Esek. 16:54 - Ebaibul

⁵⁴ ikotere nai iyoŋ idaŋidaŋi ŋican kon ka ikiruma ŋileec anakiro a daadaŋ a ŋuna itiya iyoŋ anakisirworiunun ikes.

Esek. 16:54 Iomraidhean Croise

Yer. 2:26

“Lopite ŋolo irumyata ekokolan ŋileec ikamunio, Irumete ŋituŋa a Isirael daŋ ŋileec, irumete ŋileec ŋituŋa a Isirael, ŋirwosi kec, ŋikapolok kec, ŋisacaradotin kec ka ŋikadwarak kec,

Esek. 16:52

Kidaŋidaŋ nai ŋican kon, anerae itiditeu iyoŋ atubokino a ŋakaitotoi kon, aŋuna a ŋasecisya kon a ŋuna ibu iyoŋ kitiya anasiilyo akilo ŋakaitotoi kon, iyookino ikes akilo iyoŋ. Aŋun toryamu ŋileec kon ka kidaŋidaŋ ŋican kon, anerae itatakan iyoŋ ŋakaitotoi kon erae ŋuna iyookino akilo iyoŋ.

Esek. 16:53

Tari kikote neni daŋ enyakakini ayoŋ nabo ŋarereŋisyo neni a Sodoma ka ŋirerya keŋ ta neni a Samaria ka ŋirerya keŋ. Ekenyakakini ayoŋ iyoŋ daŋ ŋarereŋisyo,

Esek. 16:55

Ani eruwor ŋakaitotoi kon Sodoma ka ŋirerya keŋ ka Samaria ka ŋirerya keŋ, eyakaun ejok lopite ŋolo sek ayakatar ekiŋaren, iyoŋ daŋ ka ŋirerya kon iyakaun ejok lopite ŋolo sek iyakar.

Esek. 16:63

Ani nai esyoni ayoŋ ŋuna daadaŋ itiya iyoŋ, itamuni iyoŋ ŋuna itiya ka ikirumete ŋileec nyirworik nabo jik aŋuna a ŋileec kon.”

Esek. 32:24

“Eyai akwap a Elam nakibois a ŋikatwak ŋin, irimokinito alyal keŋ kidiŋ ŋajoresyo keŋ daadaŋ, aaryo ŋul daadaŋ a ekileŋ, apotu ikes toloto nakibois a ŋikatwak pa enupito neni ka Akuj, arae ikes apotu yaut ekabule nakwap a ŋituŋa a ŋulu eyarete. Irumito ikes ŋileec kec kaapei ka ŋulu alomasi nakipany.

Esek. 5:7

Aŋuna aruworotor ŋituŋa a Yerusalem ŋulu ipegeiyoro akilo ŋulu a ŋakwapin a daadaŋ a ŋuna eya nawaetin kec, ido nyiwuapa ikes Ŋikisila kaŋ ka nyitiya ŋuna atubunit ayoŋ, nai etiyata ŋuna etubunito ŋituŋa a ŋakwapin a daadaŋ aŋuna eya nawaetin kec,