

Esek. 6:7

Earakinio ŋituŋa kus kidiŋ kus; ŋun nai ikiteyenunete iyes atemar arae ayoŋ Ekapolon.

Dan. 9:27

Iwuakini nai ekarikon ŋol acamunet ŋina agogoŋon ka ŋituŋa ŋulu alalak, acamunet ŋina iboi ŋikaru ŋikanikaarei, ani elunyar atutubet apei ŋina a ŋikaru a ŋul, elemari iŋes ŋamuronisya ka ŋainakineta. Iwuakinio neni sek eayeneneo ikes etorube ŋolo aronon ŋolo asiilyanan ŋolo eyauni ekasile. Erubakini iŋes eyai nen akitodol ŋina emunaarya Akuj ŋini abu kiwuak etorube ŋolo nen, itiyakin ŋun lopite ŋolo etubunitor Akuj.”

Yoel 3:17

“Aŋun, iyenunete iyes atemar, eboi ayoŋ Ekapolon Akuj kus alomukura kaŋ a ŋolo asegan. Eruwor Yerusalem akibois ŋina asegan, ido nyilounete nabo ŋituŋa ŋulugelae kidiŋ iŋes jik.