Esek. 16:45 - Ebaibul

⁴⁵ Irae iyoŋ kire jik nakoku a toto kon, a ŋina abu tojamuwa lokile keŋ ka ŋidwe keŋ, iyoŋ bon irae nakaato ŋina a kire anakaitotoi kon a ŋuna apotu tojamuwasi ŋikilyok kec ka ŋidwe kec. Arae toto kon Aititait ka arae papa kon Emorait.

Esek. 16:45 Iomraidhean Croise

Isa. 1:4

Ekaŋ iyes ŋituŋa a akwap a ŋina a ŋikasecak ŋituŋa ŋulu ileleba asecit, ŋiletok ŋulu itiyaete aronis 2ŋituŋa ŋulu itunaete ŋuluce. Aŋero ikes Ekapolon, aŋero ikes ŋolo Asegan ŋolo a Isirael ka amuleno Ekapolon.

Esek. 16:15

“‘Nai ibu iyoŋ Yerusalem kikinyom akibuses kon ka ibu kisitiya arwonu kon aruworor amalaat ŋina irukito ka ŋinituŋanan daadaŋ itoruni neni kon.

Esek. 16:3

Tema iyoŋ neni a Yerusalem, ‘Alimu tokona Ekapolon Akuj aŋuna a Yerusalem ŋakiro nu atemar arae koloŋ nakwap a Ŋikanaani aponiata ŋituŋa kon ka edounere ikes. Arae papa kec Emorait ka arae toto kec Aititait.

Esek. 16:8

“‘Abu nabo ayoŋ etoru diyete kon ekaku, ekeŋolik iyoŋ kiruwor ŋina kitemokin akitiŋ ŋikilyok. Abu ayoŋ eketanapik iyoŋ elou kaŋ tojoŋo akiler. Abu ayoŋ eik aminakin iyoŋ ka abu ayoŋ ocamunos ka iyoŋ toruwor iyoŋ ŋina kaŋ.

Esek. 23:2

“Lokoku a ituŋanan, ayakasi koloŋ ŋaberu ŋaarei, arae ikes ŋidwe a apeiberu.

Sakar 11:8

Alotooma elap epei, abu ayoŋ oar ŋikeyokok a ŋamesekin ŋiuni anerae abu okoup ayoŋ akidaŋidaŋ ŋakiro kec, apotu daŋ ŋamesekin okoremokin ayoŋ.

Ekim. 21:5

Kirworo ŋituŋa ŋuna aronok neni ka Akuj ka neni a Moses ebasi, “Kaanukiro ikiyauniata iyes isua alo Ijipit atwakare analoŋisat? Emam akimuj ka emam ŋakipi a ne; ikiup isua akinyam akimuj ŋina apyanan na.”

Ŋikis. 12:31

Nyemaikina iyes kitiyata ŋun neni ke Ekapolon a Akuj kus, anerae apotu ikes kitiyata neni a ŋakujo kec asiilyo daadaŋ ŋina eŋerit Ekapolon. Ewuanakinete ikes tari ŋidwe kec ŋulupesur ka ŋulusapa nakim aŋuna a ŋakujo kec.

Ŋikis. 5:9

Nyiryediko kilipa neni kec, anerae ayoŋ Ekapolon Akuj kus arae Akuj ŋina alilyan, esicani ayoŋ ŋidwe aŋuna ka asecit atapapa kec akitodol nanyamet ŋina a ŋauni ka ŋina a ŋaomwon a ŋulu akaŋerito ayoŋ,