Esek. 16:57 - Ebaibul

⁵⁷ eriŋa aronis kon nyisileereuno a? Nai tokona, iruwor iyoŋ ŋina ikikyenatar ŋituŋa ka Aram ka ŋikidunyet kec daadaŋ ta Ŋipilistin ka ŋikidunyet kon daadaŋ.

Esek. 16:57 Iomraidhean Croise

Ŋikiru. 50:21

Idaut iyes akitiya ŋakiro ŋun, ido eliliŋi ayoŋ cek; itamete iyes atemar kori ekoni ayoŋ iyes. Nai tokona ekeyeyakini ayoŋ iyes, ido akalimokini tokona ŋuna ekesitakinitor.

Isa. 14:28

Alokaru a ŋolo atwania erwosit Aas aponi todwarae ŋakiro nu:

Isa. 7:1

Alorwa a ŋulu epukator Aas lokoku a Yosam a ŋolo arae lokoku a Usia ŋina araakar iŋes erwosit a Yudaya, apotu erwosit Resin ŋolo ka Aram ka erwosit Peka lokoku a Remalia ŋolo anakwap a Isirael toloto akirem Yerusalem, nai apotu nyepedosi akitijiore ŋituŋa a Yerusalem.

Yer. 33:24

“Nyeyenuna iyoŋ atemar irworosi ŋituŋa lu ebasi, ‘Aŋer Ekapolon ŋikalya ŋuluarei ŋulu abu iŋes toseu,’ nyeyenuna iyoŋ epite ŋolo ejamuwaritotor ŋituŋa ikes, ido nyeriŋa ikes iteete ikes ikwapei ŋituŋa ka akwap kec a?

Aum. 4:22

Okoe ŋituŋa a Sion adaun akisican iyes aŋuna ka asecit kus; nyerubakini Ekapolon ikimyekinit iyes iyakasi nakwapin. Nai okoe iyes ŋituŋa ke Edom ikisicani iyes Ekapolon aŋuna a asecit kus, isileereuni Ekapolon ŋasecisya kus.

Esek. 16:27

Aŋun, abu ayoŋ ekesican iyoŋ, etiditeu akwap kon; ekepotok iyoŋ nacamit ŋina a ŋimoe kon, a ŋulu arae ŋiletok a Ŋipilistin. Aumokinito ŋimoe ŋul nooi aŋuna ka asiilyo a ŋina itiyae iyoŋ.

Esek. 16:56

Pa mono imina iyoŋ akirworor nakaato kon Sodoma apaki ŋina ituror iyoŋ

Esek. 21:24

“Aŋun, ŋakiro ŋuna irworo Ekapolon Akuj ikes nu, ‘Aŋuna tokona ŋituŋa itamuniata iyes aronis kus alotooma akiŋer ayoŋ ŋina eleere, ŋina etoodiunit ŋasecisya alotooma daadaŋ ŋuna itiyaete iyes, ikirikoryo iyes anakwap kus.

Esek. 22:4

Iruworosi iyes ŋikasecak aŋuna iaryata ŋituŋa ŋuluce ka imunaarosi iyes anakujo a ŋuna itiyaut iyes. Itaapuut iyes akoloŋit kus, adaun ŋikaru kus. Aŋun, eketuruwori ayoŋ iyes ŋulu ikikyenare anakwapin ka ŋulu ikisoloo anakiboisyo a daadaŋ.

Esek. 23:32

Alimu Ekapolon Akuj atemar, iryamuni iyoŋ ŋican ŋulu abu nakaato kon toryamu, epete ŋul tooma kon ka nawaetin kon ikiinakinete iyoŋ ŋican ŋul ajala bon ka ajamuwaro bon, anerae erae ŋican ŋulu epipil nooi.

Esek. 27:16

Apotu ŋituŋa a Edom kicurutata kaapei ka iyoŋ aŋuna alalata nooi ŋiboro kon; apotu ikes yaasi ŋiboro kon, ikiinakis iyoŋ ŋamoru ŋuna inyalal ŋiraŋgi ŋuna enyaritae Yasiper, ŋilowi ŋulu kipura-areŋak, ŋiboro ŋulu esibusitae, ŋilowi ŋulu ajokak ŋulu amilimilak, ŋiboro ŋulu epol egyelit nooi ka ŋinapito ŋulu amilimilak nooi.

Esek. 5:14

Nabo daŋ eturuwori ayoŋ etaun kus ereŋorot, ibore koŋin ŋini ejamuwarito ŋakwapin daadaŋ ŋuna eya nawaetin keŋ ka daadaŋ ŋulu itorunete diyete keŋ.

Esek. 5:15

Apaki ŋina akaŋoikinia ka akaryenyanikinia ayoŋ iyes, eketuruwo akitocoikinet a ŋuluce, ebuli ŋakwapin daadaŋ ŋuna idunyatar iyes. Ikiŋolikinete ikes iyes ikimenito ka ikijamuwarito.

Osea 2:10

Tokona, esileereuni ayoŋ aleeco keŋ alokiŋaren ŋikilyok ŋulu emina iŋes, mam ituŋanan epedori aiun iŋes anapedor kaŋ.

Osea 7:1

Apaki daadaŋ ŋina etaŋaleunio ayoŋ ŋituŋa a Isirael, ileereununui aronis a Epuraim ka ileereununete ŋiticisyo ŋulu aronok ŋulu itiyaete ŋituŋa a Samaria, anerae itiyaete ikes ŋuna ka amodiyo, ebwaŋabwaŋaete ŋikokolak ŋakais, edemanarete ŋikademak ŋituŋa ŋiboro alorotin.

Sepan. 3:19

Apaki ŋin, esicani ayoŋ ŋulu ikiimakinito iyes, aiuni ayoŋ ŋikaŋwalak, ido ocunak ŋulu ejamuwaritae, elocokini ayoŋ aleeco kec, ainakini ayoŋ ŋituŋa kitopoloosi ikes, ikotere todaun ŋileec aneni kec.

Ekim. 23:7

Tosodi kirwor Balaam ŋakiro ŋuna kebu Akuj tolimok iŋes tema, “Akayau ayoŋ Balak alo Aram, akayau ayoŋ erwosit a Moab alomoru a ŋulu alo Kide ebala, ‘Bua, kicen ŋituŋa a Yakob aŋuna kaŋ, bua, kisitak Ŋisirael.’

1 Ŋikor. 4:5

Aŋun, nyitubokis idiotuŋanan eriŋa nyedoluno apaki ŋina itemokino, ŋina eboŋunio Ekapolon. Inwakuni Ekapolon ibore daadaŋ ŋini iwuaitae anakiryonut, itatakanuni ŋakiro ŋuna iwuaitae ŋuna a ŋitai a ŋituŋa. Eryamuni nai ŋinituŋanan akipuro ŋina ejoikinit toryamu aneni ka Akuj.