Esek. 16:47 - Ebaibul

⁴⁷ Nyitiya iyoŋ ŋuna bon apotu ikes ikitiyata, ibu iyoŋ kiwuap ka kisisau akitiya ŋakiro ŋuna aronok ŋuna etiyaete ikes, nai alotooma ŋipitesyo kon daadaŋ, ibu iyoŋ kiburuburak amunaar atipei akilo ikes.

Esek. 16:47 Iomraidhean Croise

1 Ŋirw. 16:31

Ikwapei atakania aneni ka Aab esibit edit ŋina abunio iŋes kiwuapya ŋuna etiyat Yeroboam alokoku a Nebat, abu Aab kiit Yesebel nakoku a Esibaal a erwosit a ŋolo a Sidon, ido kisyak akitiyanakin Baal ka akilip neni a Baal.

2 Ŋirw. 21:16

Tari nabo daŋ, aarit Manase ŋituŋa ŋulu alalak nooi alo Yerusalem pa esecito, toleleiyaasi ŋaokot ameun alowae a epei akitodol lowae ŋoloce. Kiyatakin ŋun nasecit ŋina arikokinia iŋes ŋituŋa a Yudaya nasecit kitiyata ŋuna aronok aneni ke Ekapolon.

2 Ŋirw. 21:9

Nai apotu ikes towout akiirar. Abu Manase kibata ikes akitiya aronis ŋina eloit nooi ŋina a ŋakwapin a ŋuna abu Ekapolon kirita alokiŋaren Ŋisirael.

Yer. 3:7

Abu ayoŋ otam otema, ‘Kedaut ikes akitiya ŋakiro ŋun daadaŋ eboŋunete ikes neni kaŋ,’ nai apotu ikes nyeboŋut ka apotu ŋikaitotoi kec ŋituŋa a Yudaya kiŋolikis ŋakiro ŋun.

Yer. 3:8

Apotu ŋituŋa a Yudaya kiŋolikis atemar aŋuna amalaaniyaryata ŋituŋa a Isirael ŋulu emam anupit ŋul, abu ayoŋ erita ikes atubokinit aŋuna ka amalao. Kikote neni daŋ apotu ŋituŋa a Yudaya ŋikaitotoi kec ŋulu adyakarito nyekuryaketa, nai apotu ikes daŋ toloto akilip neni a ŋakujo.

Esek. 16:48

Alimu tokona Ekapolon Akuj, atemar, ikwapei kire jik ayarya ayoŋ, abu nakaato kon Sodoma ka ŋirerya keŋ nyitiyata ŋakiro ŋuna itiyata iyoŋ ka ŋirerya kon.

Esek. 16:51

Nyitiya Samaria tari atutubet apei a ŋasecisya a ŋuna itiya iyoŋ; itiya iyoŋ asiilyo ŋina alalan akilo ŋituŋa a Samaria ka atakan aneni a ŋakaitotoi kon esibit iyookino ikes akilo iyoŋ anasiilyo a ŋina itiya iyoŋ.

Esek. 16:52

Kidaŋidaŋ nai ŋican kon, anerae itiditeu iyoŋ atubokino a ŋakaitotoi kon, aŋuna a ŋasecisya kon a ŋuna ibu iyoŋ kitiya anasiilyo akilo ŋakaitotoi kon, iyookino ikes akilo iyoŋ. Aŋun toryamu ŋileec kon ka kidaŋidaŋ ŋican kon, anerae itatakan iyoŋ ŋakaitotoi kon erae ŋuna iyookino akilo iyoŋ.

Esek. 8:17

Tema nai Akuj neni kaŋ, “Lokoku a ituŋanan, iŋolik iyoŋ ŋakiro nu a? Nyerae mono ibore ŋini aronon nooi akiŋolikin asiilyo ŋina itiyaete ŋituŋa a Yudaya a ne a? Emaikina mono ikes kilelebikis tari aryenyeo nakwap ka torubakis eketoŋoito ayoŋ a? Kiŋolik iyoŋ epite ŋolo iasyata ikes akitoŋo ayoŋ nooi alopite a daadaŋ a ŋolo ecamito ikes!

1 Ŋikor. 5:1

Elimunitoe kire atemar eyai amalao kidiŋ kus ŋina aronon nooi, ŋina nyeryamun tari aneni a ŋulu nyenupito Akuj ŋina a kire. Anerae elimunitoe ebe eyai ekile ŋolo elomenene aberu a papa keŋ ŋinace!