Esek. 16:52 - Ebaibul

⁵² Kidaŋidaŋ nai ŋican kon, anerae itiditeu iyoŋ atubokino a ŋakaitotoi kon, aŋuna a ŋasecisya kon a ŋuna ibu iyoŋ kitiya anasiilyo akilo ŋakaitotoi kon, iyookino ikes akilo iyoŋ. Aŋun toryamu ŋileec kon ka kidaŋidaŋ ŋican kon, anerae itatakan iyoŋ ŋakaitotoi kon erae ŋuna iyookino akilo iyoŋ.

Esek. 16:52 Iomraidhean Croise

Akisy. 38:26

Toyen Yuda ŋiboro ŋul erae ŋulu keŋ tema, “Erae iŋes ŋina iyookino akilo ayoŋ, anerae abu ayoŋ nyainak iŋes neni a Sela alokoku kaŋ.” Anyoun apaki ŋin, nyiryamakina ikes nabo jik.

1 Ŋirw. 2:32

Inyaŋari Ekapolon aneni a Yoab ŋaokot a ŋituŋa a ŋulu abu iŋes toar, anerae abu pa eyeni papa kaŋ Daudi kitiji ŋikilyok ŋiarei, toar ikes ka atum. Arae ŋuluarei ŋul Abiner lokoku Ner ŋolo arae ekarikon ka ajore anatutubet a ŋina anyaritae Isirael ka arae ŋoloce Amasa lokoku a Yeser ŋolo arae ekarikon ajore a atutubet a ŋina anyaritae Yudaya. Arae ŋuluarei ŋul ŋikilyok ŋulu ajokak ŋulu eyookino akilo Yoab.

Yer. 23:40

Tosodi alemari ayoŋ ajokis a nen ŋikaru ka ŋikaru okoinak iyes ŋileec ŋulu a ŋikaru ka ŋikaru, ŋulu nyimuryakinosi.”

Yer. 3:11

“Abu nai Ekapolon kirwor neni kaŋ tema, ‘Etoodiut ŋituŋa a Isirael ŋulu emam anupit kec atemar nyiilit ikes nooi aŋuna ka asecit lopite ŋolo iilitor ŋikalyokonok, ŋituŋa ŋulu a Yudaya.

Yer. 31:19

Aponi isua ikiŋeri iyoŋ, nai aponi tokiwae aronis kosi, aponi isua toyenunae ŋunakitiya, nai aponi kiyaloloŋoi nooi, apotu ŋileec ikiruma isua ka abu ikikadak isua, anerae ikipotu isua oseca eriŋa eraakae ŋisorok.’

Yer. 51:51

Ibasi iyes, ‘Ikisurumi isua ŋileec, anerae ikiyanyo isua ikijamwari isua, elelebun ŋileec loreetin kosi, anerae apotu ŋituŋa ŋulugelae, nakiboisyo ŋuna asegak alo Kai ke Ekapolon.’

Esek. 16:47

Nyitiya iyoŋ ŋuna bon apotu ikes ikitiyata, ibu iyoŋ kiwuap ka kisisau akitiya ŋakiro ŋuna aronok ŋuna etiyaete ikes, nai alotooma ŋipitesyo kon daadaŋ, ibu iyoŋ kiburuburak amunaar atipei akilo ikes.

Esek. 16:48

Alimu tokona Ekapolon Akuj, atemar, ikwapei kire jik ayarya ayoŋ, abu nakaato kon Sodoma ka ŋirerya keŋ nyitiyata ŋakiro ŋuna itiyata iyoŋ ka ŋirerya kon.

Esek. 16:53

Tari kikote neni daŋ enyakakini ayoŋ nabo ŋarereŋisyo neni a Sodoma ka ŋirerya keŋ ta neni a Samaria ka ŋirerya keŋ. Ekenyakakini ayoŋ iyoŋ daŋ ŋarereŋisyo,

Esek. 16:54

ikotere nai iyoŋ idaŋidaŋi ŋican kon ka ikiruma ŋileec anakiro a daadaŋ a ŋuna itiya iyoŋ anakisirworiunun ikes.

Esek. 16:56

Pa mono imina iyoŋ akirworor nakaato kon Sodoma apaki ŋina ituror iyoŋ

Esek. 16:63

Ani nai esyoni ayoŋ ŋuna daadaŋ itiya iyoŋ, itamuni iyoŋ ŋuna itiya ka ikirumete ŋileec nyirworik nabo jik aŋuna a ŋileec kon.”

Esek. 32:24

“Eyai akwap a Elam nakibois a ŋikatwak ŋin, irimokinito alyal keŋ kidiŋ ŋajoresyo keŋ daadaŋ, aaryo ŋul daadaŋ a ekileŋ, apotu ikes toloto nakibois a ŋikatwak pa enupito neni ka Akuj, arae ikes apotu yaut ekabule nakwap a ŋituŋa a ŋulu eyarete. Irumito ikes ŋileec kec kaapei ka ŋulu alomasi nakipany.

Esek. 36:15

Nyiirarete nabo iyes ŋiyany ŋulu ikiyanyata iyes ŋituŋa a ŋakwapin ka nyiryamunete nabo iyes ŋican ŋulu ikijamuwaritotor iyes ŋituŋa a ŋakwapin, kori nyimyekinete iyes akwap kus emunaaryo.’ ”

Esek. 39:26

Nyetamunete nabo jik ikes ŋileec kec ka ŋakiro daadaŋ ŋuna apotu ikes kitiya emam akikinyomit ayoŋ apaki ŋina eboiyoto ikes anakwap kec emam awasya ka emam ituŋanan etukuryani ikes.

Esek. 44:13

Nyemaikina ikes toapuut neni kaŋ, kitiyata etic kaŋ ikwapei ŋisacaradotin, kori kidunya ibore kaŋ idio ŋini italeunitoe, kori ŋainakineta ŋuna asegak nooi ŋuna eyaunitae neni kaŋ. Nai emaikina ikes kiruma ŋileec ŋulu ka asiilyo a ŋina adaut ikes akitiya.

Osea 10:6

Eaaryo etorube ŋol Asiriya, ikwapei ocur neni ke erwosit a ŋolo apolon. Isirumio ŋituŋa a Epuraim ŋileec ka irumete ŋituŋa a Isirael ŋileec aŋuna a etorube a ŋolo ka akuj kec.

Luk. 6:37

“Nyitubonokis ŋuluce, ikotere nyikitubok Akuj iyes. Nyitoroniyasi ŋuluce, ikotere nyikitoroniya Akuj iyes. Kisyonioto ŋuluce, ikotere ikisyoni Akuj iyes.

Ŋirom. 1:32

Eyenete ikes atemar ebala ekisil ŋolo ka Akuj ebe, ŋulu itiyaeneneete ŋakiro ŋun, itemokino totwaka. Tari kikote nen, nyerubakinito ikes itiyaete ŋun bon, nai itojokito daŋ ŋulu itiyaete ŋuna itiyaete ikes.

Ŋirom. 2:10

Nai neni a ŋituŋa a daadaŋ a ŋulu itiyaete ŋuna ajokak, einakini Akuj ikes ekisil, itopoloori ka itojoki daŋ; neni a Ŋiyudayan mono, ido nai neni a ŋulu nyerae Ŋiyudayan daŋ.

Ŋirom. 6:21

Nyo nai ipotu iyes toryamut apaki ŋina itiyaata iyes ŋakiro ŋun ŋuna tokona ikirumitotor iyes ŋileec? Atwanare iŋes abu bu anakiro a ŋun!

1 Sam. 24:17

Tema Saul neni a Daudi, “Irae iyoŋ ŋolo iyookino akilo ayoŋ; anerae itiya iyoŋ ŋuna ajokak neni kaŋ, ido etiya ayoŋ ŋuna aronok neni kon.