Esek. 16:49 - Ebaibul

⁴⁹ Asecit anakaato kon Sodoma iŋes na, abu iŋes ka ŋirerya keŋ kiturokinos, todakakiata nooi ka kiboiyoto anakinapakina, nai pa apotu ikes kiŋarakis ŋikulyak ka ŋulu ayakatar akiitanit.

Esek. 16:49 Iomraidhean Croise

Akisy. 13:10

Toŋoleŋolek Lot erounit akwap ŋin daadaŋ, ani iŋoliyari lowae ŋolo a Yorodan, kiŋolik ŋadipoe ŋuna a Yorodan erae ŋuna elelenakini ejok alowaetin a daadaŋ, ikwaan ke emanikor ŋolo ke Ekapolon ka akwap ŋina a Ijipit alowae a ŋolo a Soar. Apaki ŋin, ariŋa Ekapolon nyinyasuna Sodoma ka Gomora.

Akisy. 13:13

Nai aneni ke Ekapolon, aroko ka arae ŋikasecak nooi ŋikilyok ŋulu alo Sodoma.

Akisy. 18:20

Tema Ekapolon, “Epol nooi akigworo aŋuna a ŋituŋa a Sodoma ka Gomora, epol daŋ nooi ka elal asecit kec.

Akisy. 19:24

Totiyau Akuj sulpa ka akim alokidiama ikwa akiru lotaunio ŋulu a Sodoma ka Gomora;

Akisy. 19:9

Nai toboŋokis ikes temasi, “Kiyoto!” Tosodi temasi, “Abuni lo ne erae egela, ido itemokino mono iŋes erae ekatubon jwi jwi a? Ikisicanio tokona isua iyoŋ erono nooi akilo ŋikilyok ŋul.” Kijukasi ikes Lot nooi, kiimakis lopuke aŋuna ka abwaŋia epuke.

Ŋikiru. 138:6

Tari daŋ keyai Ekapolon kidiama, iŋarakinit iŋes ŋulu epapanunito, nai ite iŋes aneni alwanan nooi ŋiketurok itiyaete ŋuna aronok.

Ŋakit. 16:18

Erikori akituro ituŋanan nakinyasuno, ido erikori ajamuwarit ŋuluce ituŋanan nacaryonut.

Ŋakit. 16:5

Esiilyaka aneni a Ekapolon ŋituŋa daadaŋ ŋulu erae ŋiketurok, ŋituŋa, toyenete atemar nyebucarosi ŋulu aronok anakisicanio.

Ŋakit. 18:12

Ani eriŋa ituŋanan nyemunaara, ileleba akituro lotau keŋ, nai akitiditeuna mono emaikina eyakar ituŋanan eriŋa nyitopolooro.

Ŋakit. 21:13

Ani kiŋer iyoŋ akiirar ŋakiro ŋuna ilipatar ŋikulyak ibore aneni kon, iruwor iyoŋ ŋini ilipanar, ido emam ituŋanan ecamuni akiirar ŋakiro ŋuna ilipar iyoŋ.

Ŋakit. 21:4

Akitopolooro bon ka akituro, ŋakiro ŋuna itiyaete ŋituŋa ŋulu aronok, erae asecit.

Isa. 1:10

Kiirasi ŋakiro ŋuna irworo Ekapolon, iyes ŋikepukak a Sodoma! Topupokisi ŋakiro ŋuna itatami Akuj kosi, iyes ŋituŋa a Gomora!

Isa. 16:6

Temasi ŋituŋa a Yudaya neni a ŋituŋa a Moab, “Aponi isua kiirarae epite ŋolo iturotor ŋituŋa a Moab, isupasi ikes nooi, iturosi ka eŋoito, nai erae akituro kec koŋin.”

Isa. 3:9

Elimorit epite ŋolo etakaniata ŋireetin kec aremokino kec Ekapolon, iseraete ikes asecit kec lopite ŋolo etiyaata ŋituŋa a Sodoma nyimunonito ikes asecit kec. Aca kec! Ayaut ikes ŋilam neni kec.

Isa. 47:8

“Aŋun tokona kiirasi ŋakiro nu, iyes ŋulu iminasi ŋakiro ŋuna ikitalakarito iyes ŋikulepek, iyes ŋulu iboiyete emam ŋace, iyes ŋulu itamete make alotai kus ebe, ‘Ayai ayoŋ ikikwaan ka Akuj, emam ice mati ayoŋ bon; nyeboikin ayoŋ esibit arae apuserut, kori nyetwakete ŋidwe kaŋ.’

Yer. 48:11

“Ŋinapei anasorokanu kec eboiyete ŋituŋa a Moab emam ŋace, eboiyete ikes a ekisil lopite ŋolo esipor epiini anamoti, epiini ŋolo ŋilocokin anibore a ipei neni a ŋinice, mam tari nyerikoro ŋituŋa a Moab nakwap ace, aŋun ikwaan ikes ka epiini ŋolo nyemunaara abobou keŋ ka nyemunaara eure keŋ.”

Esek. 16:46

Arae Samaria nakaato kon ŋina apolon, ŋina eboi alo Kuju kon eyakar ŋirerya keŋ; arae Sodoma nakaato kon ŋina cici, ŋina eboi alo Kwap kon eyakar ŋirerya keŋ.

Esek. 18:12

kedemanari ŋikulyak ka ŋulu eyakatar akiitanit ŋiboro kec, kori kekokoi ka pa kinyakanakini ŋituŋa ibore ŋini ideniyorit iŋes, kori kemitakinit iŋes nooi ŋuna a ŋakujo, kitiyae asiilyo,

Esek. 18:16

nyitiya aronis adio neni a ituŋanan a idio, nyiwar aryamun ŋice alosiliŋa a ŋulu ideniyorit ituŋanan aneni keŋ, kori nyekoko ibore idio, nai inanakini ŋulu enyamit akoro ibore ŋininyamat ka ŋulu elerete ibore ŋininapat,

Esek. 18:7

ani pa kedemanari iŋes ŋuluce ŋiboro kec ka ketaci ibore ŋini idenit iŋes, kori pa kekokoi, ido inanakini ŋulu enyamit akoro ibore ŋininyamat, inanakini ŋulu elerete ibore ŋininapat,

Esek. 23:42

Apupyo aneni iboiyoto iyes etoil a ŋituŋa a ŋulu alalak nooi a ŋulu acelasi ikwa acamitotor. Arae ŋul atukot a ŋikamerak a ŋulu ayaunitae analoŋisat kaapei ka ŋikilyok ŋulu eriratae alotuŋa a ŋulugelegelya. Apotu ŋituŋa ŋul toenianakis nakyes a ŋaberu ŋibokoto ŋulu ebusak.

Esek. 28:17

Ibu iyoŋ kiturokin nooi alotau kon aŋuna ka akibuses kon; ibu iyoŋ tomunaa aosou kon, aŋuna ka ailiil kon anapolou. Aŋun, eketolomari ayoŋ iyoŋ kwap; ekesileerekini ayoŋ iyoŋ neni a ŋirwosi, ikotere ikes ikiteete iyoŋ irae ecaryoit.

Esek. 28:2

“Lokoku a ituŋanan, tolimok erwosit a Tiro atemar, alimu Ekapolon Akuj ŋakiro nu, ‘Anakituro ŋina eyai lotau kon,’ ibala iyoŋ ebe, ‘Arae ayoŋ akuj; eboi ayoŋ alokicoloŋ ikwapei iboiyoto ŋakujo, ayai ayoŋ kidiŋ jik ŋanamyo.’ Nai irae iyoŋ ibore ŋini etwani, meere iyoŋ akuj, tari daŋ kisikwaanit iyoŋ ŋatameta kon ka ŋuna ka akuj.

Esek. 28:9

Irubakini mono iyoŋ ibala, ‘Arae ayoŋ akuj; toyakas bo neni kon ŋikaarak iyoŋ a? Iruwor iyoŋ ibore ŋini etwani, meere akuj, apaki ŋina eponiata neni kon ŋikaarak iyoŋ.

Esek. 29:3

Tolimok iŋes atemar, alimu Ekapolon Akuj ŋakiro nu ebe, ‘Ekemanit ayoŋ iyoŋ Parao erwosit ŋolo a Ijipit, iyoŋ epiu ŋolo iletete anakipi a ŋuna a ŋakitelesyo,’ ibala iyoŋ, ‘Aŋolol kaŋ Nile, erae ŋina kaŋ a elope; ayoŋ abu etiyau iŋes aŋuna kaŋ.’

Dan. 4:30

abu erwosit tema, “Meere mono etaun a Babilon ŋoloti apolon lo a? Etaun ŋolo adau ayoŋ adukokin erae neni iboiyo erwosit, ŋolo adau ayoŋ adukokin a apedor kaŋ aŋuna ka akitoodiunia apolou kaŋ ŋina ailiilon a?”

Dan. 4:37

Ayoŋ Nebukadinesar epuro ka etopoloorit erwosit ŋolo eyai nakuj, anerae erae ŋiticisyo keŋ daadaŋ ŋulu a kire ka iyookino ŋuna itiyae iŋes, tosodi epedori iŋes akitiditeun ŋulu iturosi.

Dan. 5:23

idau iyoŋ akitopoloor bon anaŋerit Ekapolon ŋolo eyai nakuj. Adaun ayaun ŋiboro ŋulu ka Akai keŋ neni kon, ido isitiyata iyoŋ ka ŋikapolok kon, ŋaberu kon ka ŋaberu kon ŋuna nyiisitae ŋiboro ŋul amasya epiini. Ipur iyoŋ ŋakujo ŋuna itiyaunitae a egolid, a esilipa, a eburonis, a ŋasuwa ka a akitoe ta a amoru, ŋakujo ŋuna nyiteete kori nyepupete, kori nyeyenete ŋakiro; nai nyitopolooro iyoŋ Akuj ŋina ikiinit iyoŋ ekieŋanu, Akuj ŋina ikidarit iyoŋ aloticisyo kon a daadaŋ.

Obad. 1:3

Ikimodik iyoŋ akituro alotau kon, iyoŋ ŋina iboi anaitae a ŋimoru, iyoŋ ŋina erae neni eoya alomoru erae ere kon. Ibala iyoŋ alotau kon, ‘Ŋae epedori acakun ayoŋ kwap?’

Luk. 17:28

Ikwaanikinosi ŋirwa ŋul ka ŋirwa ŋulu a Lot, emujete ŋituŋa daadaŋ ka tomasete, agyelete, nabo togyelanarete, etaete ka todukete.

Luk. 21:34

“Tokienyete! Kiuryasi adakanu, amera ka apodo ŋuna ka akiyar a na, nyikitumosi iyes, todolu akoloŋit ŋin atipei pa iyenete iyes,

Ŋikis. 32:15

Apotu ŋituŋa a Yakob kimuja kimwoko, totum Yesurum tobolyak, ipotu iyes totuma, tomalimala ka toburyoto. Apotu Ŋisirael toŋero Akuj kec ŋina asubuni ikes. tojamuwasi akaiunan kec ŋina etiron.

Yak. 5:5

Iboiyoto iyes anakwap alotooma ajakao ka alakara; ituma iyes, esibit itemonokinosi aŋuna ka akoloŋit a ŋina ikiŋolere.

1 Pet. 5:5

Ikwaŋinapei ikoŋin, iyes daŋ ŋisorok, tokerito ŋikasikou. Itemokino iyes daadaŋ itiditeuna aneni a ŋuluce, ikotere kiŋaranakinos make, anerae igiritae Nakigireta ebe, “Itepegi Akuj ŋulu iturosi, nai erimaana aneni a ŋulu itiditeuna.”

Akis. 11:8

ido topero ŋawat kec alorukude a ŋolo ke etaun a ŋol, neni ebubukinitoe Ekapolon kec. Isikwaanitae ekiro ŋolo ke etaun a ŋol ka Sodoma kori Ijipit.